Sjáðu mörkin sem tryggðu Liverpool Evrópumeistaratitilinn

Liverpool vann 0-2 sigur á Tottenham í úrslitaleik Meistaradeildar Evrópu í Madríd í kvöld.



Þetta er í sjötta sinn sem Liverpool verður Evrópumeistari. Þetta er jafnframt fyrsti titilinn sem Rauði herinn vinnur undir stjórn Jürgens Klopp.

Mohamed Salah kom Liverpool yfir strax á 2. mínútu þegar hann skoraði úr vítaspyrnu sem dæmd var á Moussa Sissoko sem handlék boltann innan vítateigs.

Þegar þrjár mínútur voru til leiksloka gulltryggði Divock Origi sigur Liverpool með skoti í fjærhornið. Lokatölur 0-2, Liverpool í vil.

Mörkin úr leiknum má sjá hér fyrir neðan.