Frakkar snéru taflinu við og tryggðu sér sæti í úrslitum

Dönsku stelpurnar byrjuðu betur og höfðu yfirhöndina í fyrri hálfleik. Liðið náði mest fjögurra marka forskoti í hálfleiknum í stöðunni 8-4, en þær frönsku klóruðu í bakkan fyrir hlé og minnkuðu muninn í tvö mörk. Staðan þegar gengið var til búningsherbergja var 12-10, Dönum í vil.

Enn hafði danska liðið yfirhöndina framan af í síðari hálfleik og náði aftur fjögurra marka forskoti. Franska liðið gafst þó ekki upp og jöfnuðu metin 20-20, en það var í fyrsta skipti sem var jafnt síðan í stöðunni 2-2.

Það voru svo þær frönsku sem reyndust sterkari á lokakaflanum og þær unnu nauman eins marks sigur, 23-22, og eru á leið í úrslit.