Tuttugu ár frá Bitbardaga Tysons og Holyfields Ingvi Þór Sæmundsson skrifar 28. júní 2017 16:15 Tyson beit Holyfield í bæði eyrun. vísir/getty Í dag eru nákvæmlega 20 ár frá einum frægasta boxbardaga allra tíma, Bitbardaganum svokallaða. Þann 28. júní 1997 mættust Mike Tyson og Evander Holyfield í MGM Grand Garden Arena í Las Vegas í bardaga sem var stöðvaður eftir þrjár lotur eftir að Tyson hafi bitið í bæði eyru Holyfields. Þetta var annar bardagi Tysons og Holyfields á innan við ári en sjö mánuðum áður mættust þeir í bardaga sem var auglýstur með slagorðinu „Loksins“. Það var ekki að ástæðulausu því þess hafði verið lengi beðið að Tyson og Holyfield mættust í hringnum. Þeir áttu fyrst að mætast árið 1990 en ekkert varð af þeim bardaga eftir að Tyson tapaði afar óvænt fyrir Buster Douglas í frægum bardaga í Tókíó. Það var fyrsta tap Tysons á ferlinum.Tyson og Holyfield, ásamt Don King, í vigtuninni.vísir/gettyÁri síðar komu meiðsli Tysons í veg fyrir bardaga þeirra og þegar þeir áttu að mætast 1992 var Tyson kominn á bak við lás og slá fyrir nauðgun. Eftir að hafa setið inni í rúm þrjú ár sneri Tyson aftur í hringinn og vann þrjá bardaga áður en að bardaganum langþráða við Holyfield kom. Eftir að hafa tapað fyrir Michael Moorer 1994 lagði Holyfield hanskana á hilluna um tíma. Hann sneri aftur ári seinna en var ekki sami boxari og hann var. Þrátt fyrir misjafna frammistöðu eftir að hafa tekið hanskana af hillunni og Tyson væri talinn mun sigurstranglegri gerði Holyfield sér lítið fyrir og vann bardagann á tæknilegu rothöggi í elleftu lotu. Tyson fékk tækifæri til að hefna fyrir ófarirnar sjö mánuðum síðar þegar þeir Holyfield öðru sinni.Holyfield sýnir dómaranum Mills Lane blóðugt eyrað.vísir/gettyHolyfield stjórnaði ferðinni gegn illa fyrir kölluðum Tyson sem var eins og tifandi tímasprengja. Í annarri lotu fékk Tyson skurð fyrir ofan hægra augað eftir að höfuð þeirra Holyfields skullu saman. Tyson taldi að um viljaverk væri að ræða en hann hafði kvartað mikið yfir því að Holyfield væri að skalla hann í fyrri bardaganum. Seinna sagði hann svo að það hefði verið ástæðan fyrir því að hann réðst á Holyfield og beit hann. Þegar um 40 sekúndur voru eftir af lotu þrjú beit Tyson stykki úr hægra eyra Holyfields og spýtti því út úr sér. Mills Lane dómari gerði þá hlé á bardaganum. Eftir nokkra reikistefnu voru tvö stig dregin af Tyson og bardaginn hélt áfram. Skömmu síðar beit Tyson Holyfield öðru sinni og þá í vinstra eyrað. Mills stöðvaði bardagann ekki heldur leyfði lotunni að klárast. Svo ákvað hann að enda bardagann. Tyson var lítt hrifinn af þeirri ákvörðun og gekk berserksgang í MGM Grand Garden Arena. Mills dæmdi Tyson svo úr leik fyrir bitin tvö.Tyson var gjörsamlega trylltur eftir bardagann.vísir/gettyÞessi fáránlega hegðun Tysons dró dilk á eftir sér; keppnisleyfið hans var innkallað, hann var sektaður um þrjár milljónir Bandaríkjadala og þurfti að sinna samfélagsþjónustu. Hann fékk keppnisleyfið aftur rúmu ári síðar. Þrátt fyrir árásina var Holyfield fljótur að fyrirgefa Tyson. Bitvargurinn bað Holyfield svo formlega afsökunar í spjallþætti Oprah Winfrey í október 2009. Brot úr þættinum má sjá hér að