Handbolti

Topplið KA/Þór lagði Stjörnuna með minnsta mun

Arnar Geir Halldórsson skrifar
Ásdís Guðmundsdóttir var öflug í liði KA/Þór í dag.
Ásdís Guðmundsdóttir var öflug í liði KA/Þór í dag.

Eitt mark skildi lið Stjörnunnar og KA/Þórs að í Olís-deild kvenna í handbolta í dag.

Eftir jafna byrjun virtust gestirnir ætla að sigla auðveldlega fram úr Garðabæjarliðinu en staðan í hálfleik var 12-18 fyrir Akureyrarliðinu.

Stjörnukonur neituðu hins vegar að gefast upp og náðu að búa til æsispennandi lokamínútur en fór að lokum svo að KA/Þór vann eins marks sigur, 26-27.

Hanna G. Stefánsdóttir fékk tækifæri til að jafna metin með skoti úr hægra horninu á síðustu sekúndu leiksins en skot hennar hafnaði í stönginni og sætur sigur Norðankvenna staðreynd.

Landsliðskonurnar í liði KA/Þór voru markahæstar í sínu liði þar sem Ásdís Guðmundsdóttir og Rut Jónsdóttir gerðu sex mörk hvor. Helena Rut Örvarsdóttir var öflugust heimakvenna með níu mörk.

Olís-deild kvenna Íslenski handboltinn KA Þór Akureyri Stjarnan

Mest lesið


Fleiri fréttir

Sjá meira


×

Mest lesið