Hanna greindist 41 árs með Parkinson: „Ég læt ekkert stöðva mig“ Sylvía Rut Sigfúsdóttir skrifar 11. ágúst 2017 10:00 Hanna Vilhjálmsdóttir var greind með Parkinsonsjúkdóminn fyrir tveimur árum Úr einkasafni Hanna Vilhjálmsdóttir var aðeins 41 árs gömul þegar hún var greind með Parkinsonsjúkdóminn. Hún lætur ekkert stöðva sig og hleypur til styrktar Parkinsonsamtakanna í Reykjavíkurmaraþoninu um næstu helgi, tveimur árum eftir greiningu. Hanna, sem er tveggja barna móðir, stundar köfun og tekur þátt í björgunarstörfum hjá Landsbjörgu. Hanna var greind með Parkinsonsjúkdóminn í ágúst árið 2015. Læknar sem fóru yfir hennar sjúkrasögu telja að hún hafi verið með einkenni sjúkdómsins í fjögur ár án þess að átta sig á ástæðunni. „Eftir því sem ég best veit er þetta ekki mjög algengt, eitthvað í kringum 10 prósent greinast svona ungir,“ segir Hanna í samtali við Vísi. „Sjúkdómurinn var farinn að hafa mikil áhrif á mitt daglega líf áður en ég greinist, mína hreyfigetu og líkamlega heilsu. Ég gerði mér ekki grein fyrir því að þetta væri Parkinson, ég hélt að þetta væri tengt klemmdri taug í baki. Mig grunaði aldrei að ég væri með þennan sjúkdóm.“ Eftir greininguna komst Hanna fljótt inn í gott teymi á Landsspítalanum og tókst að draga mikið úr hennar einkennum með aðstoð lyfjagjafar. „Lyfin hafa breytt heilmiklu fyrir mig. Þetta gekk allt mjög hratt fyrir sig þar sem á þessum tíma var það augljóst að ég væri með þennan sjúkdóm, frá því að ég leita á Landspítalann liðu tvær vikur þangað til ég var komin með greiningu.“Hanna við Köfun.Hanna VilhjálmsdóttirLífið heldur áframHanna er mjög spennt fyrir því að taka þátt í Reykjavíkurmaraþoninu en hún hleypur þar þrjá kílómetra. Á síðasta ári tók Hanna líka þátt og hljóp með dóttur sinni og safnaði þá einnig áheitum fyrir Parkinsonsamtökin.Mér fannst þetta alveg frábært. Maður er að leggja sitt af mörkum og að sýna að það er hægt að taka þátt í lífinu þó að maður greinist með þennan sjúkdóm. Lífið heldur áfram. Hanna segir að Parkinsonsamtökin vinni mjög gott starf og séu mikilvægt stuðningsnet fyrir þá sem eru greindir með sjúkdóminn. Þau vita miklu meira en maður sjálfur þegar maður greinist. „Ég vildi láta gott af mér leiða og gefa til baka fyrir allt sem var gert fyrir mig. Samtökin styðja svo vel við bakið á okkur sem erum með þennan sjúkdóm og einnig aðstandendur. Ég er í svokölluðum unglingahóp sem samtökin stofnuðu fyrir okkur sem erum í yngri kantinum og það hefur eflt okkur í að lifa með þessum sjúkdómi.“Nýtur þess að vera í sjónumSkömmu áður en Hanna fékk greininguna byrjaði hún að stunda köfun og er hún virkur félagi í Sportkafarafélagi Íslands í dag. „Ég var fertug þegar ég byrjaði. Ég er núna bæði í fríköfun og sportköfun og nýt þess að vera í sjónum.