Umfjöllun: Danmörk - Ísland 1-1 | Stelpurnar náðu í stig í Vejle 15. júní 2014 10:20 Dóra María Lárusdóttir fagnar marki sínu. Mynd/KSí-Hilmar Þór Guðmundsson Ísland gerði jafntefli við Danmörku, 1-1, í undankeppni HM 2015 í fótbolta í dag, en leikurinn fór fram í Vejle. Dóra María Lárusdóttir skoraði mark Íslands í fyrri hálfleik. Ísland er áfram í öðru sæti riðilsins, stigi á undan Dönum. Leikurinn byrjaði mjög rólega en hann var harður allan tímann og augljóst að bæði lið lögðu allt í sölurnar til að ná sigri. Jafntefli gerði lítið fyrir bæði lið sem berjast um annað sætið í riðlinum, en aðeins fjögur bestu liðin sem enda í öðru sæti komast í umspil um sæti á HM. Ísland komst yfir með marki Dóru Maríu Lárusdóttur á 28. mínútu, en hún skoraði eftir undirbúning RakelarHönnudóttur. Adam var þó ekki lengi í paradís því Danir jöfnuðu aðeins sjö mínútum síðar. JohannaRasmussen kom boltanum í íslenska markið eftir varnarmistök okkar stúlkna. Seinni hálfleikurinn var bráðfjörugur og vel spilaður. Mikill hraði var í leiknum, en þær dönsku héldu boltanum betur eins og búast mátti við. Íslenska vörnin gerði vel í að stöðva sóknarlotur heimamanna á síðasta þriðjungi vallarins og þá var Þóra B. Helgadóttir ósigrandi í markinu. Bestu færi Íslands komu í fyrri hálfleik en DagnýBrynjarsdóttir hefði átt að skora eftir hálftíma leik. Færin voru af skornum skammti í seinni hálfleik en spilamennskan að mörgu leyti ágæt hjá íslenska liðinu. Með smá heppni hefðu stelpurnar getað unnið leikinn. Eftir leikinn er Ísland í öðru sæti riðilsins með tíu stig eftir sex leiki en Sviss er langefst með 22 stig eftir átta leiki. Danir eru með níu stig eftir sex leiki líkt og Ísrael en Ísland, Danmörk og Ísrael berjast um annað sætið. Ísland á nú eftir fjóra heimaleiki; gegn Danmörku, Möltu, Ísrael og Serbíu. Stelpurnar verða að næla sér í eins mörg stig og hægt er til að eiga möguleika á að komast í umspil um sæti á HM 2015.Byrjunarlið Íslands (4-5-1): Þóra B. Helgadóttir; Ólína Viðarsdóttir, Glódís Perla Viggósdóttir, Sif Atladóttir, Hallbera Guðný Gísladóttir; Fanndís Friðriksdóttir, Dóra María Lárusdóttir, Sara Björk Gunnarsdóttir, Rakel Hönnudóttir, Dagný Brynjarsdóttir; Harpa Þorsteinsdóttir.Textalýsing leiksins: 12.51 LEIK LOKIÐ, 1-1. 12.51 Nadim á líklega síðustu tilraun leiksins, beint úr aukaspyrnu. Skotið er yfir vegginn en ekki nógu fast og Þóra grípur. Uppbótartími í gangi. 12.46 Skipting: Elín Metta Jensen kemur inn á fyrir Hörpu Þorsteinsdóttur. 12.45 Íslensku stelpurnar komast í efnilega skyndisókn sem rennur út í sandinn. Harpa nær laflausu skotið á markið. Þetta var tækifæri til að klára leikinn. 12.43 Enn kemst Nadim í færi í teignum. Boltanum er lyft yfir vörnina og inn á teigin þar sem hún reynir skalla en Þóra er ósigrandi í markinu þessa stundina. 12.38 Danir í dauðafæri! Sóknarmaður heimamanna kemst einn á móti Þóru sem ver meistaralega. Þarna skall hurð nærri hælum. Danska liðið sækir stíft núna. 12.36 Skipting: Hólmfríður Magnúsdóttir kemur inn á fyrir Rakel Hönnudóttur. 12.34 Nadia Nadmin í góðu færi í teignum hjá Íslandi en þrumar boltanum yfir. Þetta var negla, en sem betur fer fór boltinn ekki á rammann. Bæði lið keppast nú við að skora sigurmarkið enda gerir jafntefli lítið fyrir þau bæði. 12.29 Flott sókn Dana upp vinstri vænginn endar með skoti úr teignum sem Þóra ver. Hún gerir vel í að halda boltanum. 