Elvar Örn bestur af nýliðunum á HM

Elvar Örn Jónsson, leikmaður Selfoss í Olís-deild karla, er með hæstu einkunn á HB Statz af þeim leikmönnum sem eru að spila á sínu fyrsta stórmóti á HM 2019.

HB Statz er búið að vera með lifandi tölfræði frá öllum leikjum Íslands á mótinu og halda utan um alla tölfræðiþætti en leikmenn fá svo einkunn miðað við það sem þeir gera, gott og slæmt, í hverjum leik.

Þrátt fyrir að spila ekki síðasta leik eru Arnór Þór Gunnarsson og Aron Pálmarsson í efstu tveimur sætunum en Arnór Þór var með 7,12 í meðaleinkunn fyrir fyrstu sex leikina og Aron Pálmarsson 7,06.

Einkunnir leikmanna taka mið af mörkum, skotnýtingu, sköpuðum færum, stoðsendingum, vítaköstum fiskuðum og fengin á sig, töpuðum boltum, löglegum stöðvunum, vörðum skotum, stolnum boltum fráköstum og refsingum.

Elvar Örn er ekki bara efstur stórmótanýliðanna heldur er hann í þriðja sæti í einkunnagjöf landsliðsins í heild sinni með 6,46 í einkunn. Næsti nýliði er Sigvaldi Guðjónsson sem er í 8. sæti með 5,37 í einkunn.

Elvar Örn hefur látið minna fyrir sér fara í sóknarleiknum á seinni stigum mótsins en Selfyssingurinn er búinn að spla frábærlega í vörn þar sem að hann er efstur í löglegum stöðunum með 5,7 að meðaltali í leik.

Gísli Þorgeir Kristjánsson er þriðji af nýliðunum í ellefta sæti í einkunnum HB Statz með 5,60 og Teitur Örn Einarsson kemur þar næstur með 5,43.

Þeir raða sér svo í þrjú neðstu sætin markvörðurinn Ágúst Elí Björgvinsson (5,30), Ýmir Örn Gíslason (5,23) og Daníel Þór Ingason (5,19).

Fimm efstu í helstu tölfræðiþáttum HB Statz:

Fimm hæstu einkunnir Íslands:

Arnór Þór Gunnarsson 7,12

Aron Pálmarsson 7,06

Elvar Örn Jónsson 6,46

Björgvin Páll Gústavsson 6,40

Ólafur Guðmundsson 6,36

Fimm hæstu í markaskorun:

Arnór Þór Gunnarsson 6,2 mörk að meðaltali í leik

Aron Pálmarsson 3,7

Ólafur Guðmundsson 2,9

Elvar Örn Jónsson 2,7

Bjarki Már Elísson 2,3

Fimm hæstu í skotnýtingu (5 mörk eða fleiri):

Arnór Þór Gunnarsson 82,2%

Bjarki Már Elísson 72,7%

Sigvaldi Guðjónsson 70,6&

Stefán Rafn Sigurmannsson 68,8&

Arnar Freyr Arnarsson 66,7%

Fimm hæstu í stoðsendingum:

Aron Pálmarsson 3,5 að meðaltali í leik

Elvar Örn Jónsson 1,6

Ómar Ingi Magnússon 1,4

Gísli Þorgeir Kristjánsson 1,4

Ólafur Guðmundsson 1

Fimm hæstu í löglegum stöðvunum:

Elvar Örn Jónsson 5,7

Ólafur Gústafsson 4,9

Arnar Freyr Arnarsson 4,1

Ólafur Guðmundsson 3,3

Daníel Þór Ingason 2,1