Mistök og hneyksli varpa skugga á opnun nýs alþjóðaflugvallar í Berlín Elín Margrét Böðvarsdóttir skrifar 31. október 2020 12:09 Aðgerðasinnar í loftslagsmálum mótmæltu við nýju flugstöðvarbygginguna á degi opnunarinnar í dag. EPA/HAYOUNG JEON Nýr alþjóðaflugvöllur í Berlín verður opnaður í dag, 30 árum eftir að ákveðið var að ráðast í byggingu hans. Þegar hafa verið gerðar sjö misheppnaðar tilraunir til að taka völlinn í notkun en saga flugvallarins þykir einkennast af ítrekuðum mistökum og klúðri og þykir eitt allsherjar hneyksli. 3. júní 2012 stóð til að opna Berlin-Brandenburg flugvöll. Sú dagsetning var ekki sú fyrsta sem stefnt var að til að taka völlinn í notkun en þykir ein sú eftirminnilegasta eins og því er lýst í umfjöllun Deutsche Welle. Mikið umstang var í kringum fyrirhugaða opnun, fjölmiðlar höfðu búið sig undir sólarhrings langa beina útsendingu til að fjalla um opnunina og eftirvæntingin var gríðarleg. En allt kom fyrir ekki. Skömmu áður en opnunardagurinn rann upp tilkynntu eftirlitsmenn um 120 þúsund galla á byggingunni. Sig var á þaki byggingarinnar, brunavörnum var ábótavant og sjálfvirkir dyr virkuðu ekki sem skildi. Þá höfðu um 170 kílómetrar af snúrum og köplum verið lagðir með óöruggum hætti, sum ljós var ekki hægt að kveikja og önnur ekki hægt að slökkva. Svo mætti lengi telja. Mótmælendur flykktu liði og töfuð fyrir umferð við nýja BER alþjóðaflugvöllinn sem tekinn var í notkun í Berlín í dag.EPA/HAYOUNG JEON Það hefur tekið ríflega níu ár að bæta úr öllum þeim ágöllum sem var að finna á þessum nýja alþjóðaflugvelli Berlínar. Og nú þegar dagurinn er runninn upp, loksins þegar taka á þessa nýju flugstöð í notkun, er ólíklegt að flugumferðin um völlinn verði mikil í ljósi kórónuveirufaraldursins. Sé aðeins litið til Þýskalands hafði flugfarþegum í ágúst fækkað um 70% samanborið við sama tímabil í fyrra. Í dag á degi opnunarinnar hefur þannig verið öllu minna um flugfarþega sem þar eiga leið í gegn, en mótmælendur úr röðum náttúruverndarsinna hafa aftur á móti látið sjá sig í flugstöðinni í dag. Of lítill og á barmi gjaldþrots Við hönnun var gert ráð fyrir því að um 27 milljónir farþega gætu ferðast um flugvöllinn á ársgrundvelli. Til samanburðar fóru rúmlega 35 milljónir farþega um Tegel og Schönfeld flugvöllinn, þann flugvöll Berlínar sem flestir ferðalangar fara um í venjulegu árferði. Stefnan er að þeim flugvelli verði lokað og starfsemi hans sameinuð hinum nýja flugvelli sem opnaður er í dag. Þessi staðreynd hefur sætt gagnrýni í ljósi þess hve miklu færri farþega unnt er að þjónusta á hinum nýja flugvelli en hinum eldri, ekki hvað síst í ljósi þess að fyrir heimsfaraldurinn var gert ráð fyrir ferðamönnum til borgarinnar myndi fara fjölgandi. Í ljósi þessa eru þegar uppi áform um stækkun nýju flugstöðvarinnar. Það kemur aftur á móti til með að kosta sitt en áætlað er að það gæti kostað aðra 2,3 milljarða evra til ársins 2030, sem er um það bil jafn mikið og það heildarfjármagn sem upphaflega var áætlað í verkefnið. Kostnaður við framkvæmdina hefur hins vegar farið langt fram úr áætlun en alls hefur um sjö milljörðum evra verið varið í verkefnið en það eru hið opinbera sem fjármagnað hefur verkefnið, stjórnvöld í Berlín og Brandenburg auk þýska ríkisins, í gegnum fyrirtækið FBB, sem annast flugvallarekstur í Berlín. Ef ekki væri fyrir viðbótarlán og styrki frá ríkinu væri fyrirtækið að öllum líkindum farið á hausinn en líklegt þykir að FBB þurfi á enn frekara fjármagni að halda frá skattgreiðendum í gegnum fjárframlög hins opinbera á næstu árum til að halda sér á floti. Þýskaland Fréttir af flugi Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf Frá RÚV til Coca-Cola Viðskipti innlent „Myndi alveg segja að hjartað í mér hafi verið í buxunum“ Atvinnulíf Salzburg úr sögunni hjá Play Viðskipti innlent Að hætta að vera vandræðaleg í nýrri vinnu Atvinnulíf Samherji hvetur Odd Eystein til frekari verka Viðskipti innlent Ellefu milljarða lán til að byggja upp veitukerfi og verjast loftslagsvá Viðskipti innlent Átta sagt upp hjá Arion banka Viðskipti innlent Gengu langt í að vinna að lausn þótt bíllinn væri ekki í ábyrgð Neytendur Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Nýr alþjóðaflugvöllur í Berlín verður opnaður í dag, 30 árum eftir að ákveðið var að ráðast í byggingu hans. Þegar hafa verið gerðar sjö misheppnaðar tilraunir til að taka völlinn í notkun en saga flugvallarins þykir einkennast af ítrekuðum mistökum og klúðri og þykir eitt allsherjar hneyksli. 3. júní 2012 stóð til að opna Berlin-Brandenburg flugvöll. Sú dagsetning var ekki sú fyrsta sem stefnt var að til að taka völlinn í notkun en þykir ein sú eftirminnilegasta eins og því er lýst í umfjöllun Deutsche Welle. Mikið umstang var í kringum fyrirhugaða opnun, fjölmiðlar höfðu búið sig undir sólarhrings langa beina útsendingu til að fjalla um opnunina og eftirvæntingin var gríðarleg. En allt kom fyrir ekki. Skömmu áður en opnunardagurinn rann upp tilkynntu eftirlitsmenn um 120 þúsund galla á byggingunni. Sig var á þaki byggingarinnar, brunavörnum var ábótavant og sjálfvirkir dyr virkuðu ekki sem skildi. Þá höfðu um 170 kílómetrar af snúrum og köplum verið lagðir með óöruggum hætti, sum ljós var ekki hægt að kveikja og önnur ekki hægt að slökkva. Svo mætti lengi telja. Mótmælendur flykktu liði og töfuð fyrir umferð við nýja BER alþjóðaflugvöllinn sem tekinn var í notkun í Berlín í dag.EPA/HAYOUNG JEON Það hefur tekið ríflega níu ár að bæta úr öllum þeim ágöllum sem var að finna á þessum nýja alþjóðaflugvelli Berlínar. Og nú þegar dagurinn er runninn upp, loksins þegar taka á þessa nýju flugstöð í notkun, er ólíklegt að flugumferðin um völlinn verði mikil í ljósi kórónuveirufaraldursins. Sé aðeins litið til Þýskalands hafði flugfarþegum í ágúst fækkað um 70% samanborið við sama tímabil í fyrra. Í dag á degi opnunarinnar hefur þannig verið öllu minna um flugfarþega sem þar eiga leið í gegn, en mótmælendur úr röðum náttúruverndarsinna hafa aftur á móti látið sjá sig í flugstöðinni í dag. Of lítill og á barmi gjaldþrots Við hönnun var gert ráð fyrir því að um 27 milljónir farþega gætu ferðast um flugvöllinn á ársgrundvelli. Til samanburðar fóru rúmlega 35 milljónir farþega um Tegel og Schönfeld flugvöllinn, þann flugvöll Berlínar sem flestir ferðalangar fara um í venjulegu árferði. Stefnan er að þeim flugvelli verði lokað og starfsemi hans sameinuð hinum nýja flugvelli sem opnaður er í dag. Þessi staðreynd hefur sætt gagnrýni í ljósi þess hve miklu færri farþega unnt er að þjónusta á hinum nýja flugvelli en hinum eldri, ekki hvað síst í ljósi þess að fyrir heimsfaraldurinn var gert ráð fyrir ferðamönnum til borgarinnar myndi fara fjölgandi. Í ljósi þessa eru þegar uppi áform um stækkun nýju flugstöðvarinnar. Það kemur aftur á móti til með að kosta sitt en áætlað er að það gæti kostað aðra 2,3 milljarða evra til ársins 2030, sem er um það bil jafn mikið og það heildarfjármagn sem upphaflega var áætlað í verkefnið. Kostnaður við framkvæmdina hefur hins vegar farið langt fram úr áætlun en alls hefur um sjö milljörðum evra verið varið í verkefnið en það eru hið opinbera sem fjármagnað hefur verkefnið, stjórnvöld í Berlín og Brandenburg auk þýska ríkisins, í gegnum fyrirtækið FBB, sem annast flugvallarekstur í Berlín. Ef ekki væri fyrir viðbótarlán og styrki frá ríkinu væri fyrirtækið að öllum líkindum farið á hausinn en líklegt þykir að FBB þurfi á enn frekara fjármagni að halda frá skattgreiðendum í gegnum fjárframlög hins opinbera á næstu árum til að halda sér á floti.
Þýskaland Fréttir af flugi Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf Frá RÚV til Coca-Cola Viðskipti innlent „Myndi alveg segja að hjartað í mér hafi verið í buxunum“ Atvinnulíf Salzburg úr sögunni hjá Play Viðskipti innlent Að hætta að vera vandræðaleg í nýrri vinnu Atvinnulíf Samherji hvetur Odd Eystein til frekari verka Viðskipti innlent Ellefu milljarða lán til að byggja upp veitukerfi og verjast loftslagsvá Viðskipti innlent Átta sagt upp hjá Arion banka Viðskipti innlent Gengu langt í að vinna að lausn þótt bíllinn væri ekki í ábyrgð Neytendur Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira