Umfjöllun um tapið gegn Þýskalandi: Erfið kvöldstund í Köln Tómas Þór Þórðarson í Köln skrifar 19. janúar 2019 21:44 Strákarnir voru svekktir eftir tapið. vísir/Epa Íslenska landsliðið í handbolta er í erfiðri stöðu í milliriðli 1 á HM 2019 í handbolta eftir 24-19 tap gegn gestgjöfum Þjóðverja í LANXESS-höllinni í Köln í kvöld. Með tapinu er möguleikinn á sjöunda sætinu nánast enginn en menn verða að lifa í voninni. Eftir góða byrjun á leiknum fór allt í baklás í sóknarleiknum, sérstaklega þegar að Aron Pálmarsson gat ekki mætt í seinni hálfleikinn vegna meiðsla. Treysta þurfti þá á ungu mennina enn meira og þeir fengu heldur betur að kynnast stóra sviðinu og lauginni djúpu. Íslenska liðið skoraði aðeins níu mörk í seinni hálfleik og var í fyrsta sinn í mótinu undir í löglegum stöðvunum. Þýska vörnin var frábær með úlfinn Andreas í stuði fyrir aftan og það reyndist okkar mönnum um megn. Framhaldið verður erfitt, sérstaklega þegar að tveir bestu menn liðsins, Aron Pálmarsson og Arnór Þór Gunnarsson, eru tæpir vegna meiðsla en Arnór meiddist líka í leiknum. Þeir fá ekki mikinn tíma til að jafna sig því leikið verður á móti Frakklandi eftir tæpan sólarhring.Gísli Þorgeir fór með nokkur dauðafæri.vísir/EpaHættu ekki að reyna Gísli Þorgeir Kristjánsson stýrði sóknarleiknum allan tímann. Hann er kominn fram fyrir Elvar í goggunarröðina í sóknarleiknum en Elvar er nú orðinn nær aðallega varnarmaður og skiptir Guðmundur tveimur í vörn og sókn í byrjun leikja. Gísli fékk nær enga hvíld eftir að Aron þurfti frá að hverfa vegna meiðsla og dagurinn á skrifstofunni hjá Hafnfirðingnum unga var erfiður. Hann fór með þrjú dauðafæri og tapaði fjórum boltum og var í heildina með 25 prósent skotnýtingu. Hann hætti samt aldrei að reyna og það hefur svolítið verið kennimerki þessa liðs á mótinu. Sóknarleikurinn hefur stundum verið ansi stirðbusalegur eins og í kvöld en menn hætta ekki að þora þó í harðbakkann slái. Elvar Örn átti líka mjög erfitt uppdráttar í sóknarleiknum sem og Teitur Örn og Ómar en þýska vörnin lét okkar menn stundum líta út eins og byrjendur þegar að þeir neyddust til að stinga niður fyrir innan punktalínu og skima í kringum sig eftir næstu sendingu.Þjóðverjarnir voru erfiðir.vísir/EpaÞýska stálið Það verður ekkert tekið af þýska liðinu sem spilaði frábærlega í kvöld. Þessi þýski múr er alveg magnaður þegar að hann kemst í gang og stemningin og hjartað í liðinu minnir á íslenska liðið á góðum degi. Þýskaland vann sannfærandi og sanngjarnt. Svo einfalt er það. Þeir voru svo góðir í vörninni að í fyrsta sinn litu stórmótanýliðar íslenska liðsins út eins og nýliðar. Hingað til hafa þeir átt langar og góðar rispur í öllum leikjunum á móti bestu þjóðunum en í seinni hálfleik gleymdu krakkarnir okkar kútunum áður en þeir stungu sér í djúpu laugina. Varnarleikurinn var í heildina til fyrirmyndar en krafturinn og kílóin í þýska liðinu reyndist okkar mönnum um megn. Það gerðist nokkrum sinnum að þýsku leikmennirnir óðu bara í gegnum hjarta varnarinnar og drógu hálft liðið með sér er þeir skoruðu framhjá Björgvin sem spilaði fínan leik í markinu. Þegar að talað er um reynslubanka þá var stór innistæða lögð inn á sparnaðarreikning margra í liðinu í kvöld en án Arons Pálmarssonar átti