neðan. Tyson og Holyfield er vel til vina í dag og hafa þeir sæst heilum sáttum. Þeir léku m.a. í afar skemmtilegri auglýsingu árið 2013 þar sem Tyson skilar Holyfield eyranu sem hann beit í. Box Mest lesið Verður fimmti launahæsti íþróttamaður í heimi Körfubolti Fylkir og Valur í formlegt samstarf Körfubolti Sögðu Betu að drulla sér frá Belgíu: „Nýtt fyrir mér“ Fótbolti Uppgjörið: Egnatia - Breiðablik 1-0 | Grátlegt tap í Albaníu Fótbolti Fyrrum leikmaður United til liðs við Arsenal Fótbolti Óska eftir að að fyrsta leik deildarinnar verði frestað Fótbolti Pedro skaut Chelsea í úrslitin Fótbolti Ísland í öðru sæti eftir fyrsta keppnisdag á Evrópumótinu Golf Stúkumenn ekki sammála um hvort Valsmenn geti orðið meistarar Íslenski boltinn Óli Jóh skellihló að viðtali Heimis Íslenski boltinn Fleiri fréttir Verður fimmti launahæsti íþróttamaður í heimi Fylkir og Valur í formlegt samstarf Ísland í öðru sæti eftir fyrsta keppnisdag á Evrópumótinu Pedro skaut Chelsea í úrslitin Uppgjörið: Egnatia - Breiðablik 1-0 | Grátlegt tap í Albaníu Fyrrum leikmaður United til liðs við Arsenal Óska eftir að að fyrsta leik deildarinnar verði frestað Sögðu Betu að drulla sér frá Belgíu: „Nýtt fyrir mér“ Svíþjóð örugglega áfram í átta liða úrslit Besti ungi leikmaðurinn í Japan í fyrra kominn til Tottenham Shaina boðin hjartanlega velkomin aftur í Hamingjuna EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Þjóðverjar völtuðu yfir Dani í seinni hálfleik Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Mikil blóðtaka fyrir Valsmenn Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Þurfa stelpurnar okkar bara að finna sér nýjan Sigurwin? Sjá meira
Í dag eru nákvæmlega 20 ár frá einum frægasta boxbardaga allra tíma, Bitbardaganum svokallaða. Þann 28. júní 1997 mættust Mike Tyson og Evander Holyfield í MGM Grand Garden Arena í Las Vegas í bardaga sem var stöðvaður eftir þrjár lotur eftir að Tyson hafi bitið í bæði eyru Holyfields. Þetta var annar bardagi Tysons og Holyfields á innan við ári en sjö mánuðum áður mættust þeir í bardaga sem var auglýstur með slagorðinu „Loksins“. Það var ekki að ástæðulausu því þess hafði verið lengi beðið að Tyson og Holyfield mættust í hringnum. Þeir áttu fyrst að mætast árið 1990 en ekkert varð af þeim bardaga eftir að Tyson tapaði afar óvænt fyrir Buster Douglas í frægum bardaga í Tókíó. Það var fyrsta tap Tysons á ferlinum.Tyson og Holyfield, ásamt Don King, í vigtuninni.vísir/gettyÁri síðar komu meiðsli Tysons í veg fyrir bardaga þeirra og þegar þeir áttu að mætast 1992 var Tyson kominn á bak við lás og slá fyrir nauðgun. Eftir að hafa setið inni í rúm þrjú ár sneri Tyson aftur í hringinn og vann þrjá bardaga áður en að bardaganum langþráða við Holyfield kom. Eftir að hafa tapað fyrir Michael Moorer 1994 lagði Holyfield hanskana á hilluna um tíma. Hann sneri aftur ári seinna en var ekki sami boxari og hann var. Þrátt fyrir misjafna frammistöðu eftir að hafa tekið hanskana af hillunni og Tyson væri talinn mun sigurstranglegri gerði Holyfield sér lítið fyrir og vann bardagann á tæknilegu rothöggi í elleftu lotu. Tyson fékk tækifæri til að hefna fyrir ófarirnar sjö mánuðum síðar þegar þeir Holyfield