12.24 Varnarmaður Dana missir boltann frá sér og Rakel er fljót að átta sig og hirðir boltann af henni. Brotið er á Rakel og Daninn fær gult spjald. Dóra María spyrnir langt inn á teiginn úr aukaspyrnunni þar sem fyrirliðinn Sara Björk reynir skalla aftur fyrir sig en boltinn framhjá. 12.21 Danir ná skoti úr teignum en Þóra er með allt á hreinu í markinu. Heimamenn eru betri þessa stundina. 12.19 Skipting: Guðný Björk Óðinsdóttir kemur inn á fyrir Fanndísi Friðriksdóttur. 12.17 Danir halda boltanum ágætlega en sterk íslensk vörn gerir út um flestar sóknir þeirra á síðasta þriðjungi vallarins. Ísland reynir að sækja hratt þegar það fær boltann og lyfta knettinum yfir varnarlínu Dana. Harpa og Fanndís hlaupa út um allt í framlínu liðsins. 12.11 Flott spil hjá íslenska liðinu á 53. mínútu sem endar með fyrirgjöf frá Fanndísi inn á teiginn. Markvörður Dana lendir í basli en slær boltann frá. Heimamenn bruna upp og ná föstu skoti á markið sem Þóra er við það að missa í netið en hún nær boltanum í annarri tilraun. 12.04 Dóra María byrjar seinni hálfleikinn á því að fá gult spjald fyrir brot á Nadim. 12.03 Seinni hálfleikur hafinn. 11.47 HÁLFLEIKUR. 11.45 Þarna slapp Ísland með skrekkinn. Nadia Nadmin á marktilraun í stöngina fyrir Dani eftir hornspyrnu. 11.37 MARK!!! Danir jafna, 1-1. JohannaRasmussen skorar fyrir heimamenn á 35. mínútu. Dagný Brynjarsdóttir fór illa með gott færi fyrir Ísland nokkrum mínútum áður. Adam var ekki lengi í paradís. 11.30 MARK!!! Ísland er komið yfir í Vejle. Dóra María Lárusdóttir skorar á 28. mínútu fyrir stelpurnar okkar. Frábært. Ísland á svo tvö skot að marki í næstu sóknum. Kraftur í okkar stelpum. 11.20 Baráttan er mikil í leiknum og liðin eru mikið í því að brjóta á hvort öðru. Þær dönsku reyna fyrsta skot leiksins á 22. mínútu en íslenska vörnin kemst í milli. 11.10 Hvorugt liðið náð skoti að marki fyrstu tíu mínútur leiksins. Nokkrar aukaspyrnur úti á velli. Lítið að gerast í byrjun leiks. 11.00 Leikurinn er hafinn. 10.50 Danska liðið er mjög sterkt, en það vill halda boltanum og stýra leikjum sínum. Þær dönsku eru búnar að spila tvívegis við Sviss; tapa einu sinni 1-0 og gerðu síðast jafntefli, 1-1. Ísland tapaði í tvígang sannfærandi fyrir sterku liði Sviss til að gefa einhverja mynd af styrkleika liðanna. Danska liðið gerði óvænt jafntefli við Serbíu í fyrsta leik sínum. 10.30 Freyr Alexandersson, landsliðsþjálfari, gerir eina breytingu á liðinu sem tapaði fyrir Sviss, 3-0, í síðasta leik liðsins í undankeppninni. Stjörnukonan Anna Björk Kristjánsdóttir víkur fyrir Rakel Hönnudóttur. Sif Atladóttir færist aftur í miðvörðinn en hún spilaði aftast á miðju á móti Sviss. 10.25 Góðan daginn. Stelpurnar okkar hefja aftur leik í undankeppni HM 2015 nú í morgunsárið gegn Danmörku í Vejle. Sigur er nokkuð mikilvægur í dag þar sem Ísland er aðeins í baráttunni um annað sætið og ekki nema fjögur bestu liðin í öðru sæti komast í umspil um sæti á HM 2015. Íslenski boltinn Mest lesið Ferrari bílarnir í henglum og verða bara verri Formúla 1 Smellti kossi á mömmu sína sem birtist óvænt fyrir leik Körfubolti Sjáðu endurkomusigur Sunderland og öll mörk gærdagsins Fótbolti Dagskráin í dag: Nóg um að vera í enska boltanum Sport Norðurlöndin með risasigra á HM Handbolti Stuð í klefanum hjá Víkingum eftir að sætið var í höfn - myndband Íslenski boltinn