CIA kom mikilvægum njósnara undan eftir fund Trump með Rússum Kjartan Kjartansson skrifar 10. september 2019 13:07 Bandaríska leyniþjónustan var slegin eftir að Trump forseti deildi leynilegum upplýsingum með Lavrov, utanríkisráðherra Rússlands, (t.v.) og Kislyak, sendiherra, í Hvíta húsinu í maí árið 2017. Vísir/AFP Bandaríka leyniþjónustan CIA tók ákvörðun um reyna að koma háttsettum rússneskum embættismanni sem hafði njósnað fyrir hana frá Rússlandi af ótta við að bandarískir embættismenn gætu ljóstrað upp um hann. Ákvörðunin var tekin í kjölfar fundar Donalds Trump forseta með rússneskum embættismönnum þar sem hann deildi óvænt leynilegum upplýsingum árið 2017. Rússneski embættismaðurinn hafði veitt CIA upplýsingar um árabil og hafði smátt og smátt fikrað sig upp metorðastigann í Kreml. Undir það síðasta var njósnarinn orðinn háttsettur embættismaður sem kom að stjórnarákvörðunum. New York Times segir að þó að hann hafi ekki verið í innsta hring Vladímírs Pútín forseta hafi hann hitt forsetann reglulega. Hann hafi jafnvel getað séð CIA fyrir myndum af skjölum á skrifborði Pútín. Þegar herferð rússneskra stjórnvalda til að hafa áhrif á forsetakosningarnar í Bandaríkjunum stóð yfir árið 2016 er njósnarinn sagður hafa verið ein mikilvægasta heimild bandarísku leyniþjónustunnar um að markmið þeirra hafi verið að hjálpa Trump að vinna sigur og að Pútín sjálfur hafi gefið skipun um það.Deildi leynilegum upplýsingum með rússneskum embættismönnumCNN-fréttastöðin og New York Times greina frá því að CIA-menn hafi komið njósnaranum til Bandaríkjanna árið 2017. Heimildarmönnum þeirra innan ríkisstjórnar Trump sem eru sagðir hafa beinar upplýsingar um málið ber þó ekki að öllu leyti saman um aðdraganda þess. New York Times segir að CIA-menn hafi byrjað að ókyrrast um öryggi njósnarans eftir að leyniþjónustustofnanirnar greindu frá tilraunum Rússa til að hafa áhrif á kosningarnar síðla árs 2016. Í kjölfarið hafi fjölmiðlar byrjað að grennslast fyrir um heimildarmann CIA innan veggja Kremlar. Því hafi sú ákvörðun verið tekin seint á árinu 2016 að bjóða njósnaranum að honum yrði komið til Bandaríkjanna. CNN hefur eftir sínum heimildarmönnum innan stjórnar Trump að sú ákvörðun hafi að hluta til verið tekin vegna áhyggna af því að Trump og ríkisstjórn hans hefði þá ítrekað farið ógætilega með leynilegar upplýsingar og gætu átt þátt í að ljóstra upp um hver njósnarinn væri. Þannig hafi ákvörðunin um að sækja njósnarann til Rússlands verið tekin skömmu eftir að Trump hitti Sergei Lavrov, utanríkisráðherra Rússlands, og Sergei Kislyak, þáverandi sendiherra Rússa í Washington, í maí árið 2017. Þar deildi Trump með þeim njósnum sem Ísraelar höfðu um Ríki íslams í Sýrlandi, ráðgjöfum sínum og leyniþjónustunni til undrunar og skelfingar. New York Times hefur aftur á móti eftir fyrrverandi leyniþjónustumönnum að engar opinberar upplýsingar bendi til þess að Trump forseti hafi sett njósnarann beint í hættu. Aðrir heimildarmenn blaðsins innan bandaríska stjórnkerfisins ítreka enn