Ó­sáttur með frammi­stöðu Ívars: „Ætlar ekki að taka neinn séns eftir síðustu hörmung“

Einn besti dómari Íslands á árum áður, Jóhannes Valgeirsson, hefur verið duglegur að gagnrýna íslenska dómara í upphafi móts og það hélt áfram í gær.

Jóhannes, sem var m.a. valinn besti dómari Íslands árið 2008, gagnrýndi í gær frammistöðu Ívars Orra Kristjánssonar sem dæmdi leik FH og KA.

„Ívar Orri búinn að ákveða að þessi leikur skuli vera steindauður og flautar á allt sem hreyfist. Hann ætlar ekki að taka neinn séns eftir sína síðustu hörmung. Í gamla daga var þetta kallað að taka “Árna Ara” á þetta. Árni var stressaður í prófleik og þá var þetta góð leið .....,“ skrifaði Jóhannes.

Leiknum lauk með markalausu jafntefli en Jóhannes var ósáttur með flæðið í leiknum. Hann sagði að Ívar Orri vildi væntanlega ekki neinar áhættu eftir sína síðustu hörmung.

Átti Jóhannes þar af leiðandi við leik Breiðabliks og Vals sem Ívar Orri dæmdi í síðustu umferð en ansi mörg umdeild atvik voru í þeim leik. Þó er talið, af margra mati, að Ívar Orri hafi náð flestum ákvörðunum réttum í þeim leik.

„Varla vantar “reynslu í bakpokann” þarna er það?“ bætti Jóhannes svo við.