Aníta komin heim af HM og ætlar að hjálpa ÍR-ingum um helgina Óskar Ófeigur Jónsson skrifar 7. mars 2018 16:30 Aníta Hinriksdóttir. Vísir/Anton Tólfta bikarkeppni FRÍ innanhúss fer fram á laugardaginn en keppt verður mill 13.00 og 15.30 í Kaplakrika í Hafnarfirði. Aníta Hinriksdóttir er komin heim frá HM í Birmingham og velur aftur að keppa ekki í sinni bestu grein sem er 800 metra hlaup. Hún keppir í 1500 metra hlaupi eins og á HM. Það fylgir reyndar sögunni að engin íslensk kona hefur hlaupið 1500 metrana hraðar en Aníta. ÍR-ingar þurfa líka á hjálp að halda ef marka má úrslitin úr liðakeppni Meistaramótsins á dögunum en FH-ingar unnu þar sannfærandi sigur í samanlögðu og í kvennaflokki. Blikar fengu hinsvegar flest stig hjá körlunum en þar voru ÍR-ingar í þriðja sætinu. Frjálsíþróttasambandið fer yfir bikarkeppni helgarinnar í pistil á heimasíðu sinni en þar á bæ spá menn hörkukeppni og harðri baráttu. Hér fyrir neðan má sjá hvar mesta keppnin verður á laugardaginn. Keppni hefst á 60 m grindahlaupi kvenna og má búast við hörkukeppni milli Maríu Rúnar Gunnlaugsdóttur FH og Irmu Gunnarsdóttur Breiðabliki. Hulda Þorsteinsdóttir ÍR er skráð til leiks í stangarstökk kvenna og hún talin sigurstranglegust. Kristinn Torfason FH og Þorsteinn Ingvarsson ÍR munu berjast um sigurinn í þrístökki karla. Bjarki Rúnar Kristinsson Breiðabliki er hinsvegar í bætingaformi og verður mjög spennandi að sjá hvaða árangri hann mun ná. Búast má við jafnri og spennandi keppni í 60 m grindahlaupi karla. Þar er Ísak Óli Traustason UMSS sigurstranglegastur en hann bætti sinn besta árangur á MÍ í lok febrúar þegar hann hljóp á tímanum 8,26 sek. Einar Daði Lárusson ÍR er hinsvegar í mjög góðu formi þessa dagana og hefur hlaupið á 8,36 sek á tímabilinu. Erna Sóley Gunnarsdóttir ÍR hefur náð besta árangri keppenda í kúluvarpi en hún hefur varpað kúlunni 14,16 m í ár. Irma Gunnarsdóttir Breiðabliki er með næstbesta árangur keppenda, 13,22 m. Í 60 m hlaupi kvenna má búast við æsispennandi keppni en fjórar af sjö keppendum þar hafa hlaupið undir 8 sekúndum á tímabilinu. Tiana Ósk Whitworth ÍR er sigurstranglegust en hún á best 7,47 sek frá því á Stórmóti ÍR í lok janúar og er það núverandi Íslandsmet í greininni. Í 60 m hlaupi karla eru þeir Jóhann Björn Sigurbjörnsson UMSS og Dagur Andri Einarsson FH sigurstranglegastir en þeir hafa báðir hlaupið undir 7 sekúndum á þessu tímabili. Hlaupastjarnan Aníta Hinriksdóttir kepptir í 1500 m hlaupi fyrir ÍR-inga. Aníta setti glæsilegt nýtt Íslandsmet í greininni í síðasta mánuði og verður spennandi að sjá hvaða árangri hún nær í hlaupinu um helgina. Búast má við hörkuspennandi keppni í 1500 m hlaupi karla og er langt síðan svo margir góðir hlauparar keppa í sama hlaupinu. Trausti Þór Þorsteins Ármanni sem á besta árangur ársins í 800 m hlaupi er skráður til leiks og er gríðarlega spennandi að sjá hvaða árangri hann nær um helgina. Þá mun Íslandsmeistarinn í greininni Sæmundur Ólafsson ÍR einnig keppa í hlaupinu ásamt Íslandsmeistaranum frá því í fyrra, Bjartmari Örnusyni KFA. Fremsti millivegalengdahlaupari síðustu ára, Kristinn Þór Kristinsson HSK, er einnig skráður ásamt silfurverðlaunahafanum frá MÍ og RIG, Huga Harðarssyni Fjöleldingu, sem er í bætingaformi. Þá hleypur Þórarinn Örn Þrándarsson fyrir FH-inga en hann er að koma sterkur til baka eftir nokkurt hlé. Sjöþrautarkonan María Rún Gunnlaugsdóttir FH keppir í langstökki og á hún besta árangur keppenda, en hún hefur stokkið 5,91 á tímabilinu. Þær Birna Kristín Kristjánsdóttir Breiðabliki og Guðrún Heiða Bjarnadóttir HSK koma næstar á eftir henni, en þær hafa báðar stokkið 5,77 m á tímabilinu. Í hástökki karla er hinn ungi og efnilegi Kristján Viggó Sigfinnsson Ármanni sigurstranglegastur en hann hefur stokkið 2,01 m á tímabilinu. Óðinn