Guðni Valur setur stefnuna á úrslitin á ÓL í Ríó Tómas Þór Þórðarson skrifar 13. júlí 2016 06:00 „Það var gaman að fá þessar fréttir, þó bjóst ég alveg við þessu,“ segir kringlukastarinn Guðni Valur Guðnason sem í gær fékk boð á Ólympíuleikana í Ríó þrátt fyrir að hafa ekki náð lágmarki á leikana. Frjálsíþróttasamband Íslands mátti senda einn keppanda á leikana sem náði ekki lágmarki og ákvað stjórn FRÍ að það yrði ÍR-ingurinn Guðni Valur. Guðni er tvítugur og á svo sannarlega framtíðina fyrir sér. Hann keppti á EM í Amsterdam á dögunum sem var hans fyrsta stórmót en þar kastaði hann kringlunni 61,20 metra og varð í 22. sæti. Þetta var lengsta kast Íslendingsins á stórmóti frá upphafi en Íslandsmet hans eru 63,50 metrar. „Mér líst hrikalega vel á að fara á Ólympíuleikana. Þetta er gott tækifæri fyrir mig. Ég mun reyna að komast í úrslitin þarna og verð svo Ólympíumeistari eftir fjögur ár,“ segir Guðni Valur léttur og hress en það er ekki að heyra á þessum unga afreksmanni að hann sé nokkuð stressaður fyrir að fara á stærsta íþróttamót heims. „Það dettur kannski inn í fluginu til Ríó en núna er ég alveg rólegur,“ segir hann.Besta kast ársins í Hollandi Guðni bætti sig mikið á síðasta ári þar sem hann kastaði lengra nánast í hverri einustu viku. Það endaði svo með 63,50 metra kastinu sem er hans besti árangur. Hann hefur ekki náð að bæta það í ár en er viss um að kasta lengra en það á Ólympíuleikunum. Æfingar hafa gengið vel og hann náði sínu besta kasti á árinu í Hollandi. Þó reyndar ekki á Evrópumótinu sjálfu eins og flestir héldu. „Laugardaginn fyrir EM keppti ég á öðrum stað í Hollandi og kastaði 61,85 metra,“ segir Guðni sem býst við að eiga annað eins ár núna og í fyrra. „Mig grunar að þetta sumar verið svipað og í fyrra þar sem hver vika var betri en sú sem leið. Í upphitun á EM átti ég hrikalega gott kast þar sem ég var nálægt 64 metra línunni sem hefði komið mér í úrslit.“ Guðna grunar að línan til að komast í úrslitin á Ólympíuleikunum verði sett við 65 metrana en ekki 64 eins og á EM. Það þýðir að þessi ungi maður þarf mögulega að bæta sinn besta árangur um einn og hálfan metra sem er ansi mikið þegar menn eru byrjaðir að kasta yfir 60 metra. „Bætingin verður alltaf minni og minni eftir því sem maður getur kastað lengra. Þetta er svo samt svakaleg tæknigrein að maður getur alltaf dottið inn á eitt rosalegt kast. Það má lítið gerast til að þú kastir annað hvort svakalega langt eða bara fokkir öllu upp,“ segir Guðni Valur.Guðni Valur hefur bætt sig mikið á skömmum tíma.vísir/anton brinkLífið er kringla Guðni Valur kveðst vitaskuld spenntur fyrir Ólympíuleikunum og hann veit hvað það gefur honum í reynslubankann að komast núna til Ríó. Hann er þó ekkert að fara í neina útsýnisferð til Brasilíu heldur ætlar hann sér í úrslit og hann telur það raunhæft. „Mér finnst það alveg raunhæft en kannski ekki öðrum. Það er gott að komast á Ólympíuleikana en ég er ekkert að fara bara til að fara. Ég ætla mér að komast í úrslitin. Það verður auðvitað gaman að vera á Ólympíuleikunum en ég vil komast í úrslitin. Af hverju ætti það ekki að ganga? Ég er alveg nógu sterkur,“ segir Guðni Valur ákveðinn. Það er ekki mikið annað en kringlan sem kemst að hjá Guðna þessa dagana. Aðspurður hvort lífið sé bara kringla svarar hann: „Já.