Rafmagnsleysi í Reykjanesbæ

Rafmagn fór af í Innri-Njarðvík, Vogum og á Fitjum laust fyrir klukkan fimm í dag. Ekki er vitað hvað olli rafmagnsleysinu en starfsmenn HS Veitna eru á staðnum að leita að bilun.

Á vef Landsnets segir: „Spennir 1 og 2 í tengivirkinu Fitjum leysir út. Verið er að skoða hvað olli útleysingu en útleysing varð á búnaði HS Veitna.“

Uppfært kl. 17:43: Búið er að koma rafmagni aftur á en starfsmenn HS Veitna vinna enn að því að finna orsökina fyrir rafmagnsleysinu.