Super Bowl leikmannakynning: Russell Wilson Tómas Þór Þórðarson skrifar 28. janúar 2015 22:30 Russell Wilson hefur náð ótrúlegum árangri á skömmum tíma. vísir/getty Super Bowl, stærsti íþróttaviðburður Bandaríkjanna á hverju ári, fer fram á sunnudagskvöldið. Þar mætast að þessu sinni ríkjandi meistarar Seattle Seahawks og þrefaldir meistarar New England Patriots. Leikurinn verður í beinni útsendingu á Stöð 2 Sport og rétt eins og í fyrra verður mikil og flott dagskrá í kringum leikinn. Andri Ólafsson stýrir pallborðsumræðum fyrir leik, í hálfleik og eftir leik auk þess sem sérfræðingarnir koma reglulega inn í leikhléum og fara yfir gang mála. Í aðdraganda leiksins um Vísir hita vel upp fyrir leikinn, meðal annars með leikmannakynningum sem hefjast í dag. Fyrstir á dagskrá eru leikstjórnendurnir og nú er komið að Russell Wilson, leikstjórnanda Seattle Seahawks.Sjá einnig:Tom Brady Vertu með í veislunni á sunnudaginn og taktu þátt í umræðunni á Twitter með kassmerkinu #NFLÍsland. Þeir sem verða með Super Bowl-veislur eru hvattir til að senda inn myndir sem verða birtar í útsendingunni. Hver verður með bestu veisluna?Wilson ræðir við fjölmiðla í gær.vísir/gettyNafn: Russell WilsonAldur: 26 áraFrá: Cincinatti í OhioHáskóli: NC State og WisconsinNýliðaval: Valinn nr. 75 í 3. umferðHelstu afrek: Super Bowl-meistari (2013), NFC-meistari (2013 og 2014), nýliði ársins (2012), tvisvar sinnum valinn í stjörnuliðið. Russell Wilson hefur náð ótrúlegum árangri á skömmum tíma í NFL-deildinni. Eins og með Tom Brady bjóst enginn við því að hann myndi gera svona mikill usla í NFL - það er að segja enginn nema hann. Eins og Brady hefur Wilson óbilandi trú á sjálfum sér og Guð sínum, sem hann virðist stundum vera í beinu sambandi við. Wilson spilaði ekki menntaskólabolta í Cincinatti heldur fór hann í einkaskóla í Richmond í Virginíuríki. Faðir hans, lögfræðingur sem lést árið 2010, vildi bara það besta fyrir son sinn og sendi hann í skóla sem gerði hann tilbúnari fyrir háskóla. Í menntaskóla fór Wilson á kostum og var valinn í öll All American-lið sem til eru.Russell Wilson lyfti þeim stóra í fyrra.vísir/gettyAuk þess að vera öflugur í amerískum fótbolta var, og er, Wilson góður hafnaboltamaður. Hann var valinn tvisvar í nýliðavalinu í MLB-deildinni en spilaði aldrei leik. Hann ákvað þó, í janúar 2011, að fara með MLB-liðinu Colorado Rockies í æfingabúðir. Hann hafði spilað í fjögur ár með North Carolina State-háskólanum en átti eitt ár eftir þar sem hann sat á bekknum allt fyrsta árið sitt. Þjálfarinn hans var aldrei fyllilega sáttur við hvað Wilson var að spila mikinn hafnabolta og eftir mikið jappl, jaml og fuður fyrir lokaárið hans var Wilson leystur undan skólastyrk. Wilson spilaði síðasta árið sitt í háskóla með Wisconsin Badgers þar sem hann var valinn besti leikstjórnandi Big 10-deildarinnar bæði af þjálfurum hennar og fjölmiðlum. Hann setti met yfir flestar stoðsendingar á einu tímabili hjá Wisconsin og