Björn Þorsteinsson ÍR verður að teljast líklegur til sigurs í kúluvarpi karla en hann á best 20,22 m. Hlaupadrottningin Arna Stefanía Guðmundsdóttir FH er skráð til leiks í 400 m hlaupi kvenna og hefur verið ósigrandi á tímabilinu og Ívar Kristinn Jasonarson ÍR og Kormákur Ari Hafliðason FH munu berjast um sigur í 400 m hlaupi karla. Í 4×200 m boðhlaupum karla og kvenna er allt opið en eitt er víst, þar verður allt lagt undir. Keppni hefst kl. 13:00 og lýkur um kl. 15:30. Frjálsar íþróttir Mest lesið Verður fimmti launahæsti íþróttamaður í heimi Körfubolti Fylkir og Valur í formlegt samstarf Körfubolti Sögðu Betu að drulla sér frá Belgíu: „Nýtt fyrir mér“ Fótbolti Fyrrum leikmaður United til liðs við Arsenal Fótbolti Uppgjörið: Egnatia - Breiðablik 1-0 | Grátlegt tap í Albaníu Fótbolti Pedro skaut Chelsea í úrslitin Fótbolti Ísland í öðru sæti eftir fyrsta keppnisdag á Evrópumótinu Golf Óska eftir að að fyrsta leik deildarinnar verði frestað Fótbolti Stúkumenn ekki sammála um hvort Valsmenn geti orðið meistarar Íslenski boltinn EM í dag: Nótt á spítala, hræddir blaðamenn og nammi frá Betu Fótbolti Fleiri fréttir Dagskráin í dag: Snóker í öll mál Verður fimmti launahæsti íþróttamaður í heimi Fylkir og Valur í formlegt samstarf Ísland í öðru sæti eftir fyrsta keppnisdag á Evrópumótinu Pedro skaut Chelsea í úrslitin Uppgjörið: Egnatia - Breiðablik 1-0 | Grátlegt tap í Albaníu Fyrrum leikmaður United til liðs við Arsenal Óska eftir að að fyrsta leik deildarinnar verði frestað Sögðu Betu að drulla sér frá Belgíu: „Nýtt fyrir mér“ Svíþjóð örugglega áfram í átta liða úrslit Besti ungi leikmaðurinn í Japan í fyrra kominn til Tottenham Shaina boðin hjartanlega velkomin aftur í Hamingjuna EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Þjóðverjar völtuðu yfir Dani í seinni hálfleik Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Mikil blóðtaka fyrir Valsmenn Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Sjá meira
Tólfta bikarkeppni FRÍ innanhúss fer fram á laugardaginn en keppt verður mill 13.00 og 15.30 í Kaplakrika í Hafnarfirði. Aníta Hinriksdóttir er komin heim frá HM í Birmingham og velur aftur að keppa ekki í sinni bestu grein sem er 800 metra hlaup. Hún keppir í 1500 metra hlaupi eins og á HM. Það fylgir reyndar sögunni að engin íslensk kona hefur hlaupið 1500 metrana hraðar en Aníta. ÍR-ingar þurfa líka á hjálp að halda ef marka má úrslitin úr liðakeppni Meistaramótsins á dögunum en FH-ingar unnu þar sannfærandi sigur í samanlögðu og í kvennaflokki. Blikar fengu hinsvegar flest stig hjá körlunum en þar voru ÍR-ingar í þriðja sætinu. Frjálsíþróttasambandið fer yfir bikarkeppni helgarinnar í pistil á heimasíðu sinni en þar á bæ spá menn hörkukeppni og harðri baráttu. Hér fyrir neðan má sjá hvar mesta keppnin verður á laugardaginn. Keppni hefst á 60 m grindahlaupi kvenna og má búast við hörkukeppni milli Maríu Rúnar Gunnlaugsdóttur FH og Irmu Gunnarsdóttur Breiðabliki. Hulda Þorsteinsdóttir ÍR er skráð til leiks í stangarstökk kvenna og hún talin sigurstranglegust. Kristinn Torfason FH og Þorsteinn Ingvarsson ÍR munu berjast um sigurinn í þrístökki karla. Bjarki Rúnar Kristinsson Breiðabliki er hinsvegar í bætingaformi og verður mjög spennandi að sjá hvaða árangri hann mun ná. Búast má við jafnri og spennandi keppni í 60 m grindahlaupi karla. Þar er Ísak Óli Traustason UMSS sigurstranglegastur en hann bætti sinn besta árangur á MÍ í lok febrúar þegar hann hljóp á tímanum 8,26 sek. Einar Daði Lárusson ÍR er hinsvegar í mjög góðu formi þessa dagana og hefur hlaupið á 8,36 sek á tímabilinu. Erna Sóley Gunnarsdóttir ÍR hefur náð besta árangri keppenda í kúluvarpi en hún hefur varpað kúlunni 14,16 m í ár. Irma Gunnarsdóttir Breiðabliki er með næstbesta árangur keppenda, 13,22 m. Í 60 m hlaupi