Forystuhópurinn fór vitlausa leið í maraþonhlaupi og allir misstu af sigrinum

Það margborgar sig fyrir maraþonhlaupara að þekkja leiðina vel því annars getur farið illa.

Svo var raunin Feneyjarmaraþoninu á dögunum þegar heimamaður vann óvæntan sigur eftir einn risastóran misskilning.

Afríkumennirnir Abdulahl Dawud, Gilbert Kipleting Chumba, Kipkemei Mutai og David Kiprono Metto voru fremstir í hlaupinu og voru allir líklegir til afreka.

Þeir hlupu á eftir mótorhjóli sem sýndi þeim rétta leið. Eða það héldu þeir. Ökumaðurinn villtist hinsvegar af leið eftir 25 kílómetra hlaup.

Ítalinn Eyob Faniel var mínútu á eftir forystuhópnum en nýtti sér vel aukakrókinn sem bestu hlaupararnir tóku og varð á endanum fyrsti Ítalinn í 22 ár til að vinna Feneyjarmaraþonið.

Hér fyrir neðan má sjá tímapunktinn þegar hlaupararnir átta sig á því að þeir eru búnir að vera að hlaupa vitlausa leið.

Random dude wins Venice Marathon after leaders directed wrong way: https://t.co/LqqFuqoehCpic.twitter.com/ekmMeQ7P5I

— Deadspin (@Deadspin) October 24, 2017

Mohammed Mussa varð annar í hlaupinu en Tariq Bamaarouf tryggði sér þriðja sætið. Efstur af mönnum sem tóku aukakrókinn var Gilbert Kipleting Chumba sem endaði fjórði.

Hér fyrir neðan má sjá frétt Euronews um hlaupið.