átti næst flestar í sögu Big 10.Pete Carroll hefur ekki séð eftir því að veðja á Wilson.vísir/gettyÞrátt fyrir að spila aðeins eitt ár með Wisconsin á móti fjórum með NC State kennir Wilson sig við Wisconsin-háskólann. Þegar sjónvarpsstöðin NBC kynnir byrjunarliðin í hverjum leik sem hún sýnir á sunnudagskvöldum koma leikmennirnir á skjáinn og segja hvað þeir heita og fyrir hvaða háskóla þeir spiluðu. "Russell Wilson, stoltur greifingi," segir Wilson og vitnar til Badgers, Wisconsins-liðsins. NBC sýnir einmitt Superbowl í ár þannig hægt verður að sjá þetta í beinni útsendingu á Stöð 2 Sport. Wilson var valinn númer 75 í þriðju umferð nýliðavalsins af Seattle Seahawks sem var nýbúið að gera 20 milljóna dala samning við leikstjórnandann Matt Flynn. Það kom mörgum á óvart að Pete Carroll, þjálfari Seattle, skyldi nota valrétt sinn í þriðju umferð í annan leikstjórnanda. En Pete Carroll hefur aldrei farið hefðbundnar leiðir á sínum ferli. Og hann hélt áfram að koma á óvart þegar hann gerði nýliðann að aðalmanninum. Það heldur betur borgaði sig því Wilson fór með liðið í úrslitakeppnina á fyrsta ári, vann Super Bowl í fyrra og er kominn aftur í Superbowl núna.Wilson valdi rétt með að sleppa hafnaboltanum.vísir/gettyRétt eins og Tom Brady hefur Wilson fengið tækifæri til að blómstra í byrjun síns ferils í liði með frábæra vörn. En rétt eins og með Tom Brady skal enginn taka neitt af Wilson þó Seattle-liðið sé aðallega kennt við sína ótrúlegu vörn. Wilson er sigurvegari. Hann sendi nokkrum NFL-liðum handskrifað bréf fyrir nýliðavalið þar sem hann tjáði þeim að ef þau myndu velja hann myndu þau vinna Super Bowl. Og hann var ekkert að grínast. Wilson er sérstakur strákur sem ímyndar sér gjarnan hluti sem hann vill að gerist í framtíðinni og hingað til hefur það allt gengið upp. Nú þarf hann bara að komast í gegnum Tom Brady til að gera það aftur það sem alla dreymir um að gera einu sinni: Vinna Super Bowl.Ekki missa af Super Bowl og öllu hinu á Stöð 2 Sport og Stöð 2 Sport 2 - allt í leiftrandi háskerpu. Kynntu þér nýja sportpakka á 365.is. NFL Tengdar fréttir Super Bowl leikmannakynning: Tom Brady Super Bowl 2015 verður í beinni útsendingu á Stöð 2 Sport á sunnudaginn. Vísir hitar upp fyrir stóru stundina. 28. janúar 2015 13:10 Mest lesið Uppgjörið: FH - Veszprém 22-32 | Takk Aron Handbolti Hætti við að giftast fótboltastjörnunni af því að allt var skráð á móður hans Fótbolti Blikar mæta Loga, Shakhtar og Shamrock Fótbolti „Sérfræðingurinn má hringja í mig og koma með þetta plan B“ Körfubolti Nýja Liverpool stjarnan fær sultarlaun Enski boltinn Framtíð Maríu hjá Marseille í óvissu eftir uppþotið í æfingaleik Fótbolti Mourinho rekinn frá Fenerbahce Fótbolti Ómar Ingi skoraði úr ellefu fyrstu skotunum og endaði með fimmtán mörk Handbolti „Stórkostlegur dagur og stórkostlegt kvöld“ Handbolti „Negldi Tryggva með hnénu, hoppaði á hann og fór í höndina“ Körfubolti Fleiri fréttir Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð „Stórkostlegur dagur og stórkostlegt kvöld“ Fyrsta tapið hjá Willum og félögum kom í Leicester Modric lagði upp í fyrsta sigri AC Milan Markkanen skoraði 43 stig á 23 mínútum á EM í kvöld Þróttur á toppinn eftir endurkomusigur en Njarðvík vann líka Ómar Ingi skoraði úr ellefu fyrstu skotunum og endaði með fimmtán mörk Brynjólfur með tvö í kvöld og er orðinn markahæstur í hollensku deildinni Haukur Þrastar byrjar mjög vel með Ljónunum Uppgjörið: FH - Veszprém 22-32 | Takk Aron Tottenham borgar 8,6 milljarða fyrir Xavi Simons Tveir nýliðar en ekkert pláss fyrir Trent og Grealish EM í dag: Rússablokkin, lélegt samstarf og pjúrismi með Herði Unnsteins „Ég er alltaf í slagsmálum“ Sjáðu markaveislurnar í Kaplakrika og á Sauðarkróki „Sérfræðingurinn má hringja í mig og koma með þetta plan B“ „Stundum hata ég leikmenn mína“ Aron spilar síðasta leikinn: „Held að ég sé ekki búinn að gleyma öllu“ „Negldi Tryggva með hnénu, hoppaði á hann og fór í höndina“ Framtíð Maríu hjá Marseille í óvissu eftir uppþotið í æfingaleik Hákon mætir Frey, Sævari og Eggerti í Evrópudeildinni Risaskipti í NFL: Launahæstur í sögunni fyrir utan leikstjórnendur Sjáðu Breiðablik tryggja sér sæti í Sambandsdeildinni Sandra María fer aftur út í atvinnumennsku Blikar mæta Loga, Shakhtar og Shamrock Smá stress fyrir föðurhlutverkinu Graslykt truflar keppendur á Opna bandaríska Sjá meira
Super Bowl, stærsti íþróttaviðburður Bandaríkjanna á hverju ári, fer fram á sunnudagskvöldið. Þar mætast að þessu sinni ríkjandi meistarar Seattle Seahawks og þrefaldir meistarar New England Patriots. Leikurinn verður í beinni útsendingu á Stöð 2 Sport og rétt eins og í fyrra verður mikil og flott dagskrá í kringum leikinn. Andri Ólafsson stýrir pallborðsumræðum fyrir leik, í hálfleik og eftir leik auk þess sem sérfræðingarnir koma reglulega inn í leikhléum og fara yfir gang mála. Í aðdraganda leiksins um Vísir hita vel upp fyrir leikinn, meðal annars með leikmannakynningum sem hefjast í dag. Fyrstir á dagskrá eru leikstjórnendurnir og nú er komið að Russell Wilson, leikstjórnanda Seattle Seahawks.Sjá einnig:Tom Brady Vertu með í veislunni á sunnudaginn og taktu þátt í umræðunni á Twitter með kassmerkinu #NFLÍsland. Þeir sem verða með Super Bowl-veislur eru hvattir til að senda inn myndir sem verða birtar í útsendingunni. Hver verður með bestu veisluna?Wilson ræðir við fjölmiðla í gær.vísir/gettyNafn: Russell WilsonAldur: 26 áraFrá: Cincinatti í OhioHáskóli: NC State og WisconsinNýliðaval: Valinn nr. 75 í 3. umferðHelstu afrek: Super Bowl-meistari (2013), NFC-meistari (2013 og 2014), nýliði ársins (2012), tvisvar sinnum valinn í stjörnuliðið. Russell Wilson hefur náð ótrúlegum árangri á skömmum tíma í NFL-deildinni. Eins og með Tom Brady bjóst enginn við því að hann myndi gera svona mikill usla í NFL - það er að segja enginn nema hann. Eins og Brady hefur Wilson óbilandi trú á sjálfum sér og Guð sínum, sem hann virðist stundum