Berfætt körfuboltastelpa skellti strák á plakat

WNBA deildin í körfubolta er stolt af afrekum körfuboltakvenna alls staðar og líka þótt að þau eigi sér bara stað við bílskúrskörfurnar.

WNBA vakti þannig athygli á troðslu ungrar körfuboltakonu á samfélagsmiðlum sínum á dögunum.

Stelpa og strákur voru að spila einn á einn á bílskúrskörfuna í hverfinu og félagi þeirra náði því á myndband á símann sinn þegar stelpan tók sig til og tróð yfir strákinn með miklum tilþrifum.

Þar með var hins vegar ekki öll sagan sögð. Menn tóku síðan eftir því að hún var berfætt en hann fullskóaður.

Eitt það besta við myndbandið var líka það hvernig hún gekk í burtu þokkalega sátt við troðsluna á meðan strákurinn stóð hálfskömmustulegur eftir.

Hér fyrir neðan má þessi tilþrif þessarar körfuboltastelpu sem hefur væntanlega sett stefnuna á það að spila í WNBA-deildinni í framtíðinni.