Við þurfum fleira fólk Þórdís Lóa Þórhallsdóttir skrifar 15. janúar 2022 07:11 Á Íslandi býr fjölbreytt flóra fólks. Alls konar fólks. Þar á meðal af erlendum uppruna og stór hluti þeirra býr í Reykjavík, þar sem þau hjálpa til við að glæða mannlífið lit, vinna mikilvæg störf á öllum sviðum og eru nágrannar okkar og vinir. Sum þeirra ætla aðeins að koma tímabundið til landsins, en ílengjast. Önnur stoppa bara stutt. Þessi viðbót við samfélagið er meira en velkomin. Hún er nauðsynleg okkur öllum og við myndum strax finna fyrir því í okkar daglega lífi, ef þessi samfélagshópur myndi skyndilega ákveða allur að leita fyrir sér á öðrum slóðum. Ekki fyrir löngu hitti ég nokkrar erlendar konur sem hafa komið til landsins á mismunandi forsendum. Það voru góð atvinnutækifæri, ástin og ævintýraþráin. Erindið var að tala fyrir hagsmunum barna sinna. Að tryggja að þau fengju bestu mögulegu menntun, hvar svo sem þau væru stödd í íslensku. Því ákvarðanir fjölskyldunnar um að flytja til Íslands og hvort þau verði hér áfram snúast líka um það hvort börnunum líði vel. Þær vildu líka leggja sitt af mörkum til að gera Ísland að enn betra samfélagi. Samfélagi þar sem við fáum öll notið okkar, nýtt menntun okkar og þekkingu. Þannig verður allt Ísland betra. Við erum í samkeppni um erlent starfsfólk Viðreisn vill tryggja réttindi þeirra sem hingað vilja flytja, hvort sem það er á Covid tímum eða öðrum. Fólki af erlendum uppruna þarf að tryggja réttindi hér til þjónustu, náms og vinnu, svo það geti búið sér til betra líf. Fólki með alls konar reynslu. Við þurfum sérstaklega að horfa til þess að okkur vantar fólk til starfa í heilbrigðis- og velferðarkerfinu. Ekki bara í heimsfaraldri, heldur til framtíðar. Sérstaklega vantar okkur sérhæft starfsfólk á sjúkrahús. Starfsfólk sem mikil samkeppni er um, um allan heim. Í þeirri samkeppni þurfum við að gera betur í því að auðvelda fólki að flytja til Íslands og fá menntun sína metna. En umhverfið sem fólkið flytur til skiptir líka máli. Þar þarf Reykjavík, sem borgarsamfélag að standa sig í að bjóða upp á líflegt menningarsamfélag, góðar almenningssamgöngur, grænt og fallegt umhverfi, gott húsnæði og góða menntun fyrir börnin þeirra. Í borginni þarf fólk, bæði þau sem hér búa og hingað vilja flytja, að ná að næra líkama og sál og finna til öryggis hvað varðar þau sjálf og ekki síst börnin þeirra. Inngilding allra íbúa í þágu alls samfélagsins Öll sveitarfélög hagnast á því að huga að inngildingu allra íbúa sinna, sama hver uppruni þeirra er. En sveitarfélögin þurfa að forgangsráða bæði fjármunum og faglegu starfsfólki til að stuðla að virkri þátttöku allra og leysa þannig úr læðingi það afl sem felst í íbúum af erlendum uppruna í þágu alls samfélagsins. Til að stuðla að inngildingu allra íbúa og til þess að vera samkeppnishæf fyrir sérhæft starfsfólk sem hingað íhugar að flytja með fjölskyldu sína, þarf sérstaklega að horfa til skóla- og frístundastarfs. Þar dvelja börn stóran hluta dagsins og foreldrar þurfa að vera öruggir um að þeirra börn fái sömu tækifæri og önnur til menntunar. Að þeirra börn fái nauðsynlegan stuðning í skólum og í frístundastarfi til að hæfileikar þeirra fái að blómstra og þau fái að njóta sín. Reykjavíkurborg hefur lagt áherslu á að styðja við börn sem hafa annað tungumál en íslensku að móðurmáli, með sérstökum íslenskuverum. Markmiðið er ekki að íslenskan taki yfir móðurmál barnanna, enda sýna allar rannsóknir að góður grunnur í móðurmálinu hjálpi til við að læra næsta tungumál. Markmiðið er mun frekar að aðstoða börnin við að ná góðum tökum á íslensku til að opna fyrir þeim dyr að íslensku samfélagi. Styðjum öll börn, ekki bara helming Reykjavíkurborg hefur þurft að höfða dómsmál gegn íslenska ríkinu, til að fella úr gildi ákvörðun ríkisvaldsins að Reykjavík, eitt sveitarfélaga geti ekki fengið