Ráðgátan með dularfulla peningaseðilinn í leik Íslands leyst Handbolti Heimir Hallgrímsson og Eyjólfur Sverrisson spá báðir vítakeppni Íslenski boltinn ÍR vann botnslaginn og sinn fyrsta sigur Handbolti Veiðifagn Stjörnumanna tekið í japönsku deildinni - myndband Íslenski boltinn Fleiri fréttir Messi og félagar í úrslit MLS í fyrsta sinn Sjáðu endurkomusigur Sunderland og öll mörk gærdagsins Everton engin fyrirstaða fyrir Newcastle Sanngjarn sigur gestanna frá Fulham Andri Lucas á skotskónum í svekkjandi jafntefli Fjórir sigrar í röð hjá Börsungum Atli Sigurjónsson heim í Þór Ótrúleg endurkoma Sunderland og Igor Thiago hetja Brentford Mikael Egill lagði upp sigurmark Genoa Framlengir við Breiðablik og nálgast fimm hundruð leikina Foden kom City á beinu brautina á ný Palmer klár eftir að hafa tábrotnað heima hjá sér Baðst afsökunar á að hafa gert grín að nefi mótherja Sigursæl knattspyrnukona í herferð fyrir einstæðar mæður Starfsmaður Chelsea stal 34 milljónum af félaginu Dómari gaf sautján rauð spjöld í sama leik Man United vill að nýr Old Trafford verði klár fyrir HM kvenna Elísabet stýrði Belgum til sigurs KSÍ skiptir um mótakerfi og smíðar nýjan vef Íranar fengu enga hjálp frá Infantino og sniðganga HM-dráttinn Damir Muminovic til Grindavíkur Real hafi misst áhugann á slökum Konaté Sjáðu bestu mörkin: Klókur Kanu og eitraður Essien Rautt spjald gegn Íslandi rifjað upp eftir tal um „sérmeðferð“ Ronaldos Skoraði á móti Arsenal og semur nú við Vestra Segja þetta ekki sanngjarnt og að þetta yrði bara farsi Dæmdu forsetann og alla leikmenn í bann Segir Slot hafa viku til þess að bjarga starfi sínu Fantasýn: Eyjólfur Sverris pakkar fjölskyldunni saman Scholes sakar Slot um virðingarleysi og að hann fái það í bakið núna Sjá meira
Ísland gerði jafntefli við Danmörku, 1-1, í undankeppni HM 2015 í fótbolta í dag, en leikurinn fór fram í Vejle. Dóra María Lárusdóttir skoraði mark Íslands í fyrri hálfleik. Ísland er áfram í öðru sæti riðilsins, stigi á undan Dönum. Leikurinn byrjaði mjög rólega en hann var harður allan tímann og augljóst að bæði lið lögðu allt í sölurnar til að ná sigri. Jafntefli gerði lítið fyrir bæði lið sem berjast um annað sætið í riðlinum, en aðeins fjögur bestu liðin sem enda í öðru sæti komast í umspil um sæti á HM. Ísland komst yfir með marki Dóru Maríu Lárusdóttur á 28. mínútu, en hún skoraði eftir undirbúning RakelarHönnudóttur. Adam var þó ekki lengi í paradís því Danir jöfnuðu aðeins sjö mínútum síðar. JohannaRasmussen kom boltanum í íslenska markið eftir varnarmistök okkar stúlkna. Seinni hálfleikurinn var bráðfjörugur og vel spilaður. Mikill hraði var í leiknum, en þær dönsku héldu boltanum betur eins og búast mátti við. Íslenska vörnin gerði vel í að stöðva sóknarlotur heimamanna á síðasta þriðjungi vallarins og þá var Þóra B. Helgadóttir ósigrandi í markinu. Bestu færi Íslands komu í fyrri hálfleik en DagnýBrynjarsdóttir hefði átt að skora eftir hálftíma leik. Færin voru af skornum skammti í seinni hálfleik en spilamennskan að mörgu leyti ágæt hjá íslenska liðinu. Með smá heppni hefðu stelpurnar getað unnið leikinn. Eftir leikinn er Ísland í öðru sæti riðilsins með tíu stig eftir sex leiki en Sviss er langefst með 22 stig eftir átta leiki. Danir eru með níu stig eftir sex leiki líkt og Ísrael en Ísland, Danmörk og Ísrael berjast um annað sætið. Ísland á nú eftir fjóra heimaleiki; gegn Danmörku, Möltu, Ísrael og Serbíu. Stelpurnar verða að næla sér í eins mörg stig og hægt er til að eiga möguleika á að komast í umspil um sæti á HM 2015.Byrjunarlið Íslands (4-5-1): Þóra B. Helgadóttir; Ólína Viðarsdóttir, Glódís Perla Viggósdóttir, Sif Atladóttir, Hallbera Guðný Gísladóttir; Fanndís Friðriksdóttir, Dóra María Lárusdóttir, Sara Björk Gunnarsdóttir, Rakel Hönnudóttir, Dagný Brynjarsdóttir; Harpa Þorsteinsdóttir.Textalýsing leiksins: 12.51 LEIK LOKIÐ, 1-1. 