Árstíðagarðar taka yfir og regnboginn fær nýtt heimili Kolbeinn Tumi Daðason skrifar 2. september 2021 14:42 Árstíðagarðar skipa stóran sess í tillögunum. Úr tillögu hönnunarteyma Göngugötuhluti Laugavegar, Skólavörðustígs og Vegamótastígs fær nýja umgjörð þar sem fagurfræði og auga fyrir sögunni er rauður þráður í gegnum alla hönnun. Þetta kemur fram í tilkynningu frá umhverfis- og skipulagssviði Reykjavíkurborgar. Regnboginn á Skólavörðustíg fær nýtt heimili og stendur leit yfir. Forhönnun þriggja, þvegfaglegra teyma á verkefninu 9 skref var kynnt fyrir skipulags- og samgönguráði og borgarráði í vikunni. Tillögurnar voru unnar eftir forskrift og leiðbeiningum borgarhönnunar þar sem aðgengi allra, vörulosun, neyðarakstur og rými fyrir fólk var haft að leiðarljósi. „Úr forhönnun göngugötunnar má sjá innblástur frá persneskum árstíðagarði við Skólavörðustíg, flæðandi línur fyrir mannlíf og stemningu við gatnamót Laugavegar og Vegamótastígs, skemmtileg dvalarsvæði í Bankastræti og á Laugavegi vísar síldarbeinamynstur í klömbruhleðslur gömlu torfbæjanna,“ segir í tilkynningunni. Áhersla á gróður og lýsingu Þar segir að áhersla sé í öllum skrefunum á gróður og dvalarsvæði en með ólíkum hætti eftir því sem hentar hverjum stað. Þá sé leikið með lýsingu þar sem áhrifin minni á sindrandi stjörnur á einum stað og boðskapur í formi fljótandi texta finnist á öðrum stað. Horft upp Skólavörðustíginn. Tröppur eru við útganga verslana og veitingastaða með það að markmiði að bæta aðgengi.Úr tillögu hönnunarteyma „Þarfir notenda og rekstraraðila hafa verið hafðar í fyrirrúmi í verkefninu öllu og hefur gott samráð átt sér stað við hagsmunaaðila göngugatnanna. Þarna verður fólk í forgangi í nýju og öruggu umhverfi samþættrar göngugötu.“ Fram kemur að nafnið „9 skref“ sé beinlínis dregið af því að göngugötusvæðinu er skipt niður í níu skref. „Tilgangurinn með því er að skipta niður framkvæmdum svo sem minnst rask hljótist af þeim. Áhersla sé lögð á að skrefin verði unnin í sátt við nærumhverfið.“ Hönnun samræmd til að mynda heildstætt útlit Hvert teymi hefur lokið forhönnun á þremur skrefum og setja teymin sitt yfirbragð á hönnunina. Þar sem Bankastræti, Laugavegur og Skólavörðurstígur mætast.Úr tillögu hönnunarteyma „Með því móti er hægt að virða staðaranda svæðisins og forðast einsleitni. Lögð verður áhersla á að samræma hönnunina svo heildstætt útlit myndist þó svæðin hafi hvert sín sérstöku einkenni og verður til að mynda hellulögnin samræmd í allri göngugötunni.“ Götugögn, það er bekkir, ljósastaurar og fleira, verði einnig að hluta samræmt á öllu svæðinu. Sums staðar er hugmyndin að stalla götuna næst inngöngum þar sem hallinn er mikill eins og við Skólavörðustíg og í Bankastræti. Það gerir það að verkum að aðgengi allra verður betra og svæði til útiveitinga verður meira. Horft upp Skólavörðustíginn. Tröppur eru við útganga verslana og veitingastaða með það að markmiði að bæta aðgengi.Úr tillögu hönnunarteyma Fjórtán teymi sóttust upphaflega eftir því að taka þátt í þessu verkefni. Teymin þrjú sem urðu fyrir valinu og hafa nú lokið forhönnun eru: 1. Baldur Helgi Snorrason – arkitekt, Nils Wiberg – upplifunarhönnuður og Jóhann Sindri Pétursson – landslagsarkitekt. Skref: 4, 5, 7. Hluti Laugavegar og Bankastrætis. Gult svæði á skýringarmyndinni að neðan. 