Úrslitaleikur Mjólkurbikars karla fer fram í dag og reikna má með mikilli stemningu í stúkunni þar sem fjöldi miða hefur nú þegar selst.
Íslandsmeistarar Víkings eru sigurstranglegri en Skagamenn hafa verið á góðu róli og stefna á að fullkomna frábæran endi á tímabilinu með sigri í bikarnum.
Markverðir liðanna tveggja verða í sérmerktum Rinat markmannshönskum í leik dagsins. Á öðrum þeirra mun standa „Mjólkurbikarinn Úrslit“ og hinum „ÍA – Víkingur 16. 10. 2021.“
Allir markmenn úrslitaleiks Mjólkurbikars karla verða í sérmerktum Rinat hönskum
— Rinat Ísland/Iceland markmannsvörur (@RinatIsland) October 15, 2021
@arni_marino
@trideset_jedan
@ingvarjons
@doddsabullet@ia_akranes @vikingurfc @mjolkurbikarinn #rinatisland #teamrinatisland #mjólkurbikarinn @hjorvarhaflida #fotboltinet pic.twitter.com/khxTs7agQr
Árni Marinó Einarsson mun að öllum líkindum standa í marki ÍA á meðan Ingvar Jónsson mun eflaust verja mark Víkinga. Á bekknum hjá ÍA verður Dino Hodzic og Þórður Ingason hjá Víkingum.
Úrslitaleikur Mjólkurbikarsins hefst klukkan 15.00 og er í beinni útsendingu Stöðvar 2 Sport.