vera í beinu sambandi við. Wilson spilaði ekki menntaskólabolta í Cincinatti heldur fór hann í einkaskóla í Richmond í Virginíuríki. Faðir hans, lögfræðingur sem lést árið 2010, vildi bara það besta fyrir son sinn og sendi hann í skóla sem gerði hann tilbúnari fyrir háskóla. Í menntaskóla fór Wilson á kostum og var valinn í öll All American-lið sem til eru.Russell Wilson lyfti þeim stóra í fyrra.vísir/gettyAuk þess að vera öflugur í amerískum fótbolta var, og er, Wilson góður hafnaboltamaður. Hann var valinn tvisvar í nýliðavalinu í MLB-deildinni en spilaði aldrei leik. Hann ákvað þó, í janúar 2011, að fara með MLB-liðinu Colorado Rockies í æfingabúðir. Hann hafði spilað í fjögur ár með North Carolina State-háskólanum en átti eitt ár eftir þar sem hann sat á bekknum allt fyrsta árið sitt. Þjálfarinn hans var aldrei fyllilega sáttur við hvað Wilson var að spila mikinn hafnabolta og eftir mikið jappl, jaml og fuður fyrir lokaárið hans var Wilson leystur undan skólastyrk. Wilson spilaði síðasta árið sitt í háskóla með Wisconsin Badgers þar sem hann var valinn besti leikstjórnandi Big 10-deildarinnar bæði af þjálfurum hennar og fjölmiðlum. Hann setti met yfir flestar stoðsendingar á einu tímabili hjá Wisconsin og átti næst flestar í sögu Big 10.Pete Carroll hefur ekki séð eftir því að veðja á Wilson.vísir/gettyÞrátt fyrir að spila aðeins eitt ár með Wisconsin á móti fjórum með NC State kennir Wilson sig við Wisconsin-háskólann. Þegar sjónvarpsstöðin NBC kynnir byrjunarliðin í hverjum leik sem hún sýnir á sunnudagskvöldum koma leikmennirnir á skjáinn og segja hvað þeir heita og fyrir hvaða háskóla þeir spiluðu. "Russell Wilson, stoltur greifingi," segir Wilson og vitnar til Badgers, Wisconsins-liðsins. NBC sýnir einmitt Superbowl í ár þannig hægt verður að sjá þetta í beinni útsendingu á Stöð 2 Sport. Wilson var valinn númer 75 í þriðju umferð nýliðavalsins af Seattle Seahawks sem var nýbúið að gera 20 milljóna dala samning við leikstjórnandann Matt Flynn. Það kom mörgum á óvart að Pete Carroll, þjálfari Seattle, skyldi nota valrétt sinn í þriðju umferð í annan leikstjórnanda. En Pete Carroll hefur aldrei farið hefðbundnar leiðir á sínum ferli. Og hann hélt áfram að koma á óvart þegar hann gerði nýliðann að aðalmanninum. Það heldur betur borgaði sig því Wilson fór með liðið í úrslitakeppnina á fyrsta ári, vann Super Bowl í fyrra og er kominn aftur í Superbowl núna.Wilson valdi rétt með að sleppa hafnaboltanum.vísir/gettyRétt eins og Tom Brady hefur Wilson fengið tækifæri til að blómstra í byrjun síns ferils í liði með frábæra vörn. En rétt eins og með Tom Brady skal enginn taka neitt af Wilson þó Seattle-liðið sé aðallega kennt við sína ótrúlegu vörn. Wilson er sigurvegari. Hann sendi nokkrum NFL-liðum handskrifað bréf fyrir nýliðavalið þar sem hann tjáði þeim að ef þau myndu velja hann myndu þau vinna Super Bowl. Og hann var ekkert að grínast. Wilson er sérstakur strákur sem ímyndar sér gjarnan hluti sem hann vill að gerist í framtíðinni og hingað til hefur það allt gengið upp. Nú þarf hann bara að komast í gegnum Tom Brady til að gera það aftur það sem alla dreymir um að gera einu sinni: Vinna Super Bowl.Ekki missa af Super Bowl og öllu hinu á Stöð 2 Sport og Stöð 2 Sport 2 - allt í leiftrandi háskerpu. Kynntu þér nýja sportpakka á 365.is.