12.51 Nadim á líklega síðustu tilraun leiksins, beint úr aukaspyrnu. Skotið er yfir vegginn en ekki nógu fast og Þóra grípur. Uppbótartími í gangi. 12.46 Skipting: Elín Metta Jensen kemur inn á fyrir Hörpu Þorsteinsdóttur. 12.45 Íslensku stelpurnar komast í efnilega skyndisókn sem rennur út í sandinn. Harpa nær laflausu skotið á markið. Þetta var tækifæri til að klára leikinn. 12.43 Enn kemst Nadim í færi í teignum. Boltanum er lyft yfir vörnina og inn á teigin þar sem hún reynir skalla en Þóra er ósigrandi í markinu þessa stundina. 12.38 Danir í dauðafæri! Sóknarmaður heimamanna kemst einn á móti Þóru sem ver meistaralega. Þarna skall hurð nærri hælum. Danska liðið sækir stíft núna. 12.36 Skipting: Hólmfríður Magnúsdóttir kemur inn á fyrir Rakel Hönnudóttur. 12.34 Nadia Nadmin í góðu færi í teignum hjá Íslandi en þrumar boltanum yfir. Þetta var negla, en sem betur fer fór boltinn ekki á rammann. Bæði lið keppast nú við að skora sigurmarkið enda gerir jafntefli lítið fyrir þau bæði. 12.29 Flott sókn Dana upp vinstri vænginn endar með skoti úr teignum sem Þóra ver. Hún gerir vel í að halda boltanum. 12.24 Varnarmaður Dana missir boltann frá sér og Rakel er fljót að átta sig og hirðir boltann af henni. Brotið er á Rakel og Daninn fær gult spjald. Dóra María spyrnir langt inn á teiginn úr aukaspyrnunni þar sem fyrirliðinn Sara Björk reynir skalla aftur fyrir sig en boltinn framhjá. 12.21 Danir ná skoti úr teignum en Þóra er með allt á hreinu í markinu. Heimamenn eru betri þessa stundina. 12.19 Skipting: Guðný Björk Óðinsdóttir kemur inn á fyrir Fanndísi Friðriksdóttur. 12.17 Danir halda boltanum ágætlega en sterk íslensk vörn gerir út um flestar sóknir þeirra á síðasta þriðjungi vallarins. Ísland reynir að sækja hratt þegar það fær boltann og lyfta knettinum yfir varnarlínu Dana. Harpa og Fanndís hlaupa út um allt í framlínu liðsins. 12.11 Flott spil hjá íslenska liðinu á 53. mínútu sem endar með fyrirgjöf frá Fanndísi inn á teiginn. Markvörður Dana lendir í basli en slær boltann frá. Heimamenn bruna upp og ná föstu skoti á markið sem Þóra er við það að missa í netið en hún nær boltanum í annarri tilraun. 12.04 Dóra María byrjar seinni hálfleikinn á því að fá gult spjald fyrir brot á Nadim. 12.03 Seinni hálfleikur hafinn. 11.47 HÁLFLEIKUR. 11.45 Þarna slapp Ísland með skrekkinn. Nadia Nadmin á marktilraun í stöngina fyrir Dani eftir hornspyrnu. 11.37 MARK!!! Danir jafna, 1-1. JohannaRasmussen skorar fyrir heimamenn á 35. mínútu. Dagný Brynjarsdóttir fór illa með gott færi fyrir Ísland nokkrum mínútum áður. Adam var ekki lengi í paradís. 11.30 MARK!!! Ísland er komið yfir í Vejle. Dóra María Lárusdóttir skorar á 28. mínútu fyrir stelpurnar okkar. Frábært. Ísland á svo tvö skot að marki í næstu sóknum. Kraftur í okkar stelpum. 