fremur að áhugi fjölmiðla á njósnaranum hafi verið meginástæðan fyrir að ákveðið var að forða honum frá Rússlandi. Talsmaður CIA segir blaðinu jafnframt að það séu „misráðnar vangaveltur“ að tengja ógát Trump forseta í leyniþjónustumálum við ákvörðunina um að koma njósnaranum undan.Njósnarinn er meðal annars sagður hafa upplýst um að Pútín hafi sjálfur gefið skipun um innbrot í tölvukerfi landsnefndar Demókrataflokksins í aðdraganda forsetakosninganna í Bandaríkjunum.Vísir/EPATalinn í lífshættu í Bandaríkjunum Upplýsingarnar sem rússneski njósnarinn lét bandarísku leyniþjónustunni í té eru sagðar hafa verið svo viðkvæmar að hún hafi róið öllum árum að því að halda leynd yfir honum. John Brennan, þáverandi forstjóri CIA, er þannig sagður hafa haldið upplýsingum njósnarans frá daglegum upplýsingafundum leyniþjónustunnar með Barack Obama, þáverandi forseta árið 2016. Þess í stað hafi Brennan sent sérstakar skýrslur sem byggðu á þeim í innsigluðum bréfum sem hann sendi forsetanum. Vegna þess hversu eldfimar upplýsingar njósnarans um kosningaafskipti Rússa voru hafi yfirmenn CIA jafnframt látið fara fram ítarlega endurskoðun á upplýsingum sem njósnarinn hafði veitt leyniþjónustunni í gengum tíðina til að tryggja að þær hefðu reynst réttar og að hann væri ekki í reynd gagnnjósnari. Áhyggjur af því að njósnarinn væri í reynd gagnnjósnari eru einnig sagðar hafa vaknað þegar hann hafnaði því í fyrstu að vera fluttur til Bandaríkjanna. Þegar CIA bauð honum í annað sinn að koma honum undan þáði hann boðið sem linaði áhyggjur leyniþjónustunnar. Njósnarinn er nú á óuppgefnum stað í Bandaríkjunum. Embættismenn segja að hann geti verið í lífshættu og vísa meðal annars til banatilræðis rússneskra stjórnvalda við Sergei Skrípal, fyrrverandi njósnara, og dóttur hans í bænum Salisbury á Englandi í fyrra. Ákvörðunin um að forða njósnaranum frá Rússlandi þýddi að bandaríska leyniþjónustan hafði úr færri upplýsingum að moða um áframhaldandi afskipti Rússa af kosningum í Bandaríkjunum þegar þingkosningarnar fóru fram síðasta haust. Bandaríkin Donald Trump Rússland Tengdar fréttir Trump ver rétt sinn til að deila upplýsingum með Rússum Upplýsingarnar eru sagðar snúa að fartölvubanni í flugvélum og er hann sagður hafa mögulega sett heimildarmann bandamanns Bandaríkjanna í mikla hættu. 16. maí 2017 11:45 Trump sagður hafa greint utanríkisráðherra Rússlands frá trúnaðarupplýsingum Donald Trump, forseti Bandaríkjanna, er sagður hafa greint Sergei Lavror, utanríkisráðherra Rússlands, frá trúnaðarupplýsingum er varða Íslamska ríkið á fundi þeirra í Hvíta húsinu í síðustu viku. 15. maí 2017 23:59 Neitar að hafa rætt um Comey við Trump Donald Trump er sagður hafa kallað James Comey, fyrrverandi forstjóra FBI, „klikkhaus“ á fundi með Sergej Lavrov, utanríkisráðherra Rússlands, í síðustu viku. Lavrov neitar því hins vegar að þeir hafi rætt um Comey. 