öðru sinni.Holyfield sýnir dómaranum Mills Lane blóðugt eyrað.vísir/gettyHolyfield stjórnaði ferðinni gegn illa fyrir kölluðum Tyson sem var eins og tifandi tímasprengja. Í annarri lotu fékk Tyson skurð fyrir ofan hægra augað eftir að höfuð þeirra Holyfields skullu saman. Tyson taldi að um viljaverk væri að ræða en hann hafði kvartað mikið yfir því að Holyfield væri að skalla hann í fyrri bardaganum. Seinna sagði hann svo að það hefði verið ástæðan fyrir því að hann réðst á Holyfield og beit hann. Þegar um 40 sekúndur voru eftir af lotu þrjú beit Tyson stykki úr hægra eyra Holyfields og spýtti því út úr sér. Mills Lane dómari gerði þá hlé á bardaganum. Eftir nokkra reikistefnu voru tvö stig dregin af Tyson og bardaginn hélt áfram. Skömmu síðar beit Tyson Holyfield öðru sinni og þá í vinstra eyrað. Mills stöðvaði bardagann ekki heldur leyfði lotunni að klárast. Svo ákvað hann að enda bardagann. Tyson var lítt hrifinn af þeirri ákvörðun og gekk berserksgang í MGM Grand Garden Arena. Mills dæmdi Tyson svo úr leik fyrir bitin tvö.Tyson var gjörsamlega trylltur eftir bardagann.vísir/gettyÞessi fáránlega hegðun Tysons dró dilk á eftir sér; keppnisleyfið hans var innkallað, hann var sektaður um þrjár milljónir Bandaríkjadala og þurfti að sinna samfélagsþjónustu. Hann fékk keppnisleyfið aftur rúmu ári síðar. Þrátt fyrir árásina var Holyfield fljótur að fyrirgefa Tyson. Bitvargurinn bað Holyfield svo formlega afsökunar í spjallþætti Oprah Winfrey í október 2009. Brot úr þættinum má sjá hér að neðan. Tyson og Holyfield er vel til vina í dag og hafa þeir sæst heilum sáttum. Þeir léku m.a. í afar skemmtilegri auglýsingu árið 2013 þar sem Tyson skilar Holyfield eyranu sem hann beit í.
Box Mest lesið Verður fimmti launahæsti íþróttamaður í heimi Körfubolti Fylkir og Valur í formlegt samstarf Körfubolti Sögðu Betu að drulla sér frá Belgíu: „Nýtt fyrir mér“ Fótbolti Uppgjörið: Egnatia - Breiðablik 1-0 | Grátlegt tap í Albaníu Fótbolti Fyrrum leikmaður United til liðs við Arsenal Fótbolti Óska eftir að að fyrsta leik deildarinnar verði frestað Fótbolti Pedro skaut Chelsea í úrslitin Fótbolti Ísland í öðru sæti eftir fyrsta keppnisdag á Evrópumótinu Golf Stúkumenn ekki sammála um hvort Valsmenn geti orðið meistarar Íslenski boltinn Óli Jóh skellihló að viðtali Heimis Íslenski boltinn Fleiri fréttir Verður fimmti launahæsti íþróttamaður í heimi Fylkir og Valur í formlegt samstarf Ísland í öðru sæti eftir fyrsta keppnisdag á Evrópumótinu Pedro skaut Chelsea í úrslitin Uppgjörið: Egnatia - Breiðablik 1-0 | Grátlegt tap í Albaníu Fyrrum leikmaður United til liðs við Arsenal Óska eftir að að fyrsta leik deildarinnar verði frestað Sögðu Betu að drulla sér frá Belgíu: „Nýtt fyrir mér“ Svíþjóð örugglega áfram í átta liða úrslit Besti ungi leikmaðurinn í Japan í fyrra kominn til Tottenham Shaina boðin hjartanlega velkomin aftur í Hamingjuna EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Þjóðverjar völtuðu yfir Dani í seinni hálfleik Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Mikil blóðtaka fyrir Valsmenn Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Þurfa stelpurnar okkar bara að finna sér nýjan Sigurwin? Sjá meira