Mertesacker tryggði Þjóðverjum sigur á Wembley

Auk umspilsleikjanna um laus sæti á HM í Brasilíu þá fóru í kvöld fram nokkrir vináttulandsleikir. Það vakti þar mikla athygli að Spánverjar töpuðu fyrir Suður-Afríku og Þjóðverjar unnu Englendinga á Wembley.

Per Mertesacker, miðvörður Arsenal, tryggði Þjóðverjum 1-0 sigur á Englandi á Wembley þegar hann skoraði með skalla á 39. mínútu eftir hornspyrnu frá Toni Kroos.

Enska landsliðið tapaði þar með í annað skiptið á heimavelli á fjórum dögum því liðið lá 0-2 fyrir Síle á föstudaginn. Það var líka púað á lærisveina Roy Hodgson eftir leik.

Spánverjar töpuðu 0-1 í Suður-Afríku og Aron Jóhannsson og félagar í bandaríska landsliðinu töpuðu 0-1 á móti Austurríki.

Hér fyrir neðan má sjá úrslit og markaskorara úr vináttulandsleikjum kvöldsins.



Úrslit og markaskorarar í nokkrum vináttuleikjum í kvöld:

Argentína - Bosnía 2-0

1-0 Sergio Agüero (40.), 2-0 Sergio Agüero (66.)

Ástralía - Kosta Ríka 1-0

1-0 Tim Cahill (69.)

Rússland - Suður-Kórea 2-1

0-1 Kim Shin-Wook (6.), 1-1 Fyodor Smolov (9.), 2-1 Dmitriy Tarasov (59.)

Slóvenía - Kanada    1-0

1-0 Valter Birsa (53.)

Malta - Færeyjar    3-2

1-0 Ryan Fenech (12.), 2-0 Michael Mifsud (19.), 3-0  Jonathan Caruana (41.), 3-1 Hállur Hánsson (80.), 3-2 Rógvi Baldvinsson (87.)

Noregur - Skotland    0-1

0-1 Scott Brown (61.)

Tyrkland - Hvíta-Rússland    2-1

1-0 Umut Bulut (4.), 1-1 Vitaliy Rodionov (10.), 2-1 Burak Yilmaz (89.)

Suður-Afríka - Spánn    1-0

1-0 Bernard Parker (56.)

Holland - Kólumbía     0-0

Austurríki - Bandaríkin    1-0

1-0 Marc Janko (33.). Aron Jóhannsson var í byrjunarliðinu og lék fyrstu 56 mínútur leiksins.

Pólland - Írland    0-0

England - Þýskaland    0-1

0-1 Per Mertesacker (39.)

Belgía - Japan    2-3

1-0 Kevin Mirallas (16.), 1-1Yoichiro Kakitani (37.), 1-2 Keisuke Honda (53.), 1-3 Shinji Okazaki (63.), 2-3 Toby Alderweireld (79.).