Ísland ekki möguleika í seinni hálfleik. Enn og aftur voru það svo eldri mennirnir sem drógu vagninn í sóknarleiknum en Arnór, Aron og Ólafur Guðmundsson skoraði tólf af 19 mörkum íslenska liðsins.Paul Drux keyrir í gegn.vísir/EpaOg hvað nú? Frakkar sýndu í kvöld að þeir eru líklegir til að vinna mótið þegar að þeir gengu sannfærandi frá Spáni. Breiddin er miklu meiri hjá franska liðinu en það kallaði inn Melvyn nokkurn Richardsson fyrir milliriðlana, son Jackson Richardsson. Hann mætti í seinni hálfleikinn á móti Evrópumeisturum Spánar og skoraði fjögur mörk án þess að hafa mikið fyrir því. Franski varnarmúrinn eru engu síðri en sá þýski þannig það verður önnur prófraun fyrir Ísland á morgun í sóknarleiknum sem verður að lagast. Menn verða allavega að fara betur með færin því auðvelt er að telja upp fimm dauðafæri með vítaköstum sem fóru forgörðum í kvöld og það er alltof dýrt á móti svona liði. Nokkrum sinnum í seinni hálfleik fékk Ísland tækifæri til að minnka muninn í eitt og tvö mörk og aðeins slá þögn á háværa höllina en þá féllu hlutirnir með þeim þýsku. Stemningin í Köln í kvöld var ólýsanleg og ekkert grín fyrir unga menn að spila í svona umhverfi. Ef marka má leikina gegn Króatíu, Spáni og Þýskalandi er Ísland á þeim stað sem flestir bjuggust við; aðeins á eftir þessum þjóðum. Það verður því við ramman reip að draga á morgun á móti Frakklandi en Brasilía bíður svo handan hornsins á miðvikudaginn. HM 2019 í Þýskalandi og Danmörku Tengdar fréttir Topparnir í tölfræðinni á móti Þjóðverjum: Þýska vörnin með yfirburði í tölfræðinni Þýska vörnin kom mjög vel út úr allri tölfræði í fimm marka sigri á Íslandi í fyrsta leik liðanna í milliriðli á HM í handbolta 2019. 19. janúar 2019 21:29 Guðmundur: Stórkostleg og hetjuleg barátta Guðmundur Guðmundsson hrósaði ungu landsliði Íslands í hástert fyrir frammistöðuna gegn Þýskalandi á HM í handbolta í kvöld. 19. janúar 2019 21:34 Björgvin: Erum sárir en getum samt labbað stoltir af velli Björgvin Páll Gústavsson var stoltur af ungu íslensku liði í kvöld. 19. janúar 2019 21:31 Mest lesið Kæra fólskulegt brot í Kaplakrika: „Einbeittur brotavilji“ Íslenski boltinn Þýskur sigur í meistaramóti ökumanna Formúla 1 Bjór kastað í fjölskyldur leikmanna enska landsliðsins Fótbolti Þjarmað að Verstappen á blaðamannafundi Formúla 1 James feðgarnir sameinast í liði Los Angeles Lakers Körfubolti Real Madrid kaupir leikmann en lætur hann fara um leið Fótbolti Foden snýr aftur í herbúðir enska landsliðsins Fótbolti Reyndi að komast á Ólympíuleikana en greindist svo með þrjú óskurðtæk æxli í heila Sport LeBron stoltur af syninum: „Arfleið!“ Körfubolti „Gaf okkur svar í dag og vonandi fæ ég svar áfram“ Íslenski boltinn Fleiri fréttir Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Rakel tekur við Fram og landsliðsþjálfarinn aðstoðar Íslensku stelpurnar hófu HM á sigri Sjáðu ótrúlegt kynningarmyndband Viktors Gísla Viktor Gísli til pólsku meistaranna Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Sjá meira
