Nýi Súpermann er tvíkynhneigður Kjartan Kjartansson skrifar 12. október 2021 08:36 Jon Kent sem Súpermann (t.v.) og Jay Nakamura (t.h.) í ástríðufullum kossi í nýjasta hefti myndasögunnar um Súpermann. DC Comics DC Comics myndasagnarisinn hefur tilkynnt að nýjasta útgáfan af persónu Súpermann verði tvíkynhneigð. Í næsta hefti myndasögunnar verður ofurhetjan ástsæla sýnd í ástarsambandi við karlmann. Það er þó ekki upprunalegi Súpermann, Clark Kent, sem er kominn út úr skápnum heldur sonur hans, Jon Kent. Sagan er hluti af sagnabálknum „Súpermann: Sonur Kal-El“ sem hóf göngu sína í sumar. Hann fjallar um ævintýri Jon eftir að hann tekur við skikkjunni og utanáliggjandi nærfötunum af föður sínum. Jon mun nú eiga í ástarsambandi við Jay Nakamura, bleikhærðan blaðamann sem hann vingaðist við fyrr í sagnaröðinni. DC tilkynnti um samband þeirra á degi sem er ætlað að vekja athygli á málefnum LGBT-fólks í Bandaríkjunum, að sögn breska ríkisútvarpsins BBC. Á ramma sem DC deildi úr nýju sögunni sjást Jon og Jay kyssast. Ekki hefur verið greint frekar frá söguþræði næsta heftis. Tom Taylor, höfundur sögunnar, segist hafa velt fyrir sér hvernig persóna Súpermann væri í samtímanum. Honum hugnaðist ekki að gera hann að enn öðrum hvíta, gagnkynhneigða bjargvættinum. Þegar hann leitaði til DC um að gera Súpermann tvíkynhneigðan komst hann að því að fyrirtækið hafði þegar íhugað þann möguleika. Jon Kent hefur í sagnaröðinni glímt við ýmis nútímaleg vandamál. Hann hefur barist við skógarelda af völdum loftslagsbreytinga, komið í veg fyrir skotárás í framhaldsskóla og mótmælt brottvísun flóttafólks. Eins og alltaf þegar reynt er að draga úr einsleitni ofurhetja hefur reiður her nettrölla hamast yfir ákvörðun DC. Taylor segir að þeir sem básúni um að ekki eigi að blanda pólitík saman við myndasögur gleymi því að þær hafi alltaf verið pólitískar á einhvern hátt. „Fólk sem gerir sér ekki grein fyrir því að X-mennirnir voru líking við borgararéttindahreyfinguna [í Bandaríkjunum],“ segir hann. Bókmenntir Hinsegin Bandaríkin Mest lesið Löggan sem gerðist leikari á miðjum aldri Lífið Á loks réttinn að öllum plötunum sínum Lífið Krakkatían: Lilo & Stitch, Skólahreysti og útskriftir Lífið Jóhanna Guðrún gæsuð Lífið „Ég fæ ekki á broddinn nema Knicks vinni“ Lífið Matti Matt nú meistari Lífið Yfir tvö hundruð tryllitæki sýnd um helgina Lífið samstarf Fréttatía vikunnar: Clint Eastwood, útivistarsvæði og óvenjuleg lending Lífið Í Love Island eftir lífshættulegt slys Lífið Frumflutti „Hver er sá besti“ í Fíladelfíu árið 1985 Tónlist Fleiri fréttir Þjóðin virðist tengja við streituna Birta Sólveig fer með hlutverk Línu Langsokks Emilíana og Víkingur Heiðar meðal tólf tilnefndu Listrænn stjórnandi Bolshoj-ballettsins til margra áratuga látinn Ungfrú Ísland með flestar tilnefningar Stendur fyrir auðmannsgleði í Elliðaárdal Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr Sjá meira
Það er þó ekki upprunalegi Súpermann, Clark Kent, sem er kominn út úr skápnum heldur sonur hans, Jon Kent. Sagan er hluti af sagnabálknum „Súpermann: Sonur Kal-El“ sem hóf göngu sína í sumar. Hann fjallar um ævintýri Jon eftir að hann tekur við skikkjunni og utanáliggjandi nærfötunum af föður sínum. Jon mun nú eiga í ástarsambandi við Jay Nakamura, bleikhærðan blaðamann sem hann vingaðist við fyrr í sagnaröðinni. DC tilkynnti um samband þeirra á degi sem er ætlað að vekja athygli á málefnum LGBT-fólks í Bandaríkjunum, að sögn breska ríkisútvarpsins BBC. Á ramma sem DC deildi úr nýju sögunni sjást Jon og Jay kyssast. Ekki hefur verið greint frekar frá söguþræði næsta heftis. Tom Taylor, höfundur sögunnar, segist hafa velt fyrir sér hvernig persóna Súpermann væri í samtímanum. Honum hugnaðist ekki að gera hann að enn öðrum hvíta, gagnkynhneigða bjargvættinum. Þegar hann leitaði til DC um að gera Súpermann tvíkynhneigðan komst hann að því að fyrirtækið hafði þegar íhugað þann möguleika. Jon Kent hefur í sagnaröðinni glímt við ýmis nútímaleg vandamál. Hann hefur barist við skógarelda af völdum loftslagsbreytinga, komið í veg fyrir skotárás í framhaldsskóla og mótmælt brottvísun flóttafólks. Eins og alltaf þegar reynt er að draga úr einsleitni ofurhetja hefur reiður her nettrölla hamast yfir ákvörðun DC. Taylor segir að þeir sem básúni um að ekki eigi að blanda pólitík saman við myndasögur gleymi því að þær hafi alltaf verið pólitískar á einhvern hátt. „Fólk sem gerir sér ekki grein fyrir því að X-mennirnir voru líking við borgararéttindahreyfinguna [í Bandaríkjunum],“ segir hann.
Bókmenntir Hinsegin Bandaríkin Mest lesið Löggan sem gerðist leikari á miðjum aldri Lífið Á loks réttinn að öllum plötunum sínum Lífið Krakkatían: Lilo & Stitch, Skólahreysti og útskriftir Lífið Jóhanna Guðrún gæsuð Lífið „Ég fæ ekki á broddinn nema Knicks vinni“ Lífið Matti Matt nú meistari Lífið Yfir tvö hundruð tryllitæki sýnd um helgina Lífið samstarf Fréttatía vikunnar: Clint Eastwood, útivistarsvæði og óvenjuleg lending Lífið Í Love Island eftir lífshættulegt slys Lífið Frumflutti „Hver er sá besti“ í Fíladelfíu árið 1985 Tónlist Fleiri fréttir Þjóðin virðist tengja við streituna Birta Sólveig fer með hlutverk Línu Langsokks Emilíana og Víkingur Heiðar meðal tólf tilnefndu Listrænn stjórnandi Bolshoj-ballettsins til margra áratuga látinn Ungfrú Ísland með flestar tilnefningar Stendur fyrir auðmannsgleði í Elliðaárdal Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr Sjá meira