Ernirnir fljúga hæst í NFL-deildinni

Þegar sjö umferðum er lokið í NFL-deildinni er Philadelphia Eagles nokkuð óvænt með besta árangurinn í deildinni.

Ernirnir eru búnir að vinna sex leiki og tapa einum. Þeir skelltu Washington, 34-24, í nótt þar sem leikstjórnandi þeirra, Carson Wentz, fór á kostum.

Wentz virðist vera púslið sem hefur vantað í liðið síðustu ár. Hann kláraði 17 af 25 sendingum sínum í nótt fyrir 268 jördum og heilum fjórum snertimörkum. Hann hljóp þess utan 63 jarda. Algjörlega óstöðvandi.

Fimm lið eru með 5-2 árangur í vetur og aðeins tvö lið hafa tapað öllum sínum leikjum það sem af er. Það eru San Francisco 49ers og Cleveland Browns.

Úrslit helgarinnar:

Philadelphia - Washington  34-24

Buffalo - Tampa Bay  30-27

Chicago - Carolina  17-3

Cleveland - Tennessee  9-12

Green Bay - New Orleans  17-26

Indianapolis - Jacksonville  0-27

LA Rams - Arizona  33-0

Miami - NY Jets  31-28

Minnesota - Baltimore  24-16

San Francisco - Dallas 10-40

Pittsburgh - Cincinnati  29-14

LA Chargers - Denver  21-0

NY Giants - Seattle  7-24

New England - Atlanta  23-7

Staðan í NFL-deildinni.