2. Ragnhildur Skarphéðinsdóttir – landslagsarkitekt, Elín Hansdóttir – myndlistarmaður og Kristján Kristjánsson – lýsingarhönnuður. Skref 1, 2, 3. Vegamótastígur og hluti Laugavegar. Rautt svæði á skýringarmyndinni að neðan. 3. Karl Kvaran – arkitekt og skipulagsfræðingur, Lilja Kristín Ólafsdóttir – landlagsarkitekt og Sigurður Árni Sigurðsson – myndlistarmaður. Skref 6, 8, 9. Skólavörðustígur og hluti Laugavegar. Blátt svæði á skýringarmyndinni að neðan. Skrefin níu í sínum litum. Allar göturnar verða göngugötur árið um kring. Eins og áður segir er forhönnun lokið og við tekur að útfæra hönnunina nánar þar sem áfram verður gætt að og rýnt í útfærslu á aðgengi fyrir alla í samráði við hagsmunasamtök. Þegar að framkvæmd kemur verður framkvæmt í litlum skrefum til að valda sem minnstu raski á þessum fjölförnu götum. Regnboginn neðarlega á Skólavörðustígnum hefur verið vinsælt myndefni ferðamanna sem Íslendinga undanfarin ár. Hann verður málaður á nýjum stað.Vísir/vilhelm Regnboganum sem nú er á Skólavörðustíg verður fundinn annar staður og er leit hafin að nýju heimili að því er segir í tilkynningu frá borginni. Að neðan má sjá meginmarkmið verkefnisins og áherslur hönnunarteymisins að ósk borgarhönnunarteymis Reykjavíkurborgar. Nánari upplýsingar má sjá hér. Göngugötur Skipulag Reykjavík Borgarstjórn Mest lesið „Af hverju ertu svona í framan?“ Innlent Alelda bíll á Reykjanesbraut Innlent Var að streyma á TikTok þegar hann féll til jarðar og lést Erlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Skipar Ísraelum að hætta að sprengja Erlent Umferðin færist inn á íbúðagötur Innlent Göngu- og hjólabrýr yfir Elliðaár opnast Innlent Boða íbúafundi vegna mögulegrar sameiningar sveitarfélaganna Innlent Fleiri fréttir Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Sjá meira
Forhönnun þriggja, þvegfaglegra teyma á verkefninu 9 skref var kynnt fyrir skipulags- og samgönguráði og borgarráði í vikunni. Tillögurnar voru unnar eftir forskrift og leiðbeiningum borgarhönnunar þar sem aðgengi allra, vörulosun, neyðarakstur og rými fyrir fólk var haft að leiðarljósi. „Úr forhönnun göngugötunnar má sjá innblástur frá persneskum árstíðagarði við Skólavörðustíg, flæðandi línur fyrir mannlíf og stemningu við gatnamót Laugavegar og Vegamótastígs, skemmtileg dvalarsvæði í Bankastræti og á Laugavegi vísar síldarbeinamynstur í klömbruhleðslur gömlu torfbæjanna,“ segir í tilkynningunni. Áhersla á gróður og lýsingu Þar segir að áhersla sé í öllum skrefunum á gróður og dvalarsvæði en með ólíkum hætti eftir því sem hentar hverjum stað. Þá sé leikið með lýsingu þar sem áhrifin minni á sindrandi stjörnur á einum stað og boðskapur í formi fljótandi texta finnist á öðrum stað. Horft upp Skólavörðustíginn. Tröppur eru við útganga verslana og veitingastaða með það að markmiði að bæta aðgengi.Úr tillögu hönnunarteyma „Þarfir notenda og rekstraraðila hafa verið hafðar í fyrirrúmi í verkefninu öllu og hefur gott samráð átt sér stað við hagsmunaaðila göngugatnanna. Þarna verður fólk í forgangi í nýju og öruggu umhverfi samþættrar göngugötu.“ Fram kemur að nafnið „9 skref“ sé beinlínis dregið af því að göngugötusvæðinu er skipt niður í níu skref. „Tilgangurinn með því er að skipta niður framkvæmdum svo sem minnst rask hljótist af þeim. Áhersla sé lögð á að skrefin verði unnin í sátt við nærumhverfið.“ Hönnun samræmd til að mynda heildstætt útlit Hvert teymi hefur lokið forhönnun á þremur skrefum og setja teymin sitt yfirbragð á hönnunina. Þar sem Bankastræti, Laugavegur og Skólavörðurstígur mætast.