Kvöldfréttir Stöðvar 2 í beinni

Landspítalinn styður rannsókn Alþingis á plastbarkamálinu til að upplýsa um íslenskan þátt málsins. Þetta segir Páll Matthíasson forstjóri spítalans en nánar verður fjallað um þetta í fréttum Stöðvar 2 klukkan hálfsjö.

Í fréttatímanum fjöllum við líka um breytingar á almennum hegningarlögum til að stemma stigu við eltihrellum, nýjan veg sem tengir Reykjavík og Ísafjörð, verðum í beinni útsendingu frá tónleikum Simply Red og sýnum valda kafla úr eldhúsdagsumræðum, svo eitthvað sé nefnt.

Kvöldfréttir Stöðvar 2 hefjast klukkan 18:30 á samtengdum rásum Stöðvar 2 og Bylgjunnar og í beinni útsendingu á fréttavefnum Vísi.