Roy Keane hraunar yfir bakvarðapar Tottenham - ,,Heimskur, heimskari“

Manchester United goðsögnin Roy Keane er þekktur fyrir að tjá skoðanir sínar á mönnum og málefnum óhikað og umbúðalaust. Það þarf því ekki að koma neinum á óvart að hann hafi slegið í gegn sem sérfræðingur í setti hjá Sky Sports sem fjallar um ensku úrvalsdeildina.

Keane var á meðal þeirra sem fjölluðu um stórleik Liverpool og Tottenham í ensku úrvalsdeildinni í dag.

Þegar hann var spurður út í getu bakvarðapars Tottenham dró hann hvergi undan en þeir Danny Rose og Serge Aurier spiluðu sem bakverðir hjá Tottenham í dag.

„Þeir eru hræðilegir. Heimskur og heimskari á við um þá tvo. Þeirra frammistaða var grín og þeir eru mjög slakir. Það er ekki hægt að bera þá saman við bakverði Liverpool,“ sagði Keane.

Just Roy Keane calling Serge Aurier and Danny Rose 'Dumb and Dumber' #THFC #LIVTOTpic.twitter.com/7hAtTOStAn

— GiveMeSport Football (@GMS__Football) October 27, 2019