Strákarnir funda og æfa í Flórída | Myndir

Íslenska karlalandsliðið í knattspyrnu mætir Kanada í tveimur vináttuleikjum á föstudag og mánudag, en leikirnir verða spilaðir á heimavelli University of Central Florida í Orlando í Bandaríkjunum.

Fram kemur í frétt á vef KSÍ að allir leikmenn hópsins voru með á æfingu í gær og eftir handa voru tveir fundir. Nýir leikmenn voru svo boðnir velkomnir í hópinn en sex nýliðar eru með í för.

Sjá einnig:Sex nýliðar í landsliðshópnum

Aðstæður til knattspyrnuiðkunar voru góðar í gær, að því fram kemur á vefsíðu KSÍ; skýjað og um 18 stiga hiti og má búast við slíku veðri næstu daga að viðbættum einhverjum rigningarskúrum.

Fleiri knattspyrnulið eru í Orlando þessa dagana við æfingar en íslenska liðið, en þýsku liðin Bayern Leverkusen og Köln eru t.a.m. á staðnum í æfingaferð.

Hér að neðan má sjá myndir frá æfingu gærdagsins en fleiri myndir má sjá á Facebook-síðu KSÍ.