Fánarnir vöktu mikla athygli í gær og lýstu margir yfir ánægju með framtak stofnana og fyrirtækja í Borgartúninu, sem flögguðu mörg regnbogafánum hinseginfólks.
Afstaða Mike Pence til hinsegin fólks er nokkuð skýr. Hann hefur lýst sig andsnúinn hjónaböndum samkynhneigðra, gagnrýnt löggjöf sem vernda á hinsegin fólk fyrir hatursglæpum og fengið transfólk rekið úr bandaríska hernum með breyttum reglum.
Sjá einnig: Regnbogafánar í rigningu við Höfða
Hugbúnaðarfyrirtækið Advania reið á vaðið í gær og vísar breska dagblaðið Guardian m.a. í Ægi Má Þórisson forstjóra fyrirtækisins í umfjöllun sinni. Ægir sagði í samtali við Vísi í gær að markmiðið með fánunum væri að sýna stuðning fyrirtækisins við réttindabaráttu hinseginfólks „alla daga, ekki bara suma daga.“
Þá eru regnbogafánar stéttarfélagsins Eflingar einnig nefndir í frétt Guardian. Umfjöllunin hefur greinilega vakið mikla athygli en þegar þetta er ritað situr hún í fyrsta sæti yfir mest lesnu fréttir dagsins á vef dagblaðsins. Sömuleiðis eru marglitaðar kveðjur Íslendinga til Pence teknar til umfjöllunar á vef bandaríska vefmiðilsins The Hill og á vef Huffington Post.
Miðlarnir taka einnig regnbogalituð armbönd forsetahjónanna Guðna Th. Jóhannessonar og Elizu Reid til umfjöllunar. Í frétt Guardian er vísað í tíst Justins Sink, blaðamanns hjá Bloomberg sem virðist fylgja Pence á ferðalagi sínu.
Þar birtir Sink skjáskot af Facebook-færslu stjórnmálafræðingsins Baldurs Þórhallssonar, sem vakti athygli á regnbogaarmböndum Guðna og setti í samhengi við samstöðu hans með réttindabaráttu hinseginfólks. Sink, sem og erlendir fjölmiðlar, hafa túlkað armböndin sem skilaboð til Pence.
also, Iceland's President Jóhannesson wore a rainbow bracelet (as he did while meeting with Putin) during photo op with Pence today pic.twitter.com/kCAUzUiafo
— Justin Sink (@justinsink) September 4, 2019
Regnbogafánar Íslendinga við komu Pence hafa einnig vakið mikla athygli á samfélagsmiðlum. Áðurnefndur Sink tísti í gær mynd sem hann tók af regnbogafánum Advania við Höfða. Þúsundir Twitter-notenda hafa nú líkað við myndir hans og Jill Colvin, blaðamanns AP-fréttaveitunnar, af fánunum við Höfða. Tístin má sjá hér að neðan.
so at his stop at Höfði (house where Reagan-Gorbachev summit in Reykjavík occurred), @vp was met by this not-so-subtle display and then the mayor said he grieved the loss of the INF treaty that emerged from the summit but was recently withdrawn from by the trump administration pic.twitter.com/89P8nQmupc
— Justin Sink (@justinsink) September 4, 2019
Iceland welcomed Pence in the best way, with rainbow flags. Awesome. pic.twitter.com/WETsgQ7zD0
— Scott Dworkin (@funder) September 5, 2019
Rainbow flags on display outside the Höfði House, where Vice President Mike Pence is holding meetings this afternoon in Iceland. It's the site of the famous summit between Reagan and Gorbachev. pic.twitter.com/Vz5MehOObi
— Jill Colvin (@colvinj) September 4, 2019
„Það var frábært að vera á Íslandi í gær til að staðfesta sterkt og mikilvægt samband þjóðanna okkar tveggja!“ skrifaði Pence við myndbandið.
Færsluna og myndbandið, sem státar af nokkuð dramatísku undirspili, má sjá hér að neðan.