Lyfjavandinn í Rússlandi er risavaxinn

Fyrrum framkvæmdastjóri rússneska lyfjaeftirlitsins viðurkennir að lyfjavandinn í Rússlandi sé mjög alvarlegur.

Það er búið að setja alla rússneska frjálsíþróttamenn í bann vegna lyfjamálanna í landinu og alls óvíst hvort þeir fái að vera með á ÓL í ágúst á næsta ári.

Á fimmtudag féllu fjórir rússneskir lyftingarmenn á lyfjaprófi á heimsmeistaramótinu.

Framkvæmdastjórinn fyrrverandi segir að ástandið sé svo slæmt að 40 prósent af lyfjabrotum í landinu séu hjá unglingum.

„Það er ekkert land með eins marga íþróttamenn á ólöglegum lyfjum og ástandið er grafalvarlegt. Það verður að taka á þessu almennilega," sagði Ramil Khabriev en hann sagði starfi sínu lausu í upphafi desembermánaðar.