“ Í sportköfun er kafað með súrefnistank og annan búnað. Í fríköfun er kafað án nokkurs búnaðar og aðeins kafað í stuttan tíma í einu. „Þú æfir þannig andardrátt og slökun en ert aldrei niðri í nema eina til eina og hálfa mínútu, það fer eftir því í hversu góðu formi maður er,“ útskýrir Hanna. Hún var áður mikil útivistarkona og hefur verið í björgunarsveit Landsbjargar í rúm sex ár og er núna í svæðisstjórn. Hanna er með réttindi sem leitar- og björgunarkafari. „Daglegu áhrif sjúkdómsins eru þau að þó ég geti lifað sem eðlilegustu lífi þá þreytist ég fyrr og ákveðnar takmarkanir sem ég þarf að setja mér með heilsuna til hliðsjónar. Ég er samt kafari og er í björgunarsveit, svo finnst mér líka gaman að ferðast. Ég læt þennan sjúkdóm ekki stjórna mínu lífi en hann hefur samt áhrif á mitt líf.“ Hanna segir að sjúkdómsgreiningin hafi breytt hennar viðhorfi til lífsins. „Ég lifi lífinu en ég fresta engu. Ég geri það sem mig langar því að maður veit aldrei hvað gerist á morgun eða eftir ár. Þessi sjúkdómur er einstaklingsbundinn og því veit ég ekki hvernig ég verð eftir 10 ár, kannski verð ég alveg eins en kannski verð ég mun verri. Ég nýt því lífsins bara.“Hér má finna áheitasíðu Hönnu. Reykjavíkurmaraþon Mest lesið Skýrt ákall um heilsdagsverkfall á kvennafrídegi í ár Innlent Gerðu árás á rússneska efnaverksmiðju í Bryansk Erlent Lýstu yfir hættustigi vegna flugvélar í vanda Innlent Kynfræðsla ekki endilega forgangsatriði í fermingarfræðslu Innlent Fjölgun á þeim sem lögregla fylgir úr landi Innlent Vísindamenn segja mikilvægt að vanda valið á þunglyndislyfjum Erlent „Það getur einhver verið að tæla barnið þitt fyrir framan þig“ Innlent „Þessi starfsemi er komin til að vera“ Innlent Trump gæti veitt sjálfum sér tugi milljarða í bætur frá eigin stjórn Erlent Kannast ekki við gagnrýni á fegurðarsamkeppni ungmenna Innlent Fleiri fréttir Hálfsdagslokun leikskóla borgarinnar breytist í heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Fjölgun á þeim sem lögregla fylgir úr landi Skýrt ákall um heilsdagsverkfall á kvennafrídegi í ár Kynfræðsla ekki endilega forgangsatriði í fermingarfræðslu Fleiri stöðugildi sjúkraþjálfara muni fara í skriffinnsku „Þessi starfsemi er komin til að vera“ Samþykktu leiðtogaprófkjör hjá Viðreisn í Reykjavík Kannast ekki við gagnrýni á fegurðarsamkeppni ungmenna Ekki sé gagnlegt að etja Krabbameinsfélaginu og Ljósinu saman Stöðva framleiðslu í álverinu á Grundartanga Óvissustig vegna snjóflóðahættu í Ólafsfjarðarmúla Olíuboranir að hefjast beint norður af Íslandi Óttast afleiðingar þess að fjársterkari kaupendur sitji einir að markaðnum Fermingarfræðslan umdeilda stappi nærri sturlun Fundi frestað þar til á morgun Stopp á fasteignamarkaði, Miðflokkur á flugi og fegurðarsamkeppni Barn flutt á sjúkrahús eftir að hafa lent undir bíl Flugvél snúið til Keflavíkur vegna bilunar Skipta út hraðhleðslustöðinni vegna bilunar Verktakar hyggjast leita réttar síns eftir að ríkið rifti samningi Fuglaflensa greinist í refum Maðurinn í lífshættu og til rannsóknar hver veitti áverkana Sakar Krabbameinsfélagið um að vera í raun fjármálafyrirtæki Eyvindur tekur varanlegt sæti í Landsrétti Hlýða á kröfu um mun þyngri refsingu tvíburanna og Samúels Jóa Láta ekki lengur flokka drykkjarfernur frá pappírsúrgangi Sjá meira
