"Ég er búin að vera með hnút í maganum“ Eiríkur Stefán Ásgeirsson skrifar 27. júlí 2013 07:00 Hafdís Sigurðardóttir og Aníta Hinriksdóttir munu etja kappi í 400 m hlaupi á Meistaramóti Íslands í frjálsíþróttum um helgina. Hafdís á betri skráðan tíma en ekki munar miklu á þeim. fréttablaðið/vilhelm Nánast allt okkar besta frjálsíþróttafólk tekur þátt á spennandi Meistaramóti Íslands á Akureyri nú um helgina. Mikill uppgangur hefur verið í íþróttinni síðustu misseri og margt ungt fólk hefur verið að ná frábærum árangri á alþjóðavísu. Þar fer Aníta Hinriksdóttir fremst í flokki en hún ætlar reyndar að taka sér frí frá 800 m hlaupi um helgina. Þess í stað hleypur hún með boðhlaupssveit ÍR og keppir þar að auki í 400 m hlaupi. Fyrir fram má reikna með því að Aníta muni berjast við heimakonuna Hafdísi Sigurðardóttur en þær eiga mjög svipaðan tíma í greininni. „Þetta verður hörkuhlaup og ég er búin að vera með hnút í maganum vegna þess,“ sagði Hafdís í léttum dúr. „Það verður fyrst og fremst heiður og gaman að fá að keppa við Anítu en það munar mjög litlu á okkur í þessari grein. Hún vill auðvitað fá gullið og ætlar ekki að láta gömlu konuna hirða það af sér.“ Aníta, nýkrýndur heims- og Evrópumeistari ungmenna í 800 m hlaupi, er fyrst og fremst millivegalengdahlaupari en Hafdís spretthlaupari. Þær mætast því á „miðri leið“ í 400 m hlaupinu sem þær hafa báðar hlaupið á rúmum 54 sekúndum á þessu ári. Hafdís á ögn betri skráðan tíma í greininni fyrir mótið.asdHafdís keppir í fjórum einstaklingsgreinum á mótinu um helgina og stefnir á sigur í þeim öllum. Hún keppir í 100, 200 og 400 m hlaupum sem og langstökki kvenna. Hún bætti einmitt Íslandsmetið í langstökki fyrr á þessu ári og virðist í besta formi lífs síns. „Ég vona að ég nái að toppa á réttum tíma því ég er með miklar væntingar um góðan árangur,“ segir Hafdís, sem horfir sérstaklega á sextán ára gamalt Íslandsmet Guðrúnar Arnardóttur í 200 m hlaupi. Metið stendur í 23,81 sekúndu en Hafdís hljóp vegalengdina á 23,82 sekúndum á Smáþjóðaleikunum fyrr í sumar. „Hlaupið fór fram í algjöru logni og ég er á því að hefði ég fengið örlítinn vind í bakið væri þetta met hrunið. Ég vona bara að veður og vindar verði bæði mér hliðholl og lögleg á sunnudaginn. Þá á eftir að koma í ljós hversu mikla orku ég mun hafa eftir fyrri keppnisdaginn [í dag] sem verður mjög strembinn,“ segir Hafdís, sem á einnig Íslandsmetin í 60 m og 300 m hlaupi. Flest okkar besta frjálsíþróttafólk verður með á Akureyri um helgina. Hér má sjá yfirlit yfir nokkrar athyglisverðar greinar sem vert verður að fylgjast með um helgina. Sleggjukast karla (í dag kl. 13.00): Hinn stórefnilegi Hilmar Örn Jónsson er nýbúinn að bæta Íslandsmetið með 6 kg sleggju og er einnig öflugur kúluvarpari. 