20. maí 2017 17:36 Reiðir Rússum fyrir myndbirtingu Starfsmenn Trump telja Rússa hafa spilað með sig. 11. maí 2017 22:55 Mest lesið Endurvekur ferðabannið Erlent Segir ljóst að Víðir hafi brotið stjórnsýslureglur: „Það er verið að kaupa sér vinsældir“ Innlent Krefst fimm prósenta til varnarmála: „Allir þurfa að leggja hönd á plóg“ Erlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Réttað yfir sakhæfum Ym fyrir luktum dyrum Innlent Ríkið keypti nýjan sendiherrabústað á 750 milljónir Innlent Öryggismál að eiga reiðufé heima fyrir „ef í harðbakkann slær“ Innlent Felldu tillögu um að olíusjóðurinn sniðgengi fyrirtæki á hernumdu svæðunum Erlent Inga endurvekur 25 metra regluna Innlent Fleiri fréttir Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Leggur fram vantrauststillögu á eigin ríkisstjórn Parks & Rec leikari skotinn af nágranna sínum Frakklandsforseti heimsækir Grænland Wilders slítur ríkisstjórnarsamstarfinu Með sömu óásættanlegu kröfurnar Saka Ísraelsher aftur um að hafa skotið á hóp sem beið eftir hjálpargögnum Skipulagði árásina í Colorado í heilt ár Skyndikosningar framundan í Suður-Kóreu Engin tímamótaskref tekin á fundi Rússa og Úkraínumanna Nýkjörinn forseti Póllands: Trúrækinn sagnfræðingur og fyrrverandi hnefaleikakappi Sérfræðingar ESB gagnrýna áform þess um að útvatna loftslagsmarkmið Niðurstaðan setji áform ríkisstjórnarinnar í uppnám Skjöl staðfesta að Tice var í haldi Assad-liða Sjá meira
Bandaríka leyniþjónustan CIA tók ákvörðun um reyna að koma háttsettum rússneskum embættismanni sem hafði njósnað fyrir hana frá Rússlandi af ótta við að bandarískir embættismenn gætu ljóstrað upp um hann. Ákvörðunin var tekin í kjölfar fundar Donalds Trump forseta með rússneskum embættismönnum þar sem hann deildi óvænt leynilegum upplýsingum árið 2017. Rússneski embættismaðurinn hafði veitt CIA upplýsingar um árabil og hafði smátt og smátt fikrað sig upp metorðastigann í Kreml. Undir það síðasta var njósnarinn orðinn háttsettur embættismaður sem kom að stjórnarákvörðunum. New York Times segir að þó að hann hafi ekki verið í innsta hring Vladímírs Pútín forseta hafi hann hitt forsetann reglulega. Hann hafi jafnvel getað séð CIA fyrir myndum af skjölum á skrifborði Pútín. Þegar herferð rússneskra stjórnvalda til að hafa áhrif á forsetakosningarnar í Bandaríkjunum stóð yfir árið 2016 er njósnarinn sagður hafa verið ein mikilvægasta heimild bandarísku leyniþjónustunnar um að markmið þeirra hafi verið að hjálpa Trump að vinna sigur og að Pútín sjálfur hafi gefið skipun um það.Deildi leynilegum upplýsingum með rússneskum embættismönnumCNN-fréttastöðin og New York Times greina frá því að CIA-menn hafi komið njósnaranum til Bandaríkjanna árið 2017. Heimildarmönnum þeirra innan ríkisstjórnar Trump sem eru sagðir hafa beinar upplýsingar um málið ber þó ekki að öllu leyti saman um aðdraganda þess. New York Times segir að CIA-menn hafi byrjað að ókyrrast um öryggi njósnarans eftir að leyniþjónustustofnanirnar greindu frá tilraunum Rússa til að hafa áhrif á kosningarnar síðla árs 2016. Í kjölfarið hafi fjölmiðlar byrjað að grennslast fyrir um heimildarmann CIA innan veggja Kremlar. Því hafi sú ákvörðun verið