Þremenningunum brást bogalistin í vítaspyrnukeppninni í úrslitaleik EM þar sem England tapaði fyrir Ítalíu. Í kjölfarið bárust þeim fjöldi rasískra skilaboða á samfélagsmiðlum.
Rashford, Sancho og Saka hafa einnig fengið stuðning úr ýmsum áttum og hatursorðræðan gegn þeim hefur víða verið fordæmd.
Sportbible lét gera risastóra veggmynd af þremenningunum í Manchester. Hún var afhjúpuð í gær. Á veggmyndinni sjást Rashford, Sancho og Saka í enska landsliðsbúningnum með kórónu á höfðinu. Á myndinni stendur svo: Aldrei biðjast afsökunar á hver þú ert.
Never apologise for who you are@BukayoSaka87 @MarcusRashford @Sanchooo10 pic.twitter.com/Tj2w5p5VQR
— SPORTbible (@sportbible) July 13, 2021
Skemmdarverk voru unnin á veggmynd af Rashford í Withington í Manchester eftir úrslitaleikinn. Það hefur nú verið lagað með skilaboðum til stuðnings framherjanum. Fjöldi fólks safnaðist saman við veggmyndina í gær til að styðja við bakið á Rashford.
Eftir úrslitaleikinn baðst afsökunar á vítaklúðrinu en sagðist aldrei biðjast afsökunar á því hver hann er.