Brunaeftirlitsmenn neita að láta flytja sig hreppaflutningum norður á Sauðárkrók Jakob Bjarnar skrifar 10. júní 2020 10:30 Ásmundur Einar Daðason félagsmálaráðherra er ekki í miklu uppáhaldi meðal slökkviliðsmanna nú þessi dægrin. visir/vilhelm Til stendur að flytja einingu innan Húsnæðis- og mannvirkjastofnun (HMS) sem sinnir skipulagningu brunaeftirlits norður á Sauðárkrók. Sex menn, sem búa yfir sérþekkingu á brunamálum og starfa í deildinni eru allir búsettir á höfuðborgarsvæðinu. Enginn þeirra ætlar að flytja búferlum til Sauðárkróks sem þeim er ætlað að gera. Veruleg ólga er vegna málsins og hefur Magnús Smári Smárason formaður Landssamband slökkviliðs- og sjúkraflutningamanna þungar áhyggjur af því að þarna sé að fara fyrir lítið mannauður og sérþekking í mikilvægum málaflokki. Ásmundur Einar Daðason, félags- og barnamálaráðherra tilkynnti þann 28. maí 2020 að hann vilji ráðast í margþættar aðgerðir til þess að efla umgjörð brunamála og brunavarna á Íslandi. Með þessu segist hann vera að bregðast við ábendingum í nýrri skýrslu um málaflokkinn. Heimildarmenn Vísis nefna flestir að málinu svipi til þess þegar til stóð að flytja Fiskistofu til Akureyrar og mikil styr stóð um. Málinu lauk með því að ráðherra rann á rassinn með flutninginn á þeirri stofnun norður. Stofnunin er þar staðsett en starfsmönnum var ekki gert að flytja. Ein aðgerðanna felst í að fjölga starfsmönnum sem sinna brunavörnum, en þær heyra undir Húsnæðis- og mannvirkjastofnun (HMS) eftir sameiningu Íbúðalánasjóðs og Mannvirkjastofnunar um síðustu áramót. Breytingarnar fela einnig í sér að sú eining sem sinnir skipulagningu brunaeftirlits mun færast til innan stofnunarinnar og verður framvegis hýst á starfsstöð HMS á Sauðárkróki. Pólitísk ákvörðun en tæplega fagleg Í dag starfa innan þessarar deildar sex einstaklingar sem búa og starfa allir hér í Reykjavík. Þeim hefur verið boðið að flytja norður en að öðrum kosti verður staða þeirra lögð niður hér í Reykjavík. Enginn þessara starfsmanna ætlar sé að fara norður. Sem setur allt málið í uppnám. Þeir sem Vísir hefur rætt við segja þetta pólitíska ákvörðun, þá í þeirri meiningu að Ásmundur Einar vilji flytja þessa deild heim í hérað, í sitt kjördæmi. Og þó sú staða hefði verið uppi að allir sex starfsmenn deildarinnar vildu fara norður, þá eru áhöld um hvort þar sé aðstaða til að hýsa starfsemina. Magnús Smári hefur af því þungar áhyggjur að með þeim mönnum sem nú stefnir í að hætti hjá stofnuninni hverfi mikil þekking sem hægara er sagt en gert að vinna upp. Magnús Smári hjá Landsambandinu segir þetta verulegt áhyggjuefni. Málaflokkurinn hafi verið í nokkrum ólestri þar til Davíð Sigurður Snorrason verkfræðingur var ráðinn til að hafa umsjá með starfinu. „Hann kom af krafti inn í þetta starf. Undir þessari stofnun er rekinn Brunamálaskólinn sem sér um alla þjálfun og menntun slökkviliðsmanna. Bæði atvinnuslökkviliðsmönnum og þeirra sem sinna þessu í hlutastarfi. Það hefur verið lengi viðurkennt að það þyrfti að efla þann skóla og færa til nútímans. Við vorum komnir á gott ról í því með Davíð,“ segir Magnús. Mikið starf sagt fara í vaskinn Magnús segir stöðuna sem upp er komin verulegt áhyggjuefni og segir það helst minna á Fiskistofumálið sem mikið var fjallað um á sínum tíma, sem ráðherra vildi flytja til Akureyrar en varð að bakka með á sínum tíma eftir mikil mótmæli. Eldur á Hvaleyrarbraut Hafnarfirði árið 2018. Enginn þeirra sex sem ætlað er að fara norður til Sauðárkróks hyggst flytja þangað búferlum.visir/vilhelm „Þetta er pólitísk ákvörðun sem er tekin. Við höfum áhyggjur af því að missa mannauðinn. Dýrmætur og sérstaklega má nefna Davíð Snorrason í því samhengi. Hefur tekið fast á málefnum sem snúa að okkur. Við höfum átt mjög gott samstarf við hann.