Haukur fer ekki með á HM

Selfyssingarnir Haukur Þrastarson og Teitur Örn Einarsson verða ekki með íslenska U-21 árs landsliðinu á HM í handbolta á Spáni sem fer fram dagana 16.-28. júlí.

Haukur og Teitur gáfu ekki kost á sér á HM líkt og ÍR-ingarnir Sveinn Andri Sveinsson og Arnar Freyr Guðmundsson.

Haukur og Teitur hafa verið í A-landsliðinu undanfarna mánuði og léku m.a. með því á HM í Danmörku og Þýskalandi í janúar.

Viktor Gísli Hallgrímsson, sem hefur verið í A-landsliðinu í síðustu leikjum þess, er hins vegar í HM-hópnum hjá U-21 árs liðinu.

Sveinn Jóhannsson, leikmaður SønderjyskE, og FH-ingurinn Birgir Már Birgisson eru meiddir og fara ekki með á HM.

Ísland er í riðli með Þýskalandi, Noregi, Danmörku, Argentínu og Síle. Fjögur efstu liðin fara áfram í 16-liða úrslit.

Íslenski hópurinn:

Markverðir:

Andri Sigmarsson Scheving, Haukar

Viktor Gísli Hallgrímsson, GOG

Aðrir leikmenn:

Ásgeir Snær Vignisson, Valur

Bjarni Ófeigur Valdimarsson, FH

Daníel Örn Griffin, KA

Darri Aronsson, Haukar

Elliði Snær Viðarsson, ÍBV

Gabríel Martinez Róbertsson, ÍBV

Hafþór Már Vignisson, ÍR

Hannes Grimm, Stjarnan

Jakob Martin Ásgeirsson, FH

Kristófer Andri Daðason, HK

Orri Freyr Þorkelsson, Haukar

Sigþór Gunnar Jónsson, KA

Sveinn José Rivera, Valur

Örn Vésteinsson Östenberg, Amo Handboll

Þjálfari: Einar Andri Einarsson

Aðstoðarþjálfari: Sigursteinn Arndal

Liðsstjóri: Hrannar Guðmundsson

Fararstjóri: Stefán Þór Sigtryggsson

Sjúkraþjálfari: Stefán Baldvin Stefánsson