Naismith: Eina neikvæða að skora ekki fleiri

Steven Naismith, leikmaður skoska landsliðsins og Everton, var ánægður með að Skotar væru búnir að næla í sín fyrstu stig í D-riðli.

Skotar unnu Georgía 1-0 á heimavelli í dag, en liðið mætir Póllandi á þriðjudaginn.

„Mér fannst við spila mjög vel, pressuðum þá vel og fengum færi," sagði Naismith við Sky Sports í leikslok.

„Í síðari hálfleik vissum við að þeir myndu breyta sínu skipulagi, en við hirtum punktana þrjá sem í boði voru. Mér fannst öll framlínan og miðjan gera vel."

„Eina neikvæða við kvöldið í kvöld var að við skoruðum ekki fleiri mörk. Leikplanið gekk virkileag vel upp og þetta var okkar fyrsti sigur. Nú einbeitum við okkur að leiknum gegn Póllandi," sagði skotinn geðþekki.