tekin seint á árinu 2016 að bjóða njósnaranum að honum yrði komið til Bandaríkjanna. CNN hefur eftir sínum heimildarmönnum innan stjórnar Trump að sú ákvörðun hafi að hluta til verið tekin vegna áhyggna af því að Trump og ríkisstjórn hans hefði þá ítrekað farið ógætilega með leynilegar upplýsingar og gætu átt þátt í að ljóstra upp um hver njósnarinn væri. Þannig hafi ákvörðunin um að sækja njósnarann til Rússlands verið tekin skömmu eftir að Trump hitti Sergei Lavrov, utanríkisráðherra Rússlands, og Sergei Kislyak, þáverandi sendiherra Rússa í Washington, í maí árið 2017. Þar deildi Trump með þeim njósnum sem Ísraelar höfðu um Ríki íslams í Sýrlandi, ráðgjöfum sínum og leyniþjónustunni til undrunar og skelfingar. New York Times hefur aftur á móti eftir fyrrverandi leyniþjónustumönnum að engar opinberar upplýsingar bendi til þess að Trump forseti hafi sett njósnarann beint í hættu. Aðrir heimildarmenn blaðsins innan bandaríska stjórnkerfisins ítreka enn fremur að áhugi fjölmiðla á njósnaranum hafi verið meginástæðan fyrir að ákveðið var að forða honum frá Rússlandi. Talsmaður CIA segir blaðinu jafnframt að það séu „misráðnar vangaveltur“ að tengja ógát Trump forseta í leyniþjónustumálum við ákvörðunina um að koma njósnaranum undan.Njósnarinn er meðal annars sagður hafa upplýst um að Pútín hafi sjálfur gefið skipun um innbrot í tölvukerfi landsnefndar Demókrataflokksins í aðdraganda forsetakosninganna í Bandaríkjunum.Vísir/EPATalinn í lífshættu í Bandaríkjunum Upplýsingarnar sem rússneski njósnarinn lét bandarísku leyniþjónustunni í té eru sagðar hafa verið svo viðkvæmar að hún hafi róið öllum árum að því að halda leynd yfir honum. John Brennan, þáverandi forstjóri CIA, er þannig sagður hafa haldið upplýsingum njósnarans frá daglegum upplýsingafundum leyniþjónustunnar með Barack Obama, þáverandi forseta árið 2016. Þess í stað hafi Brennan sent sérstakar skýrslur sem byggðu á þeim í innsigluðum bréfum sem hann sendi forsetanum. Vegna þess hversu eldfimar upplýsingar njósnarans um kosningaafskipti Rússa voru hafi yfirmenn CIA jafnframt látið fara fram ítarlega endurskoðun á upplýsingum sem njósnarinn hafði veitt leyniþjónustunni í gengum tíðina til að tryggja að þær hefðu reynst réttar og að hann væri ekki í reynd gagnnjósnari. Áhyggjur af því að njósnarinn væri í reynd gagnnjósnari eru einnig sagðar hafa vaknað þegar hann hafnaði því í fyrstu að vera fluttur til Bandaríkjanna. Þegar CIA bauð honum í annað sinn að koma honum undan þáði hann boðið sem linaði áhyggjur leyniþjónustunnar. Njósnarinn er nú á óuppgefnum stað í Bandaríkjunum. Embættismenn segja að hann geti verið í lífshættu og vísa meðal annars til banatilræðis rússneskra stjórnvalda við Sergei Skrípal, fyrrverandi njósnara, og dóttur hans í bænum Salisbury á Englandi í fyrra. Ákvörðunin um að forða njósnaranum frá Rússlandi þýddi að bandaríska leyniþjónustan hafði úr færri upplýsingum að moða um áframhaldandi afskipti Rússa af kosningum í Bandaríkjunum þegar þingkosningarnar fóru fram síðasta haust.