Úr tillögu hönnunarteyma „Með því móti er hægt að virða staðaranda svæðisins og forðast einsleitni. Lögð verður áhersla á að samræma hönnunina svo heildstætt útlit myndist þó svæðin hafi hvert sín sérstöku einkenni og verður til að mynda hellulögnin samræmd í allri göngugötunni.“ Götugögn, það er bekkir, ljósastaurar og fleira, verði einnig að hluta samræmt á öllu svæðinu. Sums staðar er hugmyndin að stalla götuna næst inngöngum þar sem hallinn er mikill eins og við Skólavörðustíg og í Bankastræti. Það gerir það að verkum að aðgengi allra verður betra og svæði til útiveitinga verður meira. Horft upp Skólavörðustíginn. Tröppur eru við útganga verslana og veitingastaða með það að markmiði að bæta aðgengi.Úr tillögu hönnunarteyma Fjórtán teymi sóttust upphaflega eftir því að taka þátt í þessu verkefni. Teymin þrjú sem urðu fyrir valinu og hafa nú lokið forhönnun eru: 1. Baldur Helgi Snorrason – arkitekt, Nils Wiberg – upplifunarhönnuður og Jóhann Sindri Pétursson – landslagsarkitekt. Skref: 4, 5, 7. Hluti Laugavegar og Bankastrætis. Gult svæði á skýringarmyndinni að neðan. 2. Ragnhildur Skarphéðinsdóttir – landslagsarkitekt, Elín Hansdóttir – myndlistarmaður og Kristján Kristjánsson – lýsingarhönnuður. Skref 1, 2, 3. Vegamótastígur og hluti Laugavegar. Rautt svæði á skýringarmyndinni að neðan. 3. Karl Kvaran – arkitekt og skipulagsfræðingur, Lilja Kristín Ólafsdóttir – landlagsarkitekt og Sigurður Árni Sigurðsson – myndlistarmaður. Skref 6, 8, 9. Skólavörðustígur og hluti Laugavegar. Blátt svæði á skýringarmyndinni að neðan. Skrefin níu í sínum litum. Allar göturnar verða göngugötur árið um kring. Eins og áður segir er forhönnun lokið og við tekur að útfæra hönnunina nánar þar sem áfram verður gætt að og rýnt í útfærslu á aðgengi fyrir alla í samráði við hagsmunasamtök. Þegar að framkvæmd kemur verður framkvæmt í litlum skrefum til að valda sem minnstu raski á þessum fjölförnu götum. Regnboginn neðarlega á Skólavörðustígnum hefur verið vinsælt myndefni ferðamanna sem Íslendinga undanfarin ár. Hann verður málaður á nýjum stað.Vísir/vilhelm Regnboganum sem nú er á Skólavörðustíg verður fundinn annar staður og er leit hafin að nýju heimili að því er segir í tilkynningu frá borginni. Að neðan má sjá meginmarkmið verkefnisins og áherslur hönnunarteymisins að ósk borgarhönnunarteymis Reykjavíkurborgar. Nánari upplýsingar má sjá hér.
Göngugötur Skipulag Reykjavík Borgarstjórn Mest lesið „Af hverju ertu svona í framan?“ Innlent Alelda bíll á Reykjanesbraut Innlent Var að streyma á TikTok þegar hann féll til jarðar og lést Erlent Safnaði í bálköst innandyra en kennir stundarbrjálæði um íkveikjuna Innlent Tætir í sig leikskólaplan borgarinnar: Segir Reykjavík taka skref aftur á bak Innlent „Algjörlega alveg út í hött“ Innlent Skipar Ísraelum að hætta að sprengja Erlent Umferðin færist inn á íbúðagötur Innlent Göngu- og hjólabrýr yfir Elliðaár opnast Innlent Boða íbúafundi vegna mögulegrar sameiningar sveitarfélaganna Innlent Fleiri fréttir Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Skrítin afstaða BSRB og ASÍ Tekist á um leikskólamál og árásir á Gasa Umfangsmikil flugslysaæfing á Reykjavíkurflugvelli Tætir í sig leikskólaplan borgarinnar: Segir Reykjavík taka skref aftur á bak Rannsaka mögulega stunguárás Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Sjá meira