Íslenska landsliðið í handbolta er í erfiðri stöðu í milliriðli 1 á HM 2019 í handbolta eftir 24-19 tap gegn gestgjöfum Þjóðverja í LANXESS-höllinni í Köln í kvöld. Með tapinu er möguleikinn á sjöunda sætinu nánast enginn en menn verða að lifa í voninni. Eftir góða byrjun á leiknum fór allt í baklás í sóknarleiknum, sérstaklega þegar að Aron Pálmarsson gat ekki mætt í seinni hálfleikinn vegna meiðsla. Treysta þurfti þá á ungu mennina enn meira og þeir fengu heldur betur að kynnast stóra sviðinu og lauginni djúpu. Íslenska liðið skoraði aðeins níu mörk í seinni hálfleik og var í fyrsta sinn í mótinu undir í löglegum stöðvunum. Þýska vörnin var frábær með úlfinn Andreas í stuði fyrir aftan og það reyndist okkar mönnum um megn. Framhaldið verður erfitt, sérstaklega þegar að tveir bestu menn liðsins, Aron Pálmarsson og Arnór Þór Gunnarsson, eru tæpir vegna meiðsla en Arnór meiddist líka í leiknum. Þeir fá ekki mikinn tíma til að jafna sig því leikið verður á móti Frakklandi eftir tæpan sólarhring.Gísli Þorgeir fór með nokkur dauðafæri.vísir/EpaHættu ekki að reyna Gísli Þorgeir Kristjánsson stýrði sóknarleiknum allan tímann. Hann er kominn fram fyrir Elvar í goggunarröðina í sóknarleiknum en Elvar er nú orðinn nær aðallega varnarmaður og skiptir Guðmundur tveimur í vörn og sókn í byrjun leikja. Gísli fékk nær enga hvíld eftir að Aron þurfti frá að hverfa vegna meiðsla og dagurinn á skrifstofunni hjá Hafnfirðingnum unga var erfiður. Hann fór með þrjú dauðafæri og tapaði fjórum boltum og var í heildina með 25 prósent skotnýtingu. Hann hætti samt aldrei að reyna og það hefur svolítið verið kennimerki þessa liðs á mótinu. Sóknarleikurinn hefur stundum verið ansi stirðbusalegur eins og í kvöld en menn hætta ekki að þora þó í harðbakkann slái. Elvar Örn átti líka mjög erfitt uppdráttar í sóknarleiknum sem og Teitur Örn og Ómar en þýska vörnin lét okkar menn stundum líta út eins og byrjendur þegar að þeir neyddust til að stinga niður fyrir innan punktalínu og skima í kringum sig eftir næstu sendingu.Þjóðverjarnir voru erfiðir.vísir/EpaÞýska stálið Það verður ekkert tekið af þýska liðinu sem spilaði frábærlega í kvöld. Þessi þýski múr er alveg magnaður þegar að hann kemst í gang og stemningin og hjartað í liðinu minnir á íslenska liðið á góðum degi. Þýskaland vann sannfærandi og sanngjarnt. Svo einfalt er það. Þeir voru svo góðir í vörninni að í fyrsta sinn litu stórmótanýliðar íslenska liðsins út eins og nýliðar. Hingað til hafa þeir átt langar og góðar rispur í öllum leikjunum á móti bestu þjóðunum en í seinni hálfleik gleymdu krakkarnir okkar kútunum áður en þeir stungu sér í djúpu laugina. Varnarleikurinn var í heildina til fyrirmyndar en krafturinn og kílóin í þýska liðinu reyndist okkar mönnum um megn. Það gerðist nokkrum sinnum að þýsku leikmennirnir óðu bara í gegnum hjarta varnarinnar og drógu hálft liðið með sér er þeir skoruðu framhjá Björgvin sem spilaði fínan leik í markinu. Þegar að talað er um reynslubanka þá var stór innistæða lögð inn á sparnaðarreikning margra í liðinu í kvöld en án Arons Pálmarssonar átti Ísland ekki möguleika í seinni hálfleik. Enn og aftur voru það svo eldri mennirnir sem drógu vagninn í sóknarleiknum en Arnór, Aron og Ólafur Guðmundsson skoraði tólf af 19 mörkum íslenska liðsins.Paul Drux keyrir í gegn.vísir/EpaOg hvað nú? Frakkar sýndu í kvöld að þeir eru líklegir til að vinna mótið þegar að þeir gengu sannfærandi frá Spáni. Breiddin er miklu meiri hjá franska liðinu en það