“ Þó hann æfi stíft gefur hann sér líka tíma til að eiga líf utan sportsins. „Maður er á fullu að æfa. Ég æfi tvisvar á dag en ég lyfti aðeins minna. Ég er aðeins eftir mig eftir æfingarnar í vetur þannig að ég á enn eftir að léttast aðeins. Það liggur við að maður hafi ekki tíma fyrir neitt annað en það er alltaf tími fyrir eitthvað. Maður fer samt ekkert að djamma,“ segir Guðni Valur Guðnason. Frjálsar íþróttir Ólympíuleikar 2016 í Ríó Tengdar fréttir Guðni Valur verður með á ÓL í Ríó | Átta komin í íslenska ÓL-hópinn Kringlukastarinn Guðni Valur Guðnason verður þriðji íslenski frjálsíþróttamaðurinn sem keppir fyrir Íslands hönd á Ólympíuleikunum í Ríó sem hefjast í næsta mánuði. 12. júlí 2016 11:22 Mest lesið Forseti FIFA djammaði með Kim Kardashian og Boris Johnson í Indlandi Fótbolti „Vildum vinna þetta fyrir hann“ Fótbolti Southgate hrósar Spánverjum: „Fannst þeir vera besta lið mótsins“ Fótbolti Spánverjar Evrópumeistarar í fjórða sinn Fótbolti Rodri valinn bestur og Yamal besti ungi leikmaðurinn Fótbolti Sjáðu ískaldan Guðmund Magnússon klára KR og bæði rauðu spjöldin Íslenski boltinn Sjáðu mörkin sem tryggðu Spánverjum sinn fjórða Evrópumeistaratitil Fótbolti Fabregas að fá 41 árs gamlan Pepe Reina til liðs við sig Fótbolti „Trúi því varla að ég sitji hér“ Fótbolti „Sorglegt að koma á leik bara til að púa á einn leikmann“ Fótbolti Fleiri fréttir Forseti FIFA djammaði með Kim Kardashian og Boris Johnson í Indlandi Southgate hrósar Spánverjum: „Fannst þeir vera besta lið mótsins“ „Vildum vinna þetta fyrir hann“ Rodri valinn bestur og Yamal besti ungi leikmaðurinn Sjáðu mörkin sem tryggðu Spánverjum sinn fjórða Evrópumeistaratitil Fabregas að fá 41 árs gamlan Pepe Reina til liðs við sig Keflvíkingar fá þýskan framherja Man United gengur frá kaupum á Zirkzee Spánverjar Evrópumeistarar í fjórða sinn „Trúi því varla að ég sitji hér“ Jesús Navas hættir í landsliðinu eftir úrslitaleikinn í kvöld Valgeir Lunddal skoraði í skrautlegum Íslendingaslag Stelpurnar komust ekki upp í A-deildina Uppgjörið: Vestri - KA 0-2 | Hallgrímur Mar afgreiddi Vestramenn sem bíða enn Alcaraz vann Djokovic annað árið í röð í úrslitaleik Wimbledon Tólf ár á milli fjórðu og fimmtu Ólympíuleika hennar „Sorglegt að koma á leik bara til að púa á einn leikmann“ Ótrúleg hola í höggi: Meira en hálfa mínútu að fara niður Bronny James hefur klikkað á öllum skotunum sínum Messi vonar að Di María kveðji með marki í úrslitaleiknum Stórkostlegt svar hjá íslensku strákunum eftir skellinn í gær Ungu framherjar Spánverja gætu báðir fengið EM-gull í afmælisgjöf Sveindís Jane sú eina með tvennt af hvoru Kólumbíski þjálfarinn ósáttur við Shakiru tónleika í hálfleik Nökkvi skoraði í MLS deildinni í nótt „Leikur sem getur breytt lífi okkar“ Sir Jim Ratcliffe sendi enska landsliðinu kveðju frá Íslandi Djokovic getur bæði jafnað met og hefnt tapsins í fyrra Stelpurnar á Símamótinu fengu þakkarkveðju frá landsliðskonunum Enginn enskur karl kæmist í vörnina í úrvalsliði hetjunnar frá 2022 Sjá meira