11.20 Baráttan er mikil í leiknum og liðin eru mikið í því að brjóta á hvort öðru. Þær dönsku reyna fyrsta skot leiksins á 22. mínútu en íslenska vörnin kemst í milli. 11.10 Hvorugt liðið náð skoti að marki fyrstu tíu mínútur leiksins. Nokkrar aukaspyrnur úti á velli. Lítið að gerast í byrjun leiks. 11.00 Leikurinn er hafinn. 10.50 Danska liðið er mjög sterkt, en það vill halda boltanum og stýra leikjum sínum. Þær dönsku eru búnar að spila tvívegis við Sviss; tapa einu sinni 1-0 og gerðu síðast jafntefli, 1-1. Ísland tapaði í tvígang sannfærandi fyrir sterku liði Sviss til að gefa einhverja mynd af styrkleika liðanna. Danska liðið gerði óvænt jafntefli við Serbíu í fyrsta leik sínum. 10.30 Freyr Alexandersson, landsliðsþjálfari, gerir eina breytingu á liðinu sem tapaði fyrir Sviss, 3-0, í síðasta leik liðsins í undankeppninni. Stjörnukonan Anna Björk Kristjánsdóttir víkur fyrir Rakel Hönnudóttur. Sif Atladóttir færist aftur í miðvörðinn en hún spilaði aftast á miðju á móti Sviss. 10.25 Góðan daginn. Stelpurnar okkar hefja aftur leik í undankeppni HM 2015 nú í morgunsárið gegn Danmörku í Vejle. Sigur er nokkuð mikilvægur í dag þar sem Ísland er aðeins í baráttunni um annað sætið og ekki nema fjögur bestu liðin í öðru sæti komast í umspil um sæti á HM 2015.
Íslenski boltinn Mest lesið Ferrari bílarnir í henglum og verða bara verri Formúla 1 Smellti kossi á mömmu sína sem birtist óvænt fyrir leik Körfubolti Sjáðu endurkomusigur Sunderland og öll mörk gærdagsins Fótbolti Dagskráin í dag: Nóg um að vera í enska boltanum Sport Norðurlöndin með risasigra á HM Handbolti Stuð í klefanum hjá Víkingum eftir að sætið var í höfn - myndband Íslenski boltinn Ráðgátan með dularfulla peningaseðilinn í leik Íslands leyst Handbolti Heimir Hallgrímsson og Eyjólfur Sverrisson spá báðir vítakeppni Íslenski boltinn ÍR vann botnslaginn og sinn fyrsta sigur Handbolti Veiðifagn Stjörnumanna tekið í japönsku deildinni - myndband Íslenski boltinn Fleiri fréttir Messi og félagar í úrslit MLS í fyrsta sinn Sjáðu endurkomusigur Sunderland og öll mörk gærdagsins Everton engin fyrirstaða fyrir Newcastle Sanngjarn sigur gestanna frá Fulham Andri Lucas á skotskónum í svekkjandi jafntefli Fjórir sigrar í röð hjá Börsungum Atli Sigurjónsson heim í Þór Ótrúleg endurkoma Sunderland og Igor Thiago hetja Brentford Mikael Egill lagði upp sigurmark Genoa Framlengir við Breiðablik og nálgast fimm hundruð leikina Foden kom City á beinu brautina á ný Palmer klár eftir að hafa tábrotnað heima hjá sér Baðst afsökunar á að hafa gert grín að nefi mótherja Sigursæl knattspyrnukona í herferð fyrir einstæðar mæður Starfsmaður Chelsea stal 34 milljónum af félaginu Dómari gaf sautján rauð spjöld í sama leik Man United vill að nýr Old Trafford verði klár fyrir HM kvenna Elísabet stýrði Belgum til sigurs KSÍ skiptir um mótakerfi og smíðar nýjan vef Íranar fengu enga hjálp frá Infantino og sniðganga HM-dráttinn Damir Muminovic til Grindavíkur Real hafi misst áhugann á slökum Konaté Sjáðu bestu mörkin: Klókur Kanu og eitraður Essien Rautt spjald gegn Íslandi rifjað upp eftir tal um „sérmeðferð“ Ronaldos Skoraði á móti Arsenal og semur nú við Vestra Segja þetta ekki sanngjarnt og að þetta yrði bara farsi Dæmdu forsetann og alla leikmenn í bann Segir Slot hafa viku til þess að bjarga starfi sínu Fantasýn: Eyjólfur Sverris pakkar fjölskyldunni saman Scholes sakar Slot um virðingarleysi og að hann fái það í bakið núna Sjá meira