“ Magnús lýsir hinu mikla starfi sem hefur verið unnið að undanförnu í því sem snýr að stefnumótun og undirbúningi. „Búið að rífa mótorinn í sundur og menn eru rétt byrjaðir að setja hann saman, en nú eiga þeir að fara frá og einhverir aðrir að setja hann saman. Ég hef áhyggjur af að öll sú undirbúningsvinna sem við höfum lagt í muni glatast við þetta. Þessi færsla er gerð á tíma sem væri betur nýttur til að koma hlutum í framkvæmd. Með flutning Fiskistofu og slíkt, reynslan sýnir að það tekur tíma fyrir svona stofnun að finna mannauð. Og ég veit ekki hvernig er með húsnæði og mannskap með þekkingu á Sauðárkróki.“ Vísir ræddi jafnframt við Davíð Snorrason sem kaus á þessu stigi máls að tjá sig ekki um málið nema hann sagði: „Ég er allaveganna ekki að fara norður.“ Stjórnsýsla Skóla - og menntamál Slökkvilið Byggðamál Skagafjörður Mest lesið Titringur í hreppnum vegna lögheimilisflutninga Innlent Stöðugleiki norðlægrar hringrásar skammgóður vermir fyrir Ísland Innlent Sigmundur seinn: „Er þingmaðurinn í salnum?“ Innlent Kröfur kvennaárs komnar í innheimtu og gjalddaginn fallinn Innlent Halla tekur sér frí og vill að karlmenn axli ábyrgð Innlent Engin lausn og ákveðin sjálfsblekking að banna börnum að nota tölvuleiki Innlent Leggur viðskiptaþvinganir á rússneska olíurisa Erlent Embættismenn sitji að hámarki í fjórtán ár og aðstoðarmenn hætti fyrir kosningar Innlent Rannsaka „glæfraleg“ svikabrigsl fyrir andlát skákmeistarans unga Erlent „Ég skoðanakúgaði sjálfa mig í þágu friðar og þæginda félagslega“ Innlent Fleiri fréttir Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus Sjá meira
Til stendur að flytja einingu innan Húsnæðis- og mannvirkjastofnun (HMS) sem sinnir skipulagningu brunaeftirlits norður á Sauðárkrók. Sex menn, sem búa yfir sérþekkingu á brunamálum og starfa í deildinni eru allir búsettir á höfuðborgarsvæðinu. Enginn þeirra ætlar að flytja búferlum til Sauðárkróks sem þeim er ætlað að gera. Veruleg ólga er vegna málsins og hefur Magnús Smári Smárason formaður Landssamband slökkviliðs- og sjúkraflutningamanna þungar áhyggjur af því að þarna sé að fara fyrir lítið mannauður og sérþekking í mikilvægum málaflokki. Ásmundur Einar Daðason, félags- og barnamálaráðherra tilkynnti þann 28. maí 2020 að hann vilji ráðast í margþættar aðgerðir til þess að efla umgjörð brunamála og brunavarna á Íslandi. Með þessu segist hann vera að bregðast við ábendingum í nýrri skýrslu um málaflokkinn. Heimildarmenn Vísis nefna flestir að málinu svipi til þess þegar til stóð að flytja Fiskistofu til Akureyrar og mikil styr stóð um. Málinu lauk með því að ráðherra rann á rassinn með flutninginn á þeirri stofnun norður. Stofnunin er þar staðsett en starfsmönnum var ekki gert að flytja. Ein aðgerðanna felst í að fjölga starfsmönnum sem sinna brunavörnum, en þær heyra undir Húsnæðis- og mannvirkjastofnun (HMS) eftir sameiningu Íbúðalánasjóðs og Mannvirkjastofnunar um síðustu áramót. Breytingarnar fela einnig í sér að sú eining sem sinnir skipulagningu brunaeftirlits mun færast til innan stofnunarinnar og verður framvegis hýst á starfsstöð HMS á Sauðárkróki. Pólitísk ákvörðun en tæplega fagleg Í dag starfa innan þessarar deildar sex einstaklingar sem búa og starfa allir hér í Reykjavík. Þeim