Gerði athugasemd við niðurstöðu dómnefndar

Davíð Þór Björg­vins­son, dóm­ari við Lands­rétt, gerði at­huga­semd­ir vegna niður­stöðu dóm­nefnd­ar um lausa stöðu við Hæsta­rétt að því er fram kemur í Morgunblaðinu í dag.

Nefnd­in skilaði um­sögn níunda des­em­ber síðastliðinn og fyr­ir helgi gerði dóms­málaráðherra til­lögu um skip­un Ing­veld­ar Ein­ars­dótt­ur í embættið. Nefnd­in treysti sér ekki til að gera upp á milli þriggja um­sækj­enda; Davíðs Þórs, Ing­veld­ar og Sig­urðar Tóm­as­ar Magnús­son­ar.

Öll eru þau nú dóm­ar­ar við Lands­rétt en bent er á í blaðinu að ósamræmi sé með niðurstöðu nefndarinnar nú og um­sögn dóm­nefnd­ar vegna Lands­rétt­ar í maí 2017. Þá var Davíð Þór met­inn lang­hæf­ast­ur af 33 um­sækj­end­um um 15 dóm­ara­stöður við Lands­rétt og þannig hæfari en Sigurður Tómas og Ingveldur.

Í athugasemdum sínum nú mun Davíð Þór, að sögn Morgunblaðsins, hafa gert grein fyrir þeirri skoðun sinni að engar forsendur væru fyrir því að víkja á svo afgerandi hátt frá niðurstöðunni 2017.