Ný og endurbætt vörulína frá innocent

innocent hefur sett á markað endurbætta línu af smoothies. Þeir eru litríkari og næringarríkari og eru auk þess í umhverfisvænni umbúðum.

innocent hefur ekki aðeins bragðbætt vöruna heldur var lögð áhersla á að hún væri hollari en áður. Núna er tvöfalt meira af vítamínum í hverjum smoothie. Í flestum tegundum er meira af trefjum og minna af ávaxtasykri og þar af leiðandi færri hitaeiningar í hverri flösku.

Nú getur þú t.d. fengið þér smoothie með haframjöli, bláu spirulina eða góðgerlum. Bragðtegundirnar eru sjö og hægt að velja smoothie fyrir öll tilefni dagsins.

Viðtökur tónleikagesta kveikjan að fyrirtækinu

innocent er rótgróið framleiðslufyrirtæki á söfum og smoothies. Fyrirtækið varð til árið 1999 á lítilli tónlistarhátíð í London þar sem þrír vinir seldu smoothies. Þeir settu upp stórt skilti og spurðu tónlistargesti hvort þeir ættu að hætta í fastri vinnu til þess að halda áfram eingöngu að búa til smoothies. Einnig settu þeir upp tvær ruslafötur merktar annarsvegar Já og hinsvegar Nei þar sem fólk átti að henda flöskunni til að gefa svar við spurningunni. Ekki stóð á vinsældunum. Já-fatan var stútfull eftir daginn og þar með byrjaði saga innocent. Í dag er innocent leiðandi drykkjarvörufyrirtæki í Evrópu.

10 % renna til góðgerðarmála

Hjá innocent einblína menn ekki aðeins á að búa til safa og smoothies heldur vilja þeir líka gera heiminn að betri stað. Í 16 ár hefur innocent gefið 10% af öllum hagnaði til góðgerðarmála til að koma í veg fyrir hungursneyð.  Fyrirtækið beinir einnig öllum viðskiptum sínum að „fairtrade“ og gæðavottuðum býlum og notar eingöngu hráefni sem standast strangar gæðakröfur. Heimsóknir á býlin ásamt gæðavottun eru lykillinn að góðu samstarfi milli innocent og ræktandans.

Umhverfisvænni umbúðir

Nýju smoothie flöskurnar eru umhverfisvænni en áður og eru úr 50% endurvinnanlegu plasti. innocent er annt um jörðina og umhverfið og stefnt er að því að notast aðeins við flöskur úr 100% endurvinnanlegu plasti fyrir árið 2022. innocent hvetur þig til að skila hverri flösku af innocent smoothie í næstu endurvinnslustöð.

Enginn viðbættur sykur

innocent er alltaf án viðbætts sykurs og er einfaldlega ávextir í flösku með viðbættum vítamínum. Því þurfa drykkirnir að geymast í kæli.