Sport

Hafdís bætti 23 daga gamalt Íslandsmet sitt í langstökki

Tómas Þór Þórðarson skrifar
Hafdís Sigurðardóttir á Íslandsmetið innan- og utanhúss í langstökki.
Hafdís Sigurðardóttir á Íslandsmetið innan- og utanhúss í langstökki. Vísir/Daníel
Hafdís Sigurðardóttir, frjálsíþróttakona úr UFA, bætti eigið Íslandsmet í langstökki innanhúss á Meistaramóti Íslands í fjölþrautum en mótið fór fram í Laugardalshöllinni um helgina.

Hún átti mjög góða stökkseríu en lengst stökk hún 6,45 metra sem er fimm sentimetra bæting á 23 daga gömlu Íslandsmeti hennar.

Hafdís bætti nefnilega Íslandsmet Sunnu Gestsdóttur frá árinu 2003 á Meistaramóti ÍR 1. febrúar s.l. þegar hún stökk 6,40 metra. Íslandsmet Sunnu sem stóð í ellefu ár var 6,28 metrar.

Þessi magnaða frjálsíþróttakona, sem sópað hefur til sín verðlaunum undanfarin misseri, á einnig Íslandsmetið utanhúss. Það met setti hún síðasta sumar þegar hún stökk 6,36 metra.

Hafdís gerði svo enn betur og vann fimmtarþrautina með 3.805 stig en Ásgerður Jana Ágústsdóttir úr UFA varð í öðru sæti með 3.512. Hún er aðeins 18 ára gömul.

Hafdís bætir Íslandsmetið 1. febrúar.Vísir/Getty
Frjálsar íþróttir

Tengdar fréttir

Sjáðu risastökkið hjá Hafdísi

Hafdís Sigurðardóttir nældi í þrenn gullverðlaun og stökk lengst íslenskra kvenna í langstökki á fyrri degi Meistaramóts Íslands í frjálsum íþróttum í dag.

Mögulegt Íslandsmet Hafdísar ekki tímamælt

Hafdís Sigurðardóttir var mjög ánægð með frammistöðu sína í 60m hlaupi kvenna á bikarmóti FRÍ um helgina en enginn veit nákvæmlega hversu hratt hún hljóp.

Hafdís setti glæsilegt Íslandsmet í langstökki

Hafdís Sigurðardóttir setti nýtt og glæsilegt Íslandsmet í langstökki á Innanhússmeistaramóti Íslands í frjálsum íþróttum sem stendur nú yfir í Frjálsíþróttahöllinni í Laugardal.

Hafdís Sigurðardóttir vann fimm gull á MÍ

Hafdís Sigurðardóttir úr Ungmennafélagi Akureyrar var sigursælasti keppandi Meistaramóts Íslands í frjálsum íþróttum um helgina en þessi 26 ára spretthlaupari og stökkvari vann alls fimm einstaklingsgreinar á mótinu.

Hafdís: Ég er búin að bíða svolítið lengi eftir þessu

Hafdís Sigurðardóttir setti nýtt og glæsilegt Íslandsmet í langstökki í dag þegar hún stökk 6,40 metra á Innanhússmeistaramóti Íslands í frjálsum íþróttum sem stendur nú yfir í Frjálsíþróttahöllinni í Laugardal.

Mest lesið


Fleiri fréttir

Sjá meira


×

Mest lesið