„Það var gaman að fá þessar fréttir, þó bjóst ég alveg við þessu,“ segir kringlukastarinn Guðni Valur Guðnason sem í gær fékk boð á Ólympíuleikana í Ríó þrátt fyrir að hafa ekki náð lágmarki á leikana. Frjálsíþróttasamband Íslands mátti senda einn keppanda á leikana sem náði ekki lágmarki og ákvað stjórn FRÍ að það yrði ÍR-ingurinn Guðni Valur. Guðni er tvítugur og á svo sannarlega framtíðina fyrir sér. Hann keppti á EM í Amsterdam á dögunum sem var hans fyrsta stórmót en þar kastaði hann kringlunni 61,20 metra og varð í 22. sæti. Þetta var lengsta kast Íslendingsins á stórmóti frá upphafi en Íslandsmet hans eru 63,50 metrar. „Mér líst hrikalega vel á að fara á Ólympíuleikana. Þetta er gott tækifæri fyrir mig. Ég mun reyna að komast í úrslitin þarna og verð svo Ólympíumeistari eftir fjögur ár,“ segir Guðni Valur léttur og hress en það er ekki að heyra á þessum unga afreksmanni að hann sé nokkuð stressaður fyrir að fara á stærsta íþróttamót heims. „Það dettur kannski inn í fluginu til Ríó en núna er ég alveg rólegur,“ segir hann.Besta kast ársins í Hollandi Guðni bætti sig mikið á síðasta ári þar sem hann kastaði lengra nánast í hverri einustu viku. Það endaði svo með 63,50 metra kastinu sem er hans besti árangur. Hann hefur ekki náð að bæta það í ár en er viss um að kasta lengra en það á Ólympíuleikunum. Æfingar hafa gengið vel og hann náði sínu besta kasti á árinu í Hollandi. Þó reyndar ekki á Evrópumótinu sjálfu eins og flestir héldu. „Laugardaginn fyrir EM keppti ég á öðrum stað í Hollandi og kastaði 61,85 metra,“ segir Guðni sem býst við að eiga annað eins ár núna og í fyrra. „Mig grunar að þetta sumar verið svipað og í fyrra þar sem hver vika var betri en sú sem leið. Í upphitun á EM átti ég hrikalega gott kast þar sem ég var nálægt 64 metra línunni sem hefði komið mér í úrslit.“ Guðna grunar að línan til að komast í úrslitin á Ólympíuleikunum verði sett við 65 metrana en ekki 64 eins og á EM. Það þýðir að þessi ungi maður þarf mögulega að bæta sinn besta árangur um einn og hálfan metra sem er ansi mikið þegar menn eru byrjaðir að kasta yfir 60 metra. „Bætingin verður alltaf minni og minni eftir því sem maður getur kastað lengra. Þetta er svo samt svakaleg tæknigrein að maður getur alltaf dottið inn á eitt rosalegt kast. Það má lítið gerast til að þú kastir annað hvort svakalega langt eða bara fokkir öllu upp,“ segir Guðni Valur.Guðni Valur hefur bætt sig mikið á skömmum tíma.vísir/anton brinkLífið er kringla Guðni Valur kveðst vitaskuld spenntur fyrir Ólympíuleikunum og hann veit hvað það gefur honum í reynslubankann að komast núna til Ríó. Hann er þó ekkert að fara í neina útsýnisferð til Brasilíu heldur ætlar hann sér í úrslit og hann telur það raunhæft. „Mér finnst það alveg raunhæft en kannski ekki öðrum. Það er gott að komast á Ólympíuleikana en ég er ekkert að fara bara til að fara. Ég ætla mér að komast í úrslitin. Það verður auðvitað gaman að vera á Ólympíuleikunum en ég vil komast í úrslitin. Af hverju ætti það ekki að ganga? Ég er alveg nógu sterkur,“ segir Guðni Valur ákveðinn. Það er ekki mikið annað en kringlan sem kemst að hjá Guðna þessa dagana. Aðspurður hvort lífið sé bara kringla svarar hann: „Já.“ Þó hann æfi stíft gefur hann sér líka tíma til að eiga líf utan sportsins. „Maður er á fullu að æfa. Ég æfi tvisvar á dag en ég lyfti aðeins minna. Ég er aðeins eftir mig eftir æfingarnar í vetur þannig að ég á enn eftir að léttast aðeins. Það liggur við að maður hafi ekki tíma fyrir neitt annað en það er alltaf tími fyrir eitthvað. Maður fer samt ekkert að djamma,“ segir Guðni Valur Guðnason.
