Bein útsending: Bergur Ebbi les úr Skjáskoti

Borgarleikhúsið heldur áfram að bjóða upp á beint streymi í samkomubanninu.

Í dag mætir Bergur Ebbi til leiks og les úr bók sinni Skjáskoti. Bergur flutti í vetur fyrirlestur sem hann byggði á bókinni í Borgarleikhúsinu og er lokasýning á honum áætluð 29. júní.

Um Skjáskot

Skjáskot er magnað og upplýsandi ferðalag um mannshugann og áskoranir dagsins í dag. Man einhver eftir tvöþúsundvandanum, rotten.com eða Columbine-árásinni og skipta þessi atriði máli til að skilja nútímann? 

Hver eru tengslin milli falsfrétta og gervigreindar? Hvernig líður okkur í heimi þar sem allar skoðanir og hugsanir eru flokkaðar, fá einkunn og umsagnir? Hefur allt merkingu? Hræðist nútímafólk ekki lengur eld og tortímingu, heldur einmitt þá staðreynd að framvegis mun aldrei neitt gleymast eða eyðast?