Ásdís tryggði sig inn á HM í Peking og ÓL í Ríó

Ásdís Hjálmsdóttir, spjótkastari, gerði sér lítið fyrir og vann mót í Ríga í Lettlandi í kvöld með sigurkasti upp á 62,14 metra.

Kastið hjó nærri Íslandsmeti Ásdísar sem er 62,77 metrar, en metið setti hún á Ólympíuleikunum í London fyrir þremur árum síðan.

Með þessu risakasti í dag tryggði Ásdís sig inn á HM í Peking í sumar þar sem lágmarkið var 61 metri og það sem meira er þá er Ásdís búin að ná lágmarki fyrir Ólympíuleikana í Ríó 2016. Lágmarkið inn á þá er 62 metrar.

„Þrír fuglar, einn steinn og allt það. 62,14m  og sigur í dag. Ég náði lágmarki á HM í Peking og ÓL í Ríó,“ segir Ásdís hress og kát á Instagram-síðu sinni.

3 birds 1 stone and all that! 62,14 m, a win today and I'm qualified for #Beijing World Champs and #RioOlympics!! #Speachless #GameOfThrows #Season2015 #RigaCup

A photo posted by Ásdís Hjálms (@asdishjalms) on May 28, 2015 at 12:09pm PDT