Snýr til baka með fjóra putta og sérhannaðan hanska

Einn sterkasti varnarmaður NY Giants í NFL-deildinni, Jason Pierre-Paul, hefur ekkert spilað með Risunum í vetur enda slasaði hann sig alvarlega síðasta sumar.

Hann var þá að fíflast með flugelda sem síðan sprakk í hendinni á honum. Fjarlægja varð vísifingur og aðrir puttar voru illa farnir. Fór meðal annars ofan af þumalfingri og löngutöng.

Ef Pierre-Paul fær tækifærið um helgina þá mun hann mæta til leiks með sérstakan hans fyrir fjóra putta sem er hannaður af starfsmönnum Giants. Hann hefur verið að prófa ýmsar útgáfur á æfingum upp á síðkastið.

Hann missti samning sinn við félagið eftir slysið en samdi upp á nýtt á dögunum.

Here's a picture of one of several gloves Jason Pierre-Paul is trying out as he works on... https://t.co/P8Zc4a5C3d pic.twitter.com/1r2GdvZHZR

— Dan Graziano (@DanGrazianoESPN) November 5, 2015