greiðslur úr Jöfnunarsjóði vegna skólastarfs og kennslu barna af erlendum uppruna. Óskandi væri að ríkið myndi semja við borgina til að jafna stöðu barna af erlendum uppruna um allt land, sérstaklega þegar það er haft í huga að tæplega helmingur allra barna á grunnskólaaldri búa í Reykjavík. Ég minni á að stjórnarsáttmáli ríkisstjórnarinnar tiltekur sérstaklega að styðja þurfi við börn af erlendum uppruna í skólakerfinu. Þar á þessi ríkisstjórn Vinstri grænna, Sjálfstæðisflokks og Framsóknarflokks vonandi við að styðja þurfi við öll börn af erlendum uppruna en ekki bara þann helming barna sem býr utan Reykjavíkur. Höfundur er oddviti Viðreisnar í Reykjavík og formaður borgarráðs. Viltu birta grein á Vísi? Sendu okkur póst. Senda grein Borgarstjórn Reykjavík Viðreisn Þórdís Lóa Þórhallsdóttir Skoðun: Kosningar 2022 Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Styrkjum stöðu leigjenda Kristján Þórður Snæbjarnarson Skoðun Skoðun Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Skoðun Sumt er bara ekki hægt að rökræða Ása Lind Finnbogadóttir skrifar Skoðun Vaxtamunarviðskipti láta aftur á sér kræla Jökull Sólberg Auðunsson skrifar Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir skrifar Skoðun Rétt skal vera rétt um gatnamót við Höfðabakka og Bæjarháls Dóra Björt Guðjónsdóttir skrifar Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir skrifar Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir skrifar Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir skrifar Skoðun Græðgin í forgrunni Kolbrún Áslaugar Baldursdóttir skrifar Skoðun Greiningar eða lausnir – hvort vegur þyngra? Sigurður Árni Reynisson skrifar Skoðun Sterk staða Hafnarfjarðar Orri Björnsson skrifar Skoðun Bless bless jafnlaunavottun Sigríður Margrét Oddsdóttir skrifar Skoðun Miðstýrt skólakerfi eða fjölbreytni með samræmdu gæðamati? Bogi Ragnarsson skrifar Skoðun Heiðursgestur Viðreisnar vill heimsveldi Hjörtur J. Guðmundsson skrifar Skoðun Veðmál barna – hættulegur leikur sem hægt er að stöðva Jóhann Steinar Ingimundarson skrifar Skoðun Allt leikur í umburðarlyndi – eða hvað? Sigurður Eyjólfur Sigurjónsson skrifar Skoðun Lyfjafræðingar - traustur stuðningur í flóknum heimi Sigurbjörg Sæunn Guðmundsdóttir skrifar Skoðun Þvílíkt „plan“ fyrir íslensk heimili Magnea Gná Jóhannsdóttir skrifar Skoðun Ísland og móðurplanta með erindi Steinunn Ólína Þorsteinsdóttir skrifar Skoðun Háttvirta nýja þingkonan, María Rut Kristinsdóttir Ólafur Grétar Gunnarsson skrifar Skoðun Alþjóðadagur krabbameinsrannsókna – eitthvað sem mig varðar? Halla Þorvaldsdóttir skrifar Skoðun Af hverju ættum við að stunda geðrækt, rétt eins og líkamsrækt? Sigrún Þóra Sveinsdóttir skrifar Sjá meira
Á Íslandi býr fjölbreytt flóra fólks. Alls konar fólks. Þar á meðal af erlendum uppruna og stór hluti þeirra býr í Reykjavík, þar sem þau hjálpa til við að glæða mannlífið lit, vinna mikilvæg störf á öllum sviðum og eru nágrannar okkar og vinir. Sum þeirra ætla aðeins að koma tímabundið til landsins, en ílengjast. Önnur stoppa bara stutt. Þessi viðbót við samfélagið er meira en velkomin. Hún er nauðsynleg okkur öllum og við myndum strax finna fyrir því í okkar daglega lífi, ef þessi samfélagshópur myndi skyndilega ákveða allur að leita fyrir sér á öðrum slóðum. Ekki fyrir löngu hitti ég nokkrar erlendar konur sem hafa komið til landsins á mismunandi forsendum. Það voru góð atvinnutækifæri, ástin og ævintýraþráin. Erindið var að tala fyrir hagsmunum barna sinna. Að tryggja að þau fengju bestu mögulegu menntun, hvar svo sem þau væru stödd í íslensku. Því ákvarðanir fjölskyldunnar um að flytja til Íslands og hvort þau verði hér áfram snúast líka um það hvort börnunum líði vel. Þær vildu líka leggja sitt af mörkum til að gera Ísland að enn betra samfélagi. Samfélagi þar sem við fáum öll notið okkar, nýtt