NFL Tengdar fréttir Super Bowl leikmannakynning: Tom Brady Super Bowl 2015 verður í beinni útsendingu á Stöð 2 Sport á sunnudaginn. Vísir hitar upp fyrir stóru stundina. 28. janúar 2015 13:10 Mest lesið Uppgjörið: FH - Veszprém 22-32 | Takk Aron Handbolti Hætti við að giftast fótboltastjörnunni af því að allt var skráð á móður hans Fótbolti Blikar mæta Loga, Shakhtar og Shamrock Fótbolti „Sérfræðingurinn má hringja í mig og koma með þetta plan B“ Körfubolti Nýja Liverpool stjarnan fær sultarlaun Enski boltinn Framtíð Maríu hjá Marseille í óvissu eftir uppþotið í æfingaleik Fótbolti Mourinho rekinn frá Fenerbahce Fótbolti Ómar Ingi skoraði úr ellefu fyrstu skotunum og endaði með fimmtán mörk Handbolti „Stórkostlegur dagur og stórkostlegt kvöld“ Handbolti „Negldi Tryggva með hnénu, hoppaði á hann og fór í höndina“ Körfubolti Fleiri fréttir Hefur ekki gerst hjá enska landsliðinu í 33 ár Romano segir Real Betis hafa dregið samþykkt tilboð í Antony til baka Tommi Steindórs fór á kostum í framburðarprófi Fylkismenn með þriðja sigur sinn í röð „Stórkostlegur dagur og stórkostlegt kvöld“ Fyrsta tapið hjá Willum og félögum kom í Leicester Modric lagði upp í fyrsta sigri AC Milan Markkanen skoraði 43 stig á 23 mínútum á EM í kvöld Þróttur á toppinn eftir endurkomusigur en Njarðvík vann líka Ómar Ingi skoraði úr ellefu fyrstu skotunum og endaði með fimmtán mörk Brynjólfur með tvö í kvöld og er orðinn markahæstur í hollensku deildinni Haukur Þrastar byrjar mjög vel með Ljónunum Uppgjörið: FH - Veszprém 22-32 | Takk Aron Tottenham borgar 8,6 milljarða fyrir Xavi Simons Tveir nýliðar en ekkert pláss fyrir Trent og Grealish EM í dag: Rússablokkin, lélegt samstarf og pjúrismi með Herði Unnsteins „Ég er alltaf í slagsmálum“ Sjáðu markaveislurnar í Kaplakrika og á Sauðarkróki „Sérfræðingurinn má hringja í mig og koma með þetta plan B“ „Stundum hata ég leikmenn mína“ Aron spilar síðasta leikinn: „Held að ég sé ekki búinn að gleyma öllu“ „Negldi Tryggva með hnénu, hoppaði á hann og fór í höndina“ Framtíð Maríu hjá Marseille í óvissu eftir uppþotið í æfingaleik Hákon mætir Frey, Sævari og Eggerti í Evrópudeildinni Risaskipti í NFL: Launahæstur í sögunni fyrir utan leikstjórnendur Sjáðu Breiðablik tryggja sér sæti í Sambandsdeildinni Sandra María fer aftur út í atvinnumennsku Blikar mæta Loga, Shakhtar og Shamrock Smá stress fyrir föðurhlutverkinu Graslykt truflar keppendur á Opna bandaríska Sjá meira
Super Bowl leikmannakynning: Tom Brady Super Bowl 2015 verður í beinni útsendingu á Stöð 2 Sport á sunnudaginn. Vísir hitar upp fyrir stóru stundina. 28. janúar 2015 13:10