Bandaríkin Donald Trump Rússland Tengdar fréttir Trump ver rétt sinn til að deila upplýsingum með Rússum Upplýsingarnar eru sagðar snúa að fartölvubanni í flugvélum og er hann sagður hafa mögulega sett heimildarmann bandamanns Bandaríkjanna í mikla hættu. 16. maí 2017 11:45 Trump sagður hafa greint utanríkisráðherra Rússlands frá trúnaðarupplýsingum Donald Trump, forseti Bandaríkjanna, er sagður hafa greint Sergei Lavror, utanríkisráðherra Rússlands, frá trúnaðarupplýsingum er varða Íslamska ríkið á fundi þeirra í Hvíta húsinu í síðustu viku. 15. maí 2017 23:59 Neitar að hafa rætt um Comey við Trump Donald Trump er sagður hafa kallað James Comey, fyrrverandi forstjóra FBI, „klikkhaus“ á fundi með Sergej Lavrov, utanríkisráðherra Rússlands, í síðustu viku. Lavrov neitar því hins vegar að þeir hafi rætt um Comey. 20. maí 2017 17:36 Reiðir Rússum fyrir myndbirtingu Starfsmenn Trump telja Rússa hafa spilað með sig. 11. maí 2017 22:55 Mest lesið Endurvekur ferðabannið Erlent Segir ljóst að Víðir hafi brotið stjórnsýslureglur: „Það er verið að kaupa sér vinsældir“ Innlent Krefst fimm prósenta til varnarmála: „Allir þurfa að leggja hönd á plóg“ Erlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Réttað yfir sakhæfum Ym fyrir luktum dyrum Innlent Ríkið keypti nýjan sendiherrabústað á 750 milljónir Innlent Öryggismál að eiga reiðufé heima fyrir „ef í harðbakkann slær“ Innlent Felldu tillögu um að olíusjóðurinn sniðgengi fyrirtæki á hernumdu svæðunum Erlent Inga endurvekur 25 metra regluna Innlent Fleiri fréttir Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Leggur fram vantrauststillögu á eigin ríkisstjórn Parks & Rec leikari skotinn af nágranna sínum Frakklandsforseti heimsækir Grænland Wilders slítur ríkisstjórnarsamstarfinu Með sömu óásættanlegu kröfurnar Saka Ísraelsher aftur um að hafa skotið á hóp sem beið eftir hjálpargögnum Skipulagði árásina í Colorado í heilt ár Skyndikosningar framundan í Suður-Kóreu Engin tímamótaskref tekin á fundi Rússa og Úkraínumanna Nýkjörinn forseti Póllands: Trúrækinn sagnfræðingur og fyrrverandi hnefaleikakappi Sérfræðingar ESB gagnrýna áform þess um að útvatna loftslagsmarkmið Niðurstaðan setji áform ríkisstjórnarinnar í uppnám Skjöl staðfesta að Tice var í haldi Assad-liða Sjá meira
Trump ver rétt sinn til að deila upplýsingum með Rússum Upplýsingarnar eru sagðar snúa að fartölvubanni í flugvélum og er hann sagður hafa mögulega sett heimildarmann bandamanns Bandaríkjanna í mikla hættu. 16. maí 2017 11:45
Trump sagður hafa greint utanríkisráðherra Rússlands frá trúnaðarupplýsingum Donald Trump, forseti Bandaríkjanna, er sagður hafa greint Sergei Lavror, utanríkisráðherra Rússlands, frá trúnaðarupplýsingum er varða Íslamska ríkið á fundi þeirra í Hvíta húsinu í síðustu viku. 15. maí 2017 23:59
Neitar að hafa rætt um Comey við Trump Donald Trump er sagður hafa kallað James Comey, fyrrverandi forstjóra FBI, „klikkhaus“ á fundi með Sergej Lavrov, utanríkisráðherra Rússlands, í síðustu viku. Lavrov neitar því hins vegar að þeir hafi rætt um Comey. 20. maí 2017 17:36
Reiðir Rússum fyrir myndbirtingu Starfsmenn Trump telja Rússa hafa spilað með sig. 11. maí 2017 22:55