Björgvin Páll ekki með til Portúgals

Sextán leikmenn fóru til Portúgals en tuttugu leikmenn eru í íslenska hópnum sem fer á HM í Egyptalandi síðar í þessum mánuði eftir að Aron Pálmarsson heltist úr lestinni vegna meiðsla.

Björgvin Páll, Elliði Snær Viðarsson, Kristján Örn Kristjánsson og Magnús Óli Magnússon voru eftir heima og taka því ekki þátt í leiknum á miðvikudaginn.

Í fjarveru Björgvins Páls kemur það í hlut Viktors Gísla Hallgrímssonar og Ágústs Elís Björgvinssonar að verja mark Íslands gegn Portúgal.

Viktor og Ágúst Elí leika í Danmörku en Björgvin Páll með Haukum í Olís-deildinni. Ekki hefur verið leikið þar síðan í byrjun október vegna sóttvarnarreglna sökum kórónuveirufaraldursins. 

Ísland er með tvö stig eftir einn leik í undankeppni EM 2022. Íslendingar og Portúgalir mætast öðru sinni á Ásvöllum á sunnudaginn og liðin mætast svo í þriðja sinn í þriðja landinu í fyrsta leiknum á HM 14. janúar.

Leikur Íslands og Portúgals hefst klukkan 19:30 á miðvikudaginn.

Hópurinn gegn Portúgal