100 m grindahlaup kvenna (í dag kl. 13.30): Arna Stefanía Guðmundsdóttir er nýbúin að setja aldursflokkamet í greininni en þessi öfluga sjöþrautarkona má búast við mikilli samkeppni við Sveinbjörgu Zophaníasdóttur (á mynd)og Maríu Rún Gunnlaugsdóttur sem báðar keppa einnig alla jafna í sjöþraut. Langstökk kvenna (í dag kl. 13.30): Íslandsmethafinn Hafdís Sigurðardóttir er líklegust til sigurs eftir að hafa bætt Íslandsmet í greininni í vor. Spjótkast kvenna (í dag kl. 14:20): Ásdís Hjálmsdóttir undirbýr sig að fullu fyrir HM. 100 m hlaup karla (í dag kl. 14.40): Fjölmennasta greinin en alls eru 28 skráðir til leiks. Kolbeinn Höður Gunnarsson og Ívar Kristinn Jasonarson munu líklega berjast um gullið, rétt eins og í 400 m hlaupi karla (í dag kl. 15.10). 400 m hlaup kvenna (í dag kl. 15.25): Aníta Hinriksdóttir og Hafdís Sigurðardóttir munu berjast um gullið. Spjótkast karla (í dag kl. 15.30): Ísland á nú tvo efnilega spjótkastara, þá Guðmund Sverrisson, sem er nálægt 80 m, og Örn Davíðsson, sem hefur kastað yfir 75 m. Kúluvarp karla (á morgun kl. 13.30): Ólympíufarinn Óðinn Björn Þorsteinsson hefur verið að koma sér aftur af stað eftir leikana í Lundúnum. 200 m hlaup kvenna (á morgun kl. 14.40): Hér verður athyglisvert að fylgjast með hvort Hafdís Sigurðardóttir nái að bæta Íslandsmet Guðrúnar Arnardóttur. Frjálsar íþróttir Mest lesið Sveindís Jane til bjargar á síðustu stundu Fótbolti Mo Salah krefur UEFA um svör vegna Palestínu Pele Enski boltinn Hafþór Júlíus fagnaði tólfta titlinum með því að rífa bolinn af sér Sport Fór holu í höggi í beinni í sjónvarpinu Golf Enska augnablikið: Lærði 200 ný blótsyrði Enski boltinn Hákon gaf syni Dagnýjar treyjuna sína Fótbolti Dagskráin: Enski boltinn byrjar og risaleikur í Bestu Sport Japanskur hnefaleikakappi lést eftir bardaga Sport Arnar með met í 100 km: „Sýnist þetta vera níundi hraðasti tíminn í heiminum“ Sport Nunez farinn frá Liverpool Enski boltinn Fleiri fréttir Stockton segir að LeBron „hafa notað þyrlu til að komast á toppinn“ Tveir látnir eftir sama hnefaleikakvöld í Tókýó Arnar með met í 100 km: „Sýnist þetta vera níundi hraðasti tíminn í heiminum“ Stelpurnar unnu Noreg á EM og tryggðu sér sautjánda sætið Mist varði hártog Þróttarakonu í Bestu mörkunum Serbi inn í teig hjá Stólunum: „Ég veit að áhorfendurnir elska körfubolta“ Bæði systkinin í lokaráshóp á lokadegi Íslandsmótsins í golfi Hákon gaf syni Dagnýjar treyjuna sína Hafþór Júlíus fagnaði tólfta titlinum með því að rífa bolinn af sér Sveindís Jane til bjargar á síðustu stundu Öll mörk Patricks Pedersen í efstu deild Mo Salah krefur UEFA um svör vegna Palestínu Pele Enska augnablikið: Lærði 200 ný blótsyrði Dagskráin: Enski boltinn byrjar og risaleikur í Bestu Japanskur hnefaleikakappi lést eftir bardaga Reiður Geno sendi áhorfanda fingurinn Shedeur stóð sig vel og fékk hrós frá LeBron Haaland á skotskónum í sigri Man. City Nunez farinn frá Liverpool McLagan framlengir við Framara De Gea: Mun aldrei gleyma þessum leik Axel heldur fast í toppsætið Hulda Clara leiðir með fimm höggum fyrir lokadaginn Gyökeres byrjaður að skora fyrir Arsenal Völsungur kom til baka og nældi í stig Björgvin Karl: Settið sem kom að sunnan ekki í Bestu deildar klassa Uppgjör: FHL-FH 0-2 | Þolinmæði vann þraut FH gegn FHL Fór holu í höggi í beinni í sjónvarpinu Diljá með stoðsendingu í fyrsta byrjunarliðsleiknum Eir Chang sjöunda á EM Sjá meira
