Þessi stóðu sig best í fyrri hluta Reykjavíkurleikanna

Reykjavíkurleikarnir hófust um helgina og þá var keppt í níu íþróttagreinum víðsvegar um borgina en flestar keppnir fóru fram í Laugardalnum. Mótahaldið gekk mjög vel fyrir sig og mikil ánægja með hvernig til tókst. Þetta kemur fram í fréttatilkynningu frá Íþróttabandalagi Reykjavíkur.

Fyrri hluta leikanna lauk svo með glæsilegri hátíðardagskrá í Laugardalshöllinni í gær. Á hátíðinni ávarpaði Dagur B. Eggertsson, borgarstjóri í Reykjavík, gesti, Unnur Birna Bassadóttir söng lag leikanna, „What we are“, íþróttafólk úr ýmsum greinum var með glæsilega sýningu, Bjarni töframaður skemmti viðstöddum og Sirkus Ísland sýndi listir sínar.

Stigahæsti karlinn og stigahæsta konan í hverri íþróttagrein fengu sérstaka viðurkenningu á hátíðinni en þau voru eftirfarandi:

Bogfimi

Kona: Sheriden Lee Gale, Ástralíu.

Karl: Martin Damsbö Christiensen, Danmörku.

Frjálsar íþróttir

Kona: Aníta Hinriksdóttir, ÍR

Karl: Daniel Gardiner, Bretlandi.

Badminton

Kona: Sigríður Árnadóttir, TBR

Karl: Daníel Jóhannesson, TBR

Listhlaup á skautum

Kona: Shaline Ruegger, Sviss.

Karate

Kona: Emma Lucraft, Englandi.

Karl: Lonni Boulesnane, Frakklandi.

Júdó

Kona: Nete Dehlendorff, Danmörku.

Karl: Khomula Artem, Úkraínu.

Kraftlyftingar

Kona: Ielja Strik, Hollandi.

Karl: Kim Raino Rølvåg, Noregi.

Sund

Kona: Mie Østergaard Nielsen, Danmörku.

Karl: Kristinn Þórarinsson, Fjölni

Taekwondo

Kona: Ástrós Brynjarsdóttir, Keflavík

Karl: Ágúst Kristinn Eðvarðsson, Keflavík