Tap gegn nýliðunum í fyrsta leik Juventus eftir brottför Ronaldo

Leonardo Mancuso skoraði eina mark leiksins þegar hann kom gestunum yfir eftir rúmlega tuttugu mínútna leik.

Nokkuð jafnræði var með liðunum, en það voru þó heimamenn í Juventus sem ógnuðu meira og áttu til að mynda mun fleiri skot að marki gestanna. Það breytir þó ekki þeirri staðreynd að Empoli fór með 1-0 sigur af hólmi, og hefur nú þrjú stig eftir tvo leiki.

Juventus hefur hinsvegar aðeins fengið eitt stig út úr fyrstu tveim leikjum sínum og eru enn í leit að fyrsta sigri tímabilsins.