Nánast allt okkar besta frjálsíþróttafólk tekur þátt á spennandi Meistaramóti Íslands á Akureyri nú um helgina. Mikill uppgangur hefur verið í íþróttinni síðustu misseri og margt ungt fólk hefur verið að ná frábærum árangri á alþjóðavísu. Þar fer Aníta Hinriksdóttir fremst í flokki en hún ætlar reyndar að taka sér frí frá 800 m hlaupi um helgina. Þess í stað hleypur hún með boðhlaupssveit ÍR og keppir þar að auki í 400 m hlaupi. Fyrir fram má reikna með því að Aníta muni berjast við heimakonuna Hafdísi Sigurðardóttur en þær eiga mjög svipaðan tíma í greininni. „Þetta verður hörkuhlaup og ég er búin að vera með hnút í maganum vegna þess,“ sagði Hafdís í léttum dúr. „Það verður fyrst og fremst heiður og gaman að fá að keppa við Anítu en það munar mjög litlu á okkur í þessari grein. Hún vill auðvitað fá gullið og ætlar ekki að láta gömlu konuna hirða það af sér.“ Aníta, nýkrýndur heims- og Evrópumeistari ungmenna í 800 m hlaupi, er fyrst og fremst millivegalengdahlaupari en Hafdís spretthlaupari. Þær mætast því á „miðri leið“ í 400 m hlaupinu sem þær hafa báðar hlaupið á rúmum 54 sekúndum á þessu ári. Hafdís á ögn betri skráðan tíma í greininni fyrir mótið.asdHafdís keppir í fjórum einstaklingsgreinum á mótinu um helgina og stefnir á sigur í þeim öllum. Hún keppir í 100, 200 og 400 m hlaupum sem og langstökki kvenna. Hún bætti einmitt Íslandsmetið í langstökki fyrr á þessu ári og virðist í besta formi lífs síns. „Ég vona að ég nái að toppa á réttum tíma því ég er með miklar væntingar um góðan árangur,“ segir Hafdís, sem horfir sérstaklega á sextán ára gamalt Íslandsmet Guðrúnar Arnardóttur í 200 m hlaupi. Metið stendur í 23,81 sekúndu en Hafdís hljóp vegalengdina á 23,82 sekúndum á Smáþjóðaleikunum fyrr í sumar. „Hlaupið fór fram í algjöru logni og ég er á því að hefði ég fengið örlítinn vind í bakið væri þetta met hrunið. Ég vona bara að veður og vindar verði bæði mér hliðholl og lögleg á sunnudaginn. Þá á eftir að koma í ljós hversu mikla orku ég mun hafa eftir fyrri keppnisdaginn [í dag] sem verður mjög strembinn,“ segir Hafdís, sem á einnig Íslandsmetin í 60 m og 300 m hlaupi. Flest okkar besta frjálsíþróttafólk verður með á Akureyri um helgina. Hér má sjá yfirlit yfir nokkrar athyglisverðar greinar sem vert verður að fylgjast með um helgina. Sleggjukast karla (í dag kl. 13.00): Hinn stórefnilegi Hilmar Örn Jónsson er nýbúinn að bæta Íslandsmetið með 6 kg sleggju og er einnig öflugur kúluvarpari. 100 m grindahlaup kvenna (í dag kl. 13.30): Arna Stefanía Guðmundsdóttir er nýbúin að setja aldursflokkamet í greininni en þessi öfluga sjöþrautarkona má búast við mikilli samkeppni við Sveinbjörgu Zophaníasdóttur (á mynd)og Maríu Rún Gunnlaugsdóttur sem báðar keppa einnig alla jafna í sjöþraut. Langstökk kvenna (í dag kl. 13.30): Íslandsmethafinn Hafdís Sigurðardóttir er líklegust til sigurs eftir að hafa bætt Íslandsmet í greininni í vor. Spjótkast kvenna (í dag kl. 14:20): Ásdís Hjálmsdóttir undirbýr sig að fullu fyrir HM. 100 m hlaup karla (í dag kl. 14.40): Fjölmennasta greinin en alls eru 28 skráðir til leiks. Kolbeinn Höður Gunnarsson og Ívar Kristinn Jasonarson munu líklega berjast um gullið, rétt eins og í 400 m hlaupi karla (í dag kl. 15.10). 