Hanna Vilhjálmsdóttir var aðeins 41 árs gömul þegar hún var greind með Parkinsonsjúkdóminn. Hún lætur ekkert stöðva sig og hleypur til styrktar Parkinsonsamtakanna í Reykjavíkurmaraþoninu um næstu helgi, tveimur árum eftir greiningu. Hanna, sem er tveggja barna móðir, stundar köfun og tekur þátt í björgunarstörfum hjá Landsbjörgu. Hanna var greind með Parkinsonsjúkdóminn í ágúst árið 2015. Læknar sem fóru yfir hennar sjúkrasögu telja að hún hafi verið með einkenni sjúkdómsins í fjögur ár án þess að átta sig á ástæðunni. „Eftir því sem ég best veit er þetta ekki mjög algengt, eitthvað í kringum 10 prósent greinast svona ungir,“ segir Hanna í samtali við Vísi. „Sjúkdómurinn var farinn að hafa mikil áhrif á mitt daglega líf áður en ég greinist, mína hreyfigetu og líkamlega heilsu. Ég gerði mér ekki grein fyrir því að þetta væri Parkinson, ég hélt að þetta væri tengt klemmdri taug í baki. Mig grunaði aldrei að ég væri með þennan sjúkdóm.“ Eftir greininguna komst Hanna fljótt inn í gott teymi á Landsspítalanum og tókst að draga mikið úr hennar einkennum með aðstoð lyfjagjafar. „Lyfin hafa breytt heilmiklu fyrir mig. Þetta gekk allt mjög hratt fyrir sig þar sem á þessum tíma var það augljóst að ég væri með þennan sjúkdóm, frá því að ég leita á Landspítalann liðu tvær vikur þangað til ég var komin með greiningu.“Hanna við Köfun.Hanna VilhjálmsdóttirLífið heldur áframHanna er mjög spennt fyrir því að taka þátt í Reykjavíkurmaraþoninu en hún hleypur þar þrjá kílómetra. Á síðasta ári tók Hanna líka þátt og hljóp með dóttur sinni og safnaði þá einnig áheitum fyrir Parkinsonsamtökin.Mér fannst þetta alveg frábært. Maður er að leggja sitt af mörkum og að sýna að það er hægt að taka þátt í lífinu þó að maður greinist með þennan sjúkdóm. Lífið heldur áfram. Hanna segir að Parkinsonsamtökin vinni mjög gott starf og séu mikilvægt stuðningsnet fyrir þá sem eru greindir með sjúkdóminn. Þau vita miklu meira en maður sjálfur þegar maður greinist. „Ég vildi láta gott af mér leiða og gefa til baka fyrir allt sem var gert fyrir mig. Samtökin styðja svo vel við bakið á okkur sem erum með þennan sjúkdóm og einnig aðstandendur. Ég er í svokölluðum unglingahóp sem samtökin stofnuðu fyrir okkur sem erum í yngri kantinum og það hefur eflt okkur í að lifa með þessum sjúkdómi.“Nýtur þess að vera í sjónumSkömmu áður en Hanna fékk greininguna byrjaði hún að stunda köfun og er hún virkur félagi í Sportkafarafélagi Íslands í dag. „Ég var fertug þegar ég byrjaði. Ég er núna bæði í fríköfun og sportköfun og nýt þess að vera í sjónum.