Eldur kviknaði eftir bíl­veltu á Eyja­fjarðar­braut eystri

Tvö voru flutt til skoðunar á Sjúkrahúsið á Akureyri í kvöld eftir bílveltu á Eyjafjarðarbraut eystri við bæinn Kálfagerði. Útkallið barst lögreglu um klukkan hálfellefu í kvöld.

Sigurður Sigurðsson, aðalvarðstjóri hjá lögreglunni á Akureyri, segir að vegurinn sé malarvegur og að það sé frekar laust í honum.

Sigurður segir að fyrst eftir veltuna hafi virst sem eldur hafi komið upp í bílnum en það tókst að slökkva það strax.

Ökumaður og farþegi voru í bílnum og kenndu sér minniháttar meiðsla að því er talið var en voru þó fluttir til skoðunar á sjúkrahús.