hefur verið boðið að flytja norður en að öðrum kosti verður staða þeirra lögð niður hér í Reykjavík. Enginn þessara starfsmanna ætlar sé að fara norður. Sem setur allt málið í uppnám. Þeir sem Vísir hefur rætt við segja þetta pólitíska ákvörðun, þá í þeirri meiningu að Ásmundur Einar vilji flytja þessa deild heim í hérað, í sitt kjördæmi. Og þó sú staða hefði verið uppi að allir sex starfsmenn deildarinnar vildu fara norður, þá eru áhöld um hvort þar sé aðstaða til að hýsa starfsemina. Magnús Smári hefur af því þungar áhyggjur að með þeim mönnum sem nú stefnir í að hætti hjá stofnuninni hverfi mikil þekking sem hægara er sagt en gert að vinna upp. Magnús Smári hjá Landsambandinu segir þetta verulegt áhyggjuefni. Málaflokkurinn hafi verið í nokkrum ólestri þar til Davíð Sigurður Snorrason verkfræðingur var ráðinn til að hafa umsjá með starfinu. „Hann kom af krafti inn í þetta starf. Undir þessari stofnun er rekinn Brunamálaskólinn sem sér um alla þjálfun og menntun slökkviliðsmanna. Bæði atvinnuslökkviliðsmönnum og þeirra sem sinna þessu í hlutastarfi. Það hefur verið lengi viðurkennt að það þyrfti að efla þann skóla og færa til nútímans. Við vorum komnir á gott ról í því með Davíð,“ segir Magnús. Mikið starf sagt fara í vaskinn Magnús segir stöðuna sem upp er komin verulegt áhyggjuefni og segir það helst minna á Fiskistofumálið sem mikið var fjallað um á sínum tíma, sem ráðherra vildi flytja til Akureyrar en varð að bakka með á sínum tíma eftir mikil mótmæli. Eldur á Hvaleyrarbraut Hafnarfirði árið 2018. Enginn þeirra sex sem ætlað er að fara norður til Sauðárkróks hyggst flytja þangað búferlum.visir/vilhelm „Þetta er pólitísk ákvörðun sem er tekin. Við höfum áhyggjur af því að missa mannauðinn. Dýrmætur og sérstaklega má nefna Davíð Snorrason í því samhengi. Hefur tekið fast á málefnum sem snúa að okkur. Við höfum átt mjög gott samstarf við hann.“ Magnús lýsir hinu mikla starfi sem hefur verið unnið að undanförnu í því sem snýr að stefnumótun og undirbúningi. „Búið að rífa mótorinn í sundur og menn eru rétt byrjaðir að setja hann saman, en nú eiga þeir að fara frá og einhverir aðrir að setja hann saman. Ég hef áhyggjur af að öll sú undirbúningsvinna sem við höfum lagt í muni glatast við þetta. Þessi færsla er gerð á tíma sem væri betur nýttur til að koma hlutum í framkvæmd. Með flutning Fiskistofu og slíkt, reynslan sýnir að það tekur tíma fyrir svona stofnun að finna mannauð. Og ég veit ekki hvernig er með húsnæði og mannskap með þekkingu á Sauðárkróki.“ Vísir ræddi jafnframt við Davíð Snorrason sem kaus á þessu stigi máls að tjá sig ekki um málið nema hann sagði: „Ég er allaveganna ekki að fara norður.“
Stjórnsýsla Skóla - og menntamál Slökkvilið Byggðamál Skagafjörður Mest lesið Titringur í hreppnum vegna lögheimilisflutninga Innlent Stöðugleiki norðlægrar hringrásar skammgóður vermir fyrir Ísland Innlent Sigmundur seinn: „Er þingmaðurinn í salnum?“ Innlent Kröfur kvennaárs komnar í innheimtu og gjalddaginn fallinn Innlent Halla tekur sér frí og vill að karlmenn axli ábyrgð Innlent Engin lausn og ákveðin sjálfsblekking að banna börnum að nota tölvuleiki Innlent Leggur viðskiptaþvinganir á rússneska olíurisa Erlent Embættismenn sitji að hámarki í fjórtán ár og aðstoðarmenn hætti fyrir kosningar Innlent Rannsaka „glæfraleg“ svikabrigsl fyrir andlát skákmeistarans unga Erlent „Ég skoðanakúgaði sjálfa mig í þágu friðar og þæginda félagslega“ Innlent Fleiri fréttir Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus Sjá meira