Enginn komið við sögu lögreglu fyrr en þeir voru gripnir með barnaklám

Enginn þeirra fjögurra íslensku karla sem hafa verið til rannsóknar vegna vörslu barnaníðsefnis hafði komið við sögu lögreglu fyrr en málin komu upp.

Málin komu fyrst til kasta Lögreglunnar á Höfuðborgarsvæðinu í desember í fyrra eftir að lögregluyfirvöld í Danmörku létu vita að í rannsókn þeirra hefðu komið upp sjö mál sem tengdust íslenskum körlum.

Tvö málanna eru nú komin til ákæruvaldsins og rannsókn er á lokastigi í tveimur þeirra. Rannsókn á þremur var hætt vegna ónógra gagna. 

Lögreglan hefur lagt hald á hundruð þúsunda mynda og myndbanda af kynferðislegu ofbeldi gegn börnum við rannsókn málanna.