“ Í sportköfun er kafað með súrefnistank og annan búnað. Í fríköfun er kafað án nokkurs búnaðar og aðeins kafað í stuttan tíma í einu. „Þú æfir þannig andardrátt og slökun en ert aldrei niðri í nema eina til eina og hálfa mínútu, það fer eftir því í hversu góðu formi maður er,“ útskýrir Hanna. Hún var áður mikil útivistarkona og hefur verið í björgunarsveit Landsbjargar í rúm sex ár og er núna í svæðisstjórn. Hanna er með réttindi sem leitar- og björgunarkafari. „Daglegu áhrif sjúkdómsins eru þau að þó ég geti lifað sem eðlilegustu lífi þá þreytist ég fyrr og ákveðnar takmarkanir sem ég þarf að setja mér með heilsuna til hliðsjónar. Ég er samt kafari og er í björgunarsveit, svo finnst mér líka gaman að ferðast. Ég læt þennan sjúkdóm ekki stjórna mínu lífi en hann hefur samt áhrif á mitt líf.“ Hanna segir að sjúkdómsgreiningin hafi breytt hennar viðhorfi til lífsins. „Ég lifi lífinu en ég fresta engu. Ég geri það sem mig langar því að maður veit aldrei hvað gerist á morgun eða eftir ár. Þessi sjúkdómur er einstaklingsbundinn og því veit ég ekki hvernig ég verð eftir 10 ár, kannski verð ég alveg eins en kannski verð ég mun verri. Ég nýt því lífsins bara.“Hér má finna áheitasíðu Hönnu.
Reykjavíkurmaraþon Mest lesið Skýrt ákall um heilsdagsverkfall á kvennafrídegi í ár Innlent Gerðu árás á rússneska efnaverksmiðju í Bryansk Erlent Lýstu yfir hættustigi vegna flugvélar í vanda Innlent Kynfræðsla ekki endilega forgangsatriði í fermingarfræðslu Innlent Fjölgun á þeim sem lögregla fylgir úr landi Innlent Vísindamenn segja mikilvægt að vanda valið á þunglyndislyfjum Erlent „Það getur einhver verið að tæla barnið þitt fyrir framan þig“ Innlent „Þessi starfsemi er komin til að vera“ Innlent Trump gæti veitt sjálfum sér tugi milljarða í bætur frá eigin stjórn Erlent Kannast ekki við gagnrýni á fegurðarsamkeppni ungmenna Innlent Fleiri fréttir Hálfsdagslokun leikskóla borgarinnar breytist í heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Fjölgun á þeim sem lögregla fylgir úr landi Skýrt ákall um heilsdagsverkfall á kvennafrídegi í ár Kynfræðsla ekki endilega forgangsatriði í fermingarfræðslu Fleiri stöðugildi sjúkraþjálfara muni fara í skriffinnsku „Þessi starfsemi er komin til að vera“ Samþykktu leiðtogaprófkjör hjá Viðreisn í Reykjavík Kannast ekki við gagnrýni á fegurðarsamkeppni ungmenna Ekki sé gagnlegt að etja Krabbameinsfélaginu og Ljósinu saman Stöðva framleiðslu í álverinu á Grundartanga Óvissustig vegna snjóflóðahættu í Ólafsfjarðarmúla Olíuboranir að hefjast beint norður af Íslandi Óttast afleiðingar þess að fjársterkari kaupendur sitji einir að markaðnum Fermingarfræðslan umdeilda stappi nærri sturlun Fundi frestað þar til á morgun Stopp á fasteignamarkaði, Miðflokkur á flugi og fegurðarsamkeppni Barn flutt á sjúkrahús eftir að hafa lent undir bíl Flugvél snúið til Keflavíkur vegna bilunar Skipta út hraðhleðslustöðinni vegna bilunar Verktakar hyggjast leita réttar síns eftir að ríkið rifti samningi Fuglaflensa greinist í refum Maðurinn í lífshættu og til rannsóknar hver veitti áverkana Sakar Krabbameinsfélagið um að vera í raun fjármálafyrirtæki Eyvindur tekur varanlegt sæti í Landsrétti Hlýða á kröfu um mun þyngri refsingu tvíburanna og Samúels Jóa Láta ekki lengur flokka drykkjarfernur frá pappírsúrgangi Sjá meira