Sádar og Rússar deila enn Samúel Karl Ólason skrifar 4. apríl 2020 11:21 Verðstríð Sáda og Rússa hefur komið verulega niður á olíuframleiðendum í Bandaríkjunum. AP/Eli Hartman Ekki er útlit fyrir að deilu Sádi-Arabíu og Rússlands fari að ljúka. Háttsettir embættismenn í Sádi-Arabíu hafa gagnrýnt Rússa harðlega í dag og sakað embættismenn í Rússlandi um ósannindi. Þykir það til marks um að samkomulag á milli þeirra sem Donald Trump, forseti Bandaríkjanna, tilkynnti á dögunum, sé í ekki klárt og er óljóst hvort viðræður hafi átt sér stað. Sádar segja rússneska embættismenn fara með ósannindi þegar þeir segja að Sádar hafi valdið verðstríðinu og gífurlegum lækkunum á olíumörkuðum. Tvær tilkynningar voru sendar út frá yfirvöldum Sádi-Arabíu í dag. Önnur frá Faisal bin Farhan, utanríkisráðherra landsins, og ber hún titilinn: Yfirlýsingar í fjölmiðli forseta Rússlands eru alfarið rangar. Í yfirlýsingunni segir að það hafi verið Rússar sem neituðu að vinna með Samtökum olíuútflutningslanda, eða OPEC, sem Sádar svo gott sem stýra, um að draga úr framleiðslu og halda olíuverði uppi í ljósi mikils samdráttar í eftirspurn vegna heimsfaraldurs nýju kórónuveirunnar. Þegar Rússar neituðu byrjuðu Sádar að auka framleiðslu olíu með því markmiði að refsa Rússum. Síðan þá hefur olíuverð um heim allan lækkað verulega. Sjá eining: Olíuiðnaðurinn aldrei upplifað annað eins áfall og nú Farhan sagði líka að ekkert væri til í því að Sádar væru að reyna að skaða olíuframleiðendur í Bandaríkjunum. Reyna að forðast deilur við Bandaríkin Hin tilkynningin kom frá Abdulaziz bin Salman, orkumálaráðherra og einum af sonum konungsins. Hann nefndi Alexander Novak, orkumálaráðherra Rússlands, sérstaklega og sagði ummæli hans um að Sádar væru að reyna að klekja á olíuframleiðendum í Bandaríkjunum ekki rétt. Sagðist hann hissa á tilraunum Rússa til að skapa deilur á milli olíuframleiðenda í Sádi-Arabíu og í Bandaríkjunum. Í frétt AP fréttaveitunnar segir líklegt að Sádar séu með þessu að reyna að koma í veg fyrir deilur við Trump vegna slæmrar stöðu olíuvinnslu í Bandaríkjunum. Dýr framleiðsla í Bandaríkjunum Olíuvinnsla í Bandaríkjunum er að meðaltali mun dýrari en hefðbundin olíuvinnsla. Í Bandaríkjunum er að mestu notast við Bergbrot og leirsteinavinnslu og breytti það Bandaríkjunum á einum áratug úr innflytjenda olíu í stærsta olíuframleiðanda heims. Þar að auki eru bandarísk olíufyrirtæki tiltölulega skuldsett og ekki vel í stakk búin til að takast á við tekjulækkun og þá sérstaklega ekki til langs tíma. Sjá einnig: Í verðstríði Sáda og Rússa, tapa Bandaríkin Trump sagði í tísti á fimmtudaginn að hann hefði rætt við Mohammed bin Salmann, krónprins Sádi-Arabíu, sem hefði rætt við Vladimir Pútín, forseta Rússlands, og að bæði Rússar og Sádar myndu draga töluvert úr framleiðslu. Ekkert hefur þó orðið úr því. Olíuverð hækkaði verulega í kjölfar tísts Trump en féll aftur þegar óljóst varð hvort hann hafi verið að segja satt frá. Hvorki Sádar né Rússar hafa staðfest orð Trump. Áframhaldandi deilur þeirra þykja frekari vísbendingar um að ekkert samkomulag sé til staðar. Bensín og olía Sádi-Arabía Rússland Bandaríkin Mest lesið „Frekar kvöldsvæfur heldur en morgunfúll“ Atvinnulíf Bogi og Linda kaupa af Heimum fyrir milljarða Viðskipti innlent Landsbankinn rekur lestina og lækkar vexti Viðskipti innlent Loks opnað fyrir umsóknir um hlutdeildarlán Viðskipti innlent Misbauð meðferð á hundunum og mátti hætta á námskeiði Neytendur Þótti baðherbergið ógeðslegt og fór frá Íslandi Neytendur Atvinnumissir: „Það var rosa skrýtið að lenda í þessu“ Atvinnulíf Bankarnir verði að lækka vexti jafnhratt og þeir hækkuðu Viðskipti innlent Samþykktu allt að 45 prósent toll á kínverska rafbíla Viðskipti erlent „En það hefur líka margt fallegt komið út úr þessu“ Atvinnulíf Fleiri fréttir Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
