Nauðsynlegum sigur hjá lærisveinum Patreks

Lærisveinar Patreks Jóhannessonar í austurríska handboltalandsliðið unnu Bosníu með minnsta mun, 22-23, í Sarajevo í undankeppni EM 2018 í kvöld.

Sigurinn var nauðsynlegur fyrir Austurríki en liðið tapaði óvænt fyrir Finnlandi í 1. umferð riðlakeppninnar.

Austurríkismenn eru nú með tvö stig í riðli 3, jafnmörg og Finnar en tveimur stigum minna en topplið Spánverja. Bosníumenn eru enn án stiga.

Leikurinn í Sarajevo í kvöld var gríðarlega jafn og liðin skiptust á að hafa forystuna.

Þegar tíu mínútur voru til leiksloka kom Raul Santos Austurríki þremur mörkum yfir, 16-19. En Bosníumenn gáfust ekki upp, svöruðu með 5-2 kafla og jöfnuðu metin í 21-21.

Faruk Vrazalic kom Bosníu því næst yfir, 22-21, en Wilhelm Jelinek jafnaði metin. Það var svo Gerald Zeiner sem tryggði Austurríki bæði stigin þegar hann skoraði sigurmarkið hálfri mínútu fyrir leikslok.

Hornamennirnir Robert Weber og Santos voru markahæstir í austurríska liðinu. Weber skoraði sex mörk og Santos fimm.