400 m hlaup kvenna (í dag kl. 15.25): Aníta Hinriksdóttir og Hafdís Sigurðardóttir munu berjast um gullið. Spjótkast karla (í dag kl. 15.30): Ísland á nú tvo efnilega spjótkastara, þá Guðmund Sverrisson, sem er nálægt 80 m, og Örn Davíðsson, sem hefur kastað yfir 75 m. Kúluvarp karla (á morgun kl. 13.30): Ólympíufarinn Óðinn Björn Þorsteinsson hefur verið að koma sér aftur af stað eftir leikana í Lundúnum. 200 m hlaup kvenna (á morgun kl. 14.40): Hér verður athyglisvert að fylgjast með hvort Hafdís Sigurðardóttir nái að bæta Íslandsmet Guðrúnar Arnardóttur.
Frjálsar íþróttir Mest lesið Sveindís Jane til bjargar á síðustu stundu Fótbolti Mo Salah krefur UEFA um svör vegna Palestínu Pele Enski boltinn Hafþór Júlíus fagnaði tólfta titlinum með því að rífa bolinn af sér Sport Fór holu í höggi í beinni í sjónvarpinu Golf Enska augnablikið: Lærði 200 ný blótsyrði Enski boltinn Hákon gaf syni Dagnýjar treyjuna sína Fótbolti Dagskráin: Enski boltinn byrjar og risaleikur í Bestu Sport Japanskur hnefaleikakappi lést eftir bardaga Sport Arnar með met í 100 km: „Sýnist þetta vera níundi hraðasti tíminn í heiminum“ Sport Nunez farinn frá Liverpool Enski boltinn Fleiri fréttir Stockton segir að LeBron „hafa notað þyrlu til að komast á toppinn“ Tveir látnir eftir sama hnefaleikakvöld í Tókýó Arnar með met í 100 km: „Sýnist þetta vera níundi hraðasti tíminn í heiminum“ Stelpurnar unnu Noreg á EM og tryggðu sér sautjánda sætið Mist varði hártog Þróttarakonu í Bestu mörkunum Serbi inn í teig hjá Stólunum: „Ég veit að áhorfendurnir elska körfubolta“ Bæði systkinin í lokaráshóp á lokadegi Íslandsmótsins í golfi Hákon gaf syni Dagnýjar treyjuna sína Hafþór Júlíus fagnaði tólfta titlinum með því að rífa bolinn af sér Sveindís Jane til bjargar á síðustu stundu Öll mörk Patricks Pedersen í efstu deild Mo Salah krefur UEFA um svör vegna Palestínu Pele Enska augnablikið: Lærði 200 ný blótsyrði Dagskráin: Enski boltinn byrjar og risaleikur í Bestu Japanskur hnefaleikakappi lést eftir bardaga Reiður Geno sendi áhorfanda fingurinn Shedeur stóð sig vel og fékk hrós frá LeBron Haaland á skotskónum í sigri Man. City Nunez farinn frá Liverpool McLagan framlengir við Framara De Gea: Mun aldrei gleyma þessum leik Axel heldur fast í toppsætið Hulda Clara leiðir með fimm höggum fyrir lokadaginn Gyökeres byrjaður að skora fyrir Arsenal Völsungur kom til baka og nældi í stig Björgvin Karl: Settið sem kom að sunnan ekki í Bestu deildar klassa Uppgjör: FHL-FH 0-2 | Þolinmæði vann þraut FH gegn FHL Fór holu í höggi í beinni í sjónvarpinu Diljá með stoðsendingu í fyrsta byrjunarliðsleiknum Eir Chang sjöunda á EM Sjá meira