Ekki er útlit fyrir að deilu Sádi-Arabíu og Rússlands fari að ljúka. Háttsettir embættismenn í Sádi-Arabíu hafa gagnrýnt Rússa harðlega í dag og sakað embættismenn í Rússlandi um ósannindi. Þykir það til marks um að samkomulag á milli þeirra sem Donald Trump, forseti Bandaríkjanna, tilkynnti á dögunum, sé í ekki klárt og er óljóst hvort viðræður hafi átt sér stað. Sádar segja rússneska embættismenn fara með ósannindi þegar þeir segja að Sádar hafi valdið verðstríðinu og gífurlegum lækkunum á olíumörkuðum. Tvær tilkynningar voru sendar út frá yfirvöldum Sádi-Arabíu í dag. Önnur frá Faisal bin Farhan, utanríkisráðherra landsins, og ber hún titilinn: Yfirlýsingar í fjölmiðli forseta Rússlands eru alfarið rangar. Í yfirlýsingunni segir að það hafi verið Rússar sem neituðu að vinna með Samtökum olíuútflutningslanda, eða OPEC, sem Sádar svo gott sem stýra, um að draga úr framleiðslu og halda olíuverði uppi í ljósi mikils samdráttar í eftirspurn vegna heimsfaraldurs nýju kórónuveirunnar. Þegar Rússar neituðu byrjuðu Sádar að auka framleiðslu olíu með því markmiði að refsa Rússum. Síðan þá hefur olíuverð um heim allan lækkað verulega. Sjá eining: Olíuiðnaðurinn aldrei upplifað annað eins áfall og nú Farhan sagði líka að ekkert væri til í því að Sádar væru að reyna að skaða olíuframleiðendur í Bandaríkjunum. Reyna að forðast deilur við Bandaríkin Hin tilkynningin kom frá Abdulaziz bin Salman, orkumálaráðherra og einum af sonum konungsins. Hann nefndi Alexander Novak, orkumálaráðherra Rússlands, sérstaklega og sagði ummæli hans um að Sádar væru að reyna að klekja á olíuframleiðendum í Bandaríkjunum ekki rétt. Sagðist hann hissa á tilraunum Rússa til að skapa deilur á milli olíuframleiðenda í Sádi-Arabíu og í Bandaríkjunum. Í frétt AP fréttaveitunnar segir líklegt að Sádar séu með þessu að reyna að koma í veg fyrir deilur við Trump vegna slæmrar stöðu olíuvinnslu í Bandaríkjunum. Dýr framleiðsla í Bandaríkjunum Olíuvinnsla í Bandaríkjunum er að meðaltali mun dýrari en hefðbundin olíuvinnsla. Í Bandaríkjunum er að mestu notast við Bergbrot og leirsteinavinnslu og breytti það Bandaríkjunum á einum áratug úr innflytjenda olíu í stærsta olíuframleiðanda heims. Þar að auki eru bandarísk olíufyrirtæki tiltölulega skuldsett og ekki vel í stakk búin til að takast á við tekjulækkun og þá sérstaklega ekki til langs tíma. Sjá einnig: Í verðstríði Sáda og Rússa, tapa Bandaríkin Trump sagði í tísti á fimmtudaginn að hann hefði rætt við Mohammed bin Salmann, krónprins Sádi-Arabíu, sem hefði rætt við Vladimir Pútín, forseta Rússlands, og að bæði Rússar og Sádar myndu draga töluvert úr framleiðslu. Ekkert hefur þó orðið úr því. Olíuverð hækkaði verulega í kjölfar tísts Trump en féll aftur þegar óljóst varð hvort hann hafi verið að segja satt frá. Hvorki Sádar né Rússar hafa staðfest orð Trump. Áframhaldandi deilur þeirra þykja frekari vísbendingar um að ekkert samkomulag sé til staðar.
Bensín og olía Sádi-Arabía Rússland Bandaríkin Mest lesið „Frekar kvöldsvæfur heldur en morgunfúll“ Atvinnulíf Bogi og Linda kaupa af Heimum fyrir milljarða Viðskipti innlent Landsbankinn rekur lestina og lækkar vexti Viðskipti innlent Loks opnað fyrir umsóknir um hlutdeildarlán Viðskipti innlent Misbauð meðferð á hundunum og mátti hætta á námskeiði Neytendur Þótti baðherbergið ógeðslegt og fór frá Íslandi Neytendur Atvinnumissir: „Það var rosa skrýtið að lenda í þessu“ Atvinnulíf Bankarnir verði að lækka vexti jafnhratt og þeir hækkuðu Viðskipti innlent Samþykktu allt að 45 prósent toll á kínverska rafbíla Viðskipti erlent „En það hefur líka margt fallegt komið út úr þessu“ Atvinnulíf Fleiri fréttir Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira