Kolbeinn bætti met Eiðs Smára um tvö ár og fimm mánuði

Kolbeinn Sigþórsson varð í gær áttundi leikmaðurinn sem nær því að skora tólf mörk fyrir íslenska A-landsliðið en hann skoraði fyrra mark Íslands í 2-0 sigri á Kýpur í leik þjóðanna í undankeppni HM 2014.

Kolbeinn er langyngsti leikmaðurinn sem nær tólfta A-landsliðsmarkinu og bætti met Eiðs Smára Guðjohnsen frá 2004 um tvö ár og tæpa fimm mánuði.

Kolbeinn var 23 ára, 6 mánaða og 27 daga í gær en Eiður Smári Guðjohnsen var 25 ára, 11 mánaða og 24 daga þegar hann bætti metið fyrir níu árum síðan en metið hafði þá verið í eigu Ríkharðs Jónssonar frá 1957.

Hér fyrir neðan má síðan sjá samanburð á því hvaða leikmennirnir átta voru gamlir þegar þeir komust í tólf marka klúbb íslenska A-landsliðsins.



Hvað voru þeir gamlir þegar þeir skoruðu sitt tólfta landsliðsmark:

Kolbeinn Sigþórsson 23 ára - 6 mánaða - 27 daga

Eiður Smári Guðjohnsen  25 ára - 11 mánaða - 24 daga

Ríkharður Jónsson  27 ára - 7 mánaða - 28 daga

Ríkharður Daðason 29 ára - 1 mánaða - 11 daga

Þórður Guðjónsson  29 ára - 7 mánaða - 28 daga

Heiðar Helguson  33 ára - 1 mánaða - 20 daga

Tryggvi Guðmundsson  33 ára - 7 mánaða - 16 daga

Arnór Guðjohnsen  34 ára - 6 mánaða - 12 daga