Innlent

Enn einn snarpur skjálfti og vefur Veður­stofunnar hrundi

Hallgerður Kolbrún E. Jónsdóttir skrifar
Jarðskjálftinn átti upptök sín rétt suðvestan við Keili.
Jarðskjálftinn átti upptök sín rétt suðvestan við Keili. Vísir/Vilhelm

Snarpur jarðskjálfti fannst víða á suðvesturhorni landsins rétt eftir klukkan hálf tíu. Jarðskjálftinn var 3,8 að stærð og átti upptök sín um einn kílómetra suðvestur af Keili samkvæmt upplýsingum frá Veðurstofu Íslands.

Veðurstofa hefur fengið tilkynningar um að skjálftinn hafi fundist á Suðurnesjum, höfuðborgarsvæðinu og alla leið upp í Akranes og Borgarnes.

Vefur Veðurstofunnar liggur niðri eins og er og má draga þá ályktun að svo margir hafi heimsótt vefsíðuna vegna skjálftans að hún hafi ekki þolað álagið. 

Að sögn vakthafandi veðurfræðings hafa hátt í tvö þúsund jarðskjálftar orðið í dag og þeir sem hafa verið yfir þremur að stærð eru að nálgast fjörutíu talsins.

Sex skjálftar yfir fjórum hafa riðið yfir í dag, sá síðasti klukkan 19:01 en hann var 4,7 að stærð.

Eldgos og jarðhræringar Jarðhræringar á Reykjanesi

Tengdar fréttir

Telur lík­legt að skjálfta­hrinan deyi út á næstu dögum

Kristín Jónsdóttir, jarðskjálftafræðingur hjá Veðurstofu Íslands, segir enn óljóst hvort dragi úr jarðskjálftum á Reykjanesskaga á næstu dögum eða hvort von sé á enn stærri skjálftum og jafnvel eldgosi. Hún telur þó líklegt að skjálftahrinan deyi út í næstu viku.

Mest lesið


Fleiri fréttir

Sjá meira


×

Mest lesið