Frjálsar íþróttir Ólympíuleikar 2016 í Ríó Tengdar fréttir Guðni Valur verður með á ÓL í Ríó | Átta komin í íslenska ÓL-hópinn Kringlukastarinn Guðni Valur Guðnason verður þriðji íslenski frjálsíþróttamaðurinn sem keppir fyrir Íslands hönd á Ólympíuleikunum í Ríó sem hefjast í næsta mánuði. 12. júlí 2016 11:22 Mest lesið Forseti FIFA djammaði með Kim Kardashian og Boris Johnson í Indlandi Fótbolti „Vildum vinna þetta fyrir hann“ Fótbolti Southgate hrósar Spánverjum: „Fannst þeir vera besta lið mótsins“ Fótbolti Spánverjar Evrópumeistarar í fjórða sinn Fótbolti Rodri valinn bestur og Yamal besti ungi leikmaðurinn Fótbolti Sjáðu ískaldan Guðmund Magnússon klára KR og bæði rauðu spjöldin Íslenski boltinn Sjáðu mörkin sem tryggðu Spánverjum sinn fjórða Evrópumeistaratitil Fótbolti Fabregas að fá 41 árs gamlan Pepe Reina til liðs við sig Fótbolti „Trúi því varla að ég sitji hér“ Fótbolti „Sorglegt að koma á leik bara til að púa á einn leikmann“ Fótbolti Fleiri fréttir Forseti FIFA djammaði með Kim Kardashian og Boris Johnson í Indlandi Southgate hrósar Spánverjum: „Fannst þeir vera besta lið mótsins“ „Vildum vinna þetta fyrir hann“ Rodri valinn bestur og Yamal besti ungi leikmaðurinn Sjáðu mörkin sem tryggðu Spánverjum sinn fjórða Evrópumeistaratitil Fabregas að fá 41 árs gamlan Pepe Reina til liðs við sig Keflvíkingar fá þýskan framherja Man United gengur frá kaupum á Zirkzee Spánverjar Evrópumeistarar í fjórða sinn „Trúi því varla að ég sitji hér“ Jesús Navas hættir í landsliðinu eftir úrslitaleikinn í kvöld Valgeir Lunddal skoraði í skrautlegum Íslendingaslag Stelpurnar komust ekki upp í A-deildina Uppgjörið: Vestri - KA 0-2 | Hallgrímur Mar afgreiddi Vestramenn sem bíða enn Alcaraz vann Djokovic annað árið í röð í úrslitaleik Wimbledon Tólf ár á milli fjórðu og fimmtu Ólympíuleika hennar „Sorglegt að koma á leik bara til að púa á einn leikmann“ Ótrúleg hola í höggi: Meira en hálfa mínútu að fara niður Bronny James hefur klikkað á öllum skotunum sínum Messi vonar að Di María kveðji með marki í úrslitaleiknum Stórkostlegt svar hjá íslensku strákunum eftir skellinn í gær Ungu framherjar Spánverja gætu báðir fengið EM-gull í afmælisgjöf Sveindís Jane sú eina með tvennt af hvoru Kólumbíski þjálfarinn ósáttur við Shakiru tónleika í hálfleik Nökkvi skoraði í MLS deildinni í nótt „Leikur sem getur breytt lífi okkar“ Sir Jim Ratcliffe sendi enska landsliðinu kveðju frá Íslandi Djokovic getur bæði jafnað met og hefnt tapsins í fyrra Stelpurnar á Símamótinu fengu þakkarkveðju frá landsliðskonunum Enginn enskur karl kæmist í vörnina í úrvalsliði hetjunnar frá 2022 Sjá meira
Guðni Valur verður með á ÓL í Ríó | Átta komin í íslenska ÓL-hópinn Kringlukastarinn Guðni Valur Guðnason verður þriðji íslenski frjálsíþróttamaðurinn sem keppir fyrir Íslands hönd á Ólympíuleikunum í Ríó sem hefjast í næsta mánuði. 12. júlí 2016 11:22