Brandon Marshall hyggst hætta eftir tvö ár

Brandon Marshall, útherfji New York Giants í NFL, hefur gefið það út að hann hyggist leggja skóna á hilluna eftir tvö ár. Marshall gekk til liðs við Giants í mars. Hann er 33 ára gamall.

"Ég ákvað þetta í síðustu viku. Tvö tímabil í viðbót, vinna Super Bowl, hafa aðeins meira gaman og síðan einbeita mér að því að vekja athygli á andlegum veikindum," segir Marshall en hann greindist með persónuleikaröskun árið 2011.



Marshall lék tvö síðustu tímabil í liði nágrannanna í New York Jets en skrifaði undir tveggja ára samning við Giants í mars. Marshall var frjáls ferða sinna eftir síðasta tímabil en samningur hans við Giants hljóðar upp á litlar 1.300 milljónir króna.