kallaði inn Melvyn nokkurn Richardsson fyrir milliriðlana, son Jackson Richardsson. Hann mætti í seinni hálfleikinn á móti Evrópumeisturum Spánar og skoraði fjögur mörk án þess að hafa mikið fyrir því. Franski varnarmúrinn eru engu síðri en sá þýski þannig það verður önnur prófraun fyrir Ísland á morgun í sóknarleiknum sem verður að lagast. Menn verða allavega að fara betur með færin því auðvelt er að telja upp fimm dauðafæri með vítaköstum sem fóru forgörðum í kvöld og það er alltof dýrt á móti svona liði. Nokkrum sinnum í seinni hálfleik fékk Ísland tækifæri til að minnka muninn í eitt og tvö mörk og aðeins slá þögn á háværa höllina en þá féllu hlutirnir með þeim þýsku. Stemningin í Köln í kvöld var ólýsanleg og ekkert grín fyrir unga menn að spila í svona umhverfi. Ef marka má leikina gegn Króatíu, Spáni og Þýskalandi er Ísland á þeim stað sem flestir bjuggust við; aðeins á eftir þessum þjóðum. Það verður því við ramman reip að draga á morgun á móti Frakklandi en Brasilía bíður svo handan hornsins á miðvikudaginn.
HM 2019 í Þýskalandi og Danmörku Tengdar fréttir Topparnir í tölfræðinni á móti Þjóðverjum: Þýska vörnin með yfirburði í tölfræðinni Þýska vörnin kom mjög vel út úr allri tölfræði í fimm marka sigri á Íslandi í fyrsta leik liðanna í milliriðli á HM í handbolta 2019. 19. janúar 2019 21:29 Guðmundur: Stórkostleg og hetjuleg barátta Guðmundur Guðmundsson hrósaði ungu landsliði Íslands í hástert fyrir frammistöðuna gegn Þýskalandi á HM í handbolta í kvöld. 19. janúar 2019 21:34 Björgvin: Erum sárir en getum samt labbað stoltir af velli Björgvin Páll Gústavsson var stoltur af ungu íslensku liði í kvöld. 19. janúar 2019 21:31 Mest lesið Kæra fólskulegt brot í Kaplakrika: „Einbeittur brotavilji“ Íslenski boltinn Þýskur sigur í meistaramóti ökumanna Formúla 1 Bjór kastað í fjölskyldur leikmanna enska landsliðsins Fótbolti Þjarmað að Verstappen á blaðamannafundi Formúla 1 James feðgarnir sameinast í liði Los Angeles Lakers Körfubolti Real Madrid kaupir leikmann en lætur hann fara um leið Fótbolti Foden snýr aftur í herbúðir enska landsliðsins Fótbolti Reyndi að komast á Ólympíuleikana en greindist svo með þrjú óskurðtæk æxli í heila Sport LeBron stoltur af syninum: „Arfleið!“ Körfubolti „Gaf okkur svar í dag og vonandi fæ ég svar áfram“ Íslenski boltinn Fleiri fréttir Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Rakel tekur við Fram og landsliðsþjálfarinn aðstoðar Íslensku stelpurnar hófu HM á sigri Sjáðu ótrúlegt kynningarmyndband Viktors Gísla Viktor Gísli til pólsku meistaranna Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Sjá meira
Topparnir í tölfræðinni á móti Þjóðverjum: Þýska vörnin með yfirburði í tölfræðinni Þýska vörnin kom mjög vel út úr allri tölfræði í fimm marka sigri á Íslandi í fyrsta leik liðanna í milliriðli á HM í handbolta 2019. 19. janúar 2019 21:29
Guðmundur: Stórkostleg og hetjuleg barátta Guðmundur Guðmundsson hrósaði ungu landsliði Íslands í hástert fyrir frammistöðuna gegn Þýskalandi á HM í handbolta í kvöld. 19. janúar 2019 21:34
Björgvin: Erum sárir en getum samt labbað stoltir af velli Björgvin Páll Gústavsson var stoltur af ungu íslensku liði í kvöld. 19. janúar 2019 21:31
Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“