menntun okkar og þekkingu. Þannig verður allt Ísland betra. Við erum í samkeppni um erlent starfsfólk Viðreisn vill tryggja réttindi þeirra sem hingað vilja flytja, hvort sem það er á Covid tímum eða öðrum. Fólki af erlendum uppruna þarf að tryggja réttindi hér til þjónustu, náms og vinnu, svo það geti búið sér til betra líf. Fólki með alls konar reynslu. Við þurfum sérstaklega að horfa til þess að okkur vantar fólk til starfa í heilbrigðis- og velferðarkerfinu. Ekki bara í heimsfaraldri, heldur til framtíðar. Sérstaklega vantar okkur sérhæft starfsfólk á sjúkrahús. Starfsfólk sem mikil samkeppni er um, um allan heim. Í þeirri samkeppni þurfum við að gera betur í því að auðvelda fólki að flytja til Íslands og fá menntun sína metna. En umhverfið sem fólkið flytur til skiptir líka máli. Þar þarf Reykjavík, sem borgarsamfélag að standa sig í að bjóða upp á líflegt menningarsamfélag, góðar almenningssamgöngur, grænt og fallegt umhverfi, gott húsnæði og góða menntun fyrir börnin þeirra. Í borginni þarf fólk, bæði þau sem hér búa og hingað vilja flytja, að ná að næra líkama og sál og finna til öryggis hvað varðar þau sjálf og ekki síst börnin þeirra. Inngilding allra íbúa í þágu alls samfélagsins Öll sveitarfélög hagnast á því að huga að inngildingu allra íbúa sinna, sama hver uppruni þeirra er. En sveitarfélögin þurfa að forgangsráða bæði fjármunum og faglegu starfsfólki til að stuðla að virkri þátttöku allra og leysa þannig úr læðingi það afl sem felst í íbúum af erlendum uppruna í þágu alls samfélagsins. Til að stuðla að inngildingu allra íbúa og til þess að vera samkeppnishæf fyrir sérhæft starfsfólk sem hingað íhugar að flytja með fjölskyldu sína, þarf sérstaklega að horfa til skóla- og frístundastarfs. Þar dvelja börn stóran hluta dagsins og foreldrar þurfa að vera öruggir um að þeirra börn fái sömu tækifæri og önnur til menntunar. Að þeirra börn fái nauðsynlegan stuðning í skólum og í frístundastarfi til að hæfileikar þeirra fái að blómstra og þau fái að njóta sín. Reykjavíkurborg hefur lagt áherslu á að styðja við börn sem hafa annað tungumál en íslensku að móðurmáli, með sérstökum íslenskuverum. Markmiðið er ekki að íslenskan taki yfir móðurmál barnanna, enda sýna allar rannsóknir að góður grunnur í móðurmálinu hjálpi til við að læra næsta tungumál. Markmiðið er mun frekar að aðstoða börnin við að ná góðum tökum á íslensku til að opna fyrir þeim dyr að íslensku samfélagi. Styðjum öll börn, ekki bara helming Reykjavíkurborg hefur þurft að höfða dómsmál gegn íslenska ríkinu, til að fella úr gildi ákvörðun ríkisvaldsins að Reykjavík, eitt sveitarfélaga geti ekki fengið greiðslur úr Jöfnunarsjóði vegna skólastarfs og kennslu barna af erlendum uppruna. Óskandi væri að ríkið myndi semja við borgina til að jafna stöðu barna af erlendum uppruna um allt land, sérstaklega þegar það er haft í huga að tæplega helmingur allra barna á grunnskólaaldri búa í Reykjavík. Ég minni á að stjórnarsáttmáli ríkisstjórnarinnar tiltekur sérstaklega að styðja þurfi við börn af erlendum uppruna í skólakerfinu. Þar á þessi ríkisstjórn Vinstri grænna, Sjálfstæðisflokks og Framsóknarflokks vonandi við að styðja þurfi við öll börn af erlendum uppruna en ekki bara þann helming barna sem býr utan Reykjavíkur. Höfundur er oddviti Viðreisnar í Reykjavík og formaður borgarráðs.
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir skrifar
Skoðun Rétt skal vera rétt um gatnamót við Höfðabakka og Bæjarháls Dóra Björt Guðjónsdóttir skrifar
Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir skrifar
Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir skrifar
Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir skrifar
Skoðun Af hverju ættum við að stunda geðrækt, rétt eins og líkamsrækt? Sigrún Þóra Sveinsdóttir skrifar
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun