Tekist á um björgunarpakka á Bandaríkjaþingi Kjartan Kjartansson skrifar 23. mars 2020 13:57 Bandaríska þinghúsið í Washington-borg séð út um glugga skrifstofubyggingar þingsins. Faraldurinn er þegar farinn að hafa áhrif á störf þingsins. Nokkrir þingmenn repúblikana komust ekki til atkvæðagreiðslu um björgunarpakkann í gær því þeir voru í sóttkví. Vísir/EPA Öldungadeild Bandaríkjaþings felldi margmilljarða dollara björgunarpakka sem á að hleypa lífi í hagkerfið í skugga kórónuveirufaraldursins í gær. Demókratar gagnrýna að frumvarpið hygli stórfyrirtækjum og komi ekki nægilega til móts við almenna borgara. Bandaríski seðlabankinn aflétti takmörkunum á uppkaupum á ríkisskuldabréfum í dag. Björgunarpakkinn sem liggur fyrir Bandaríkjaþingi hljóðar upp á hátt í tvær biljónir (milljón milljónir) dollara og felur meðal annars í sér beingreiðslur til almennra borgara upp á 1.200 dollara fyrir fullorðna, jafnvirði tæpra 170.000 íslenskra króna. Einnig er lagður til 500 milljarða dollar sjóður til að lána fyrirtækjum, borgum og ríkjum og 350 milljarða dollarar til að hjálpa litlum fyrirtækjum að greiða laun. Aukinn meirihluta þarf til að frumvarpið verði að lögum en atkvæðagreiðslan fór 47-47. Demókratar greiddu atkvæði gegn frumvarpinu og nokkrir þingmenn repúblikana, sem eru með meirihluta í öldungadeildinni, voru fjarri góðu gamni vegna þess að þeir eru í sóttkví. Einn þingmaður, repúblikaninn Rand Paul, er smitaður af kórónuveirunni. Andstaða demókratar skýrist af því að þeir telja frumvarpið ekki verja almennt launafólk. Þannig eru engin skilyrði í frumvarpinu sem koma í veg fyrir að fyrirtæki segi upp starfsfólki þrátt fyrir að þau þiggi ríkisaðstoð. Þeir eru einnig ósáttir við að úthlutanir úr 500 milljarða dollara lánasjóðum sem repúblikanar vilja koma á fót yrðu nær alfarið í höndum fjármálaráðuneytisins, að sögn Washington Post. Steve Mnuchin, fjármálaráðherra, vísaði þeirri gagnrýni á bug í viðtali við Fox Business í morgun. „Þetta eru ekki almannabætur fyrir fyrirtæki. Þetta hjálpar öllum bandarískum launþegum,“ fullyrti hann. Frumvarpið er þó ekki dautt því viðræður standa enn yfir viðræður á milli Hvíta hússins og flokkanna á þingi um breytingar á því. Eftir atkvæðagreiðsluna sagði Chuck Schumer, leiðtogi demókrata í öldungadeildinni, að flokkarnir væru nú nær samkomulagi en á nokkrum öðrum tímapunkti síðustu tvo sólarhringana. Jerome Powell, seðlabankastjóri Bandaríkjanna, á blaðamannafundi fyrr í þessum mánuði.AP/Jacquelyn Martin Kaupir eins mikið af skuldabréfum og þurfa þykir Tíðindin af skipbroti björgunarpakkans lagðist illa í fjármálamarkaði í morgun. Áhyggjur markaðarins voru þó að einhverju leyti linaðar þegar bandaríski seðlabankinn tilkynnti um fordæmalausa afléttingu á öllum takmörkunum á kaupum á ríkisskuldabréfum til að halda lánamarkaði gangandi. Bankinn hefur aldrei gengið svo langt, ekki einu sinni í fjármálakreppunni árið 2008, að sögn Washington Post. „Það er orðið ljóst að hagkerfi okkar stendur frammi fyrir verulegri röskun. Seðlabankinn er ákveðinn í að nota öll tól sem honum standa til boða til að styðja heimili, fyrirtæki og bandaríska hagkerfið í heild á þessum erfiðu tímum,“ sagði bankinn í yfirlýsingu í morgun. Þá boðar bankinn enn frekari aðgerðir á næstunni til þess að auka aðgang lítilla og meðalstórra fyrirtækja að lánsfé, að sögn Reuters. Bankinn ætlar ennfremur að kaupa ákveðin fyrirtækjabréf í fyrsta skipti í sögunni. Faraldur kórónuveiru (COVID-19) Bandaríkin Tengdar fréttir „Ef forsetinn bregst ekki við mun fólk deyja sem annars hefði lifað“ Borgarstjóri New York-borgar, þar sem áhrif kórónuveirunnar í Bandaríkjunum hafa verið hvað mest, segir víðtækan skort á mikilvægum heilbrigðisvörum vera yfirvofandi í New York-ríki. 22. mars 2020 23:17 Vilja beinar greiðslur til Bandaríkjamanna vegna faraldursins Hluti af risavöxnum neyðaraðgerðapakka Bandaríkjastjórnar vegna efnahagslegra áhrifa kórónuveirufaraldursins gæti verið beinar peningagreiðslur til almennings. Pakkinn er sagður geta orðið sá stærsti frá því í kreppunni miklu. 17. mars 2020 23:12 Mest lesið Framkvæmdastjóri Olís: „Ekki hleypa henni að græjunum“ Atvinnulíf Ekkert tillit tekið til aðstæðna og ljóst að vöruúrval minnki Viðskipti innlent Brutu lög við söluna á Íslandsbanka og greiða yfir 60 milljónir í sektir Viðskipti innlent Vilja að Musk fái allt að 122 billjónir á næsta áratug Viðskipti erlent Pakkarnir séu langt frá því að vera sambærilegir Viðskipti innlent Síminn má dreifa efni Sýnar Viðskipti innlent Ellefu prósent þjóðarinnar eiga ísvél Neytendur Húrra opnar þriðju verslunina á höfuðborgarsvæðinu Viðskipti innlent Segir búið að „dauðadæma Vefjuna“ vegna ummæla Reynis Viðskipti innlent Segir félaginu skylt að skipta sér af „sorgarvegferð“ Play Viðskipti innlent Fleiri fréttir Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Frakkar þurfi mögulega að leita aðstoðar Alþjóðagjaldeyrissjóðsins Risinn sem var of stór til að falla er fallinn Facebook gagnrýnt fyrir að leyfa gervigreind að reyna við börn Vilja ekkert með áfengi nágranna sinna hafa Íslensku KFC-feðgarnir í Danmörku gjaldþrota Kynntu nýja útgáfu ChatGPT: „Þetta er eins og að tala við sérfræðing“ Stærsti olíu- og gasfundur olíurisa í 25 ár Tíu prósenta tollur á færeyskar vörur Leist ekki á hagtölur og rak yfirmann stofnunarinnar Sjá meira
Öldungadeild Bandaríkjaþings felldi margmilljarða dollara björgunarpakka sem á að hleypa lífi í hagkerfið í skugga kórónuveirufaraldursins í gær. Demókratar gagnrýna að frumvarpið hygli stórfyrirtækjum og komi ekki nægilega til móts við almenna borgara. Bandaríski seðlabankinn aflétti takmörkunum á uppkaupum á ríkisskuldabréfum í dag. Björgunarpakkinn sem liggur fyrir Bandaríkjaþingi hljóðar upp á hátt í tvær biljónir (milljón milljónir) dollara og felur meðal annars í sér beingreiðslur til almennra borgara upp á 1.200 dollara fyrir fullorðna, jafnvirði tæpra 170.000 íslenskra króna. Einnig er lagður til 500 milljarða dollar sjóður til að lána fyrirtækjum, borgum og ríkjum og 350 milljarða dollarar til að hjálpa litlum fyrirtækjum að greiða laun. Aukinn meirihluta þarf til að frumvarpið verði að lögum en atkvæðagreiðslan fór 47-47. Demókratar greiddu atkvæði gegn frumvarpinu og nokkrir þingmenn repúblikana, sem eru með meirihluta í öldungadeildinni, voru fjarri góðu gamni vegna þess að þeir eru í sóttkví. Einn þingmaður, repúblikaninn Rand Paul, er smitaður af kórónuveirunni. Andstaða demókratar skýrist af því að þeir telja frumvarpið ekki verja almennt launafólk. Þannig eru engin skilyrði í frumvarpinu sem koma í veg fyrir að fyrirtæki segi upp starfsfólki þrátt fyrir að þau þiggi ríkisaðstoð. Þeir eru einnig ósáttir við að úthlutanir úr 500 milljarða dollara lánasjóðum sem repúblikanar vilja koma á fót yrðu nær alfarið í höndum fjármálaráðuneytisins, að sögn Washington Post. Steve Mnuchin, fjármálaráðherra, vísaði þeirri gagnrýni á bug í viðtali við Fox Business í morgun. „Þetta eru ekki almannabætur fyrir fyrirtæki. Þetta hjálpar öllum bandarískum launþegum,“ fullyrti hann. Frumvarpið er þó ekki dautt því viðræður standa enn yfir viðræður á milli Hvíta hússins og flokkanna á þingi um breytingar á því. Eftir atkvæðagreiðsluna sagði Chuck Schumer, leiðtogi demókrata í öldungadeildinni, að flokkarnir væru nú nær samkomulagi en á nokkrum öðrum tímapunkti síðustu tvo sólarhringana. Jerome Powell, seðlabankastjóri Bandaríkjanna, á blaðamannafundi fyrr í þessum mánuði.AP/Jacquelyn Martin Kaupir eins mikið af skuldabréfum og þurfa þykir Tíðindin af skipbroti björgunarpakkans lagðist illa í fjármálamarkaði í morgun. Áhyggjur markaðarins voru þó að einhverju leyti linaðar þegar bandaríski seðlabankinn tilkynnti um fordæmalausa afléttingu á öllum takmörkunum á kaupum á ríkisskuldabréfum til að halda lánamarkaði gangandi. Bankinn hefur aldrei gengið svo langt, ekki einu sinni í fjármálakreppunni árið 2008, að sögn Washington Post. „Það er orðið ljóst að hagkerfi okkar stendur frammi fyrir verulegri röskun. Seðlabankinn er ákveðinn í að nota öll tól sem honum standa til boða til að styðja heimili, fyrirtæki og bandaríska hagkerfið í heild á þessum erfiðu tímum,“ sagði bankinn í yfirlýsingu í morgun. Þá boðar bankinn enn frekari aðgerðir á næstunni til þess að auka aðgang lítilla og meðalstórra fyrirtækja að lánsfé, að sögn Reuters. Bankinn ætlar ennfremur að kaupa ákveðin fyrirtækjabréf í fyrsta skipti í sögunni.
Faraldur kórónuveiru (COVID-19) Bandaríkin Tengdar fréttir „Ef forsetinn bregst ekki við mun fólk deyja sem annars hefði lifað“ Borgarstjóri New York-borgar, þar sem áhrif kórónuveirunnar í Bandaríkjunum hafa verið hvað mest, segir víðtækan skort á mikilvægum heilbrigðisvörum vera yfirvofandi í New York-ríki. 22. mars 2020 23:17 Vilja beinar greiðslur til Bandaríkjamanna vegna faraldursins Hluti af risavöxnum neyðaraðgerðapakka Bandaríkjastjórnar vegna efnahagslegra áhrifa kórónuveirufaraldursins gæti verið beinar peningagreiðslur til almennings. Pakkinn er sagður geta orðið sá stærsti frá því í kreppunni miklu. 17. mars 2020 23:12 Mest lesið Framkvæmdastjóri Olís: „Ekki hleypa henni að græjunum“ Atvinnulíf Ekkert tillit tekið til aðstæðna og ljóst að vöruúrval minnki Viðskipti innlent Brutu lög við söluna á Íslandsbanka og greiða yfir 60 milljónir í sektir Viðskipti innlent Vilja að Musk fái allt að 122 billjónir á næsta áratug Viðskipti erlent Pakkarnir séu langt frá því að vera sambærilegir Viðskipti innlent Síminn má dreifa efni Sýnar Viðskipti innlent Ellefu prósent þjóðarinnar eiga ísvél Neytendur Húrra opnar þriðju verslunina á höfuðborgarsvæðinu Viðskipti innlent Segir búið að „dauðadæma Vefjuna“ vegna ummæla Reynis Viðskipti innlent Segir félaginu skylt að skipta sér af „sorgarvegferð“ Play Viðskipti innlent Fleiri fréttir Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Frakkar þurfi mögulega að leita aðstoðar Alþjóðagjaldeyrissjóðsins Risinn sem var of stór til að falla er fallinn Facebook gagnrýnt fyrir að leyfa gervigreind að reyna við börn Vilja ekkert með áfengi nágranna sinna hafa Íslensku KFC-feðgarnir í Danmörku gjaldþrota Kynntu nýja útgáfu ChatGPT: „Þetta er eins og að tala við sérfræðing“ Stærsti olíu- og gasfundur olíurisa í 25 ár Tíu prósenta tollur á færeyskar vörur Leist ekki á hagtölur og rak yfirmann stofnunarinnar Sjá meira
„Ef forsetinn bregst ekki við mun fólk deyja sem annars hefði lifað“ Borgarstjóri New York-borgar, þar sem áhrif kórónuveirunnar í Bandaríkjunum hafa verið hvað mest, segir víðtækan skort á mikilvægum heilbrigðisvörum vera yfirvofandi í New York-ríki. 22. mars 2020 23:17
Vilja beinar greiðslur til Bandaríkjamanna vegna faraldursins Hluti af risavöxnum neyðaraðgerðapakka Bandaríkjastjórnar vegna efnahagslegra áhrifa kórónuveirufaraldursins gæti verið beinar peningagreiðslur til almennings. Pakkinn er sagður geta orðið sá stærsti frá því í kreppunni miklu. 17. mars 2020 23:12