kvenna má búast við æsispennandi keppni en fjórar af sjö keppendum þar hafa hlaupið undir 8 sekúndum á tímabilinu. Tiana Ósk Whitworth ÍR er sigurstranglegust en hún á best 7,47 sek frá því á Stórmóti ÍR í lok janúar og er það núverandi Íslandsmet í greininni. Í 60 m hlaupi karla eru þeir Jóhann Björn Sigurbjörnsson UMSS og Dagur Andri Einarsson FH sigurstranglegastir en þeir hafa báðir hlaupið undir 7 sekúndum á þessu tímabili. Hlaupastjarnan Aníta Hinriksdóttir kepptir í 1500 m hlaupi fyrir ÍR-inga. Aníta setti glæsilegt nýtt Íslandsmet í greininni í síðasta mánuði og verður spennandi að sjá hvaða árangri hún nær í hlaupinu um helgina. Búast má við hörkuspennandi keppni í 1500 m hlaupi karla og er langt síðan svo margir góðir hlauparar keppa í sama hlaupinu. Trausti Þór Þorsteins Ármanni sem á besta árangur ársins í 800 m hlaupi er skráður til leiks og er gríðarlega spennandi að sjá hvaða árangri hann nær um helgina. Þá mun Íslandsmeistarinn í greininni Sæmundur Ólafsson ÍR einnig keppa í hlaupinu ásamt Íslandsmeistaranum frá því í fyrra, Bjartmari Örnusyni KFA. Fremsti millivegalengdahlaupari síðustu ára, Kristinn Þór Kristinsson HSK, er einnig skráður ásamt silfurverðlaunahafanum frá MÍ og RIG, Huga Harðarssyni Fjöleldingu, sem er í bætingaformi. Þá hleypur Þórarinn Örn Þrándarsson fyrir FH-inga en hann er að koma sterkur til baka eftir nokkurt hlé. Sjöþrautarkonan María Rún Gunnlaugsdóttir FH keppir í langstökki og á hún besta árangur keppenda, en hún hefur stokkið 5,91 á tímabilinu. Þær Birna Kristín Kristjánsdóttir Breiðabliki og Guðrún Heiða Bjarnadóttir HSK koma næstar á eftir henni, en þær hafa báðar stokkið 5,77 m á tímabilinu. Í hástökki karla er hinn ungi og efnilegi Kristján Viggó Sigfinnsson Ármanni sigurstranglegastur en hann hefur stokkið 2,01 m á tímabilinu. Óðinn Björn Þorsteinsson ÍR verður að teljast líklegur til sigurs í kúluvarpi karla en hann á best 20,22 m. Hlaupadrottningin Arna Stefanía Guðmundsdóttir FH er skráð til leiks í 400 m hlaupi kvenna og hefur verið ósigrandi á tímabilinu og Ívar Kristinn Jasonarson ÍR og Kormákur Ari Hafliðason FH munu berjast um sigur í 400 m hlaupi karla. Í 4×200 m boðhlaupum karla og kvenna er allt opið en eitt er víst, þar verður allt lagt undir. Keppni hefst kl. 13:00 og lýkur um kl. 15:30.
Frjálsar íþróttir Mest lesið Verður fimmti launahæsti íþróttamaður í heimi Körfubolti Fylkir og Valur í formlegt samstarf Körfubolti Sögðu Betu að drulla sér frá Belgíu: „Nýtt fyrir mér“ Fótbolti Fyrrum leikmaður United til liðs við Arsenal Fótbolti Uppgjörið: Egnatia - Breiðablik 1-0 | Grátlegt tap í Albaníu Fótbolti Pedro skaut Chelsea í úrslitin Fótbolti Ísland í öðru sæti eftir fyrsta keppnisdag á Evrópumótinu Golf Óska eftir að að fyrsta leik deildarinnar verði frestað Fótbolti Stúkumenn ekki sammála um hvort Valsmenn geti orðið meistarar Íslenski boltinn EM í dag: Nótt á spítala, hræddir blaðamenn og nammi frá Betu Fótbolti Fleiri fréttir Dagskráin í dag: Snóker í öll mál Verður fimmti launahæsti íþróttamaður í heimi Fylkir og Valur í formlegt samstarf Ísland í öðru sæti eftir fyrsta keppnisdag á Evrópumótinu Pedro skaut Chelsea í úrslitin Uppgjörið: Egnatia - Breiðablik 1-0 | Grátlegt tap í Albaníu Fyrrum leikmaður United til liðs við Arsenal Óska eftir að að fyrsta leik deildarinnar verði frestað Sögðu Betu að drulla sér frá Belgíu: „Nýtt fyrir mér“ Svíþjóð örugglega áfram í átta liða úrslit Besti ungi leikmaðurinn í Japan í fyrra kominn til Tottenham Shaina boðin hjartanlega velkomin aftur í Hamingjuna EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Þjóðverjar völtuðu yfir Dani í seinni hálfleik